بولو مكتومه

[Ayman-badr]

يا جماعه معايا بولو ..... 1000 سي سي 98 و فيها مشكله لما بكون ماشي العربيه بتعلي كانك دوست دبرياج و تكتم شويه و بعد كده تمشي و العربيه مكتومه ... مش عارف دي اسطوانه ولا طرمبه البنزين و كمان المكانيكي بص بالجهاز بس مفيش مشكله علي الجهاز ,,, و الموضوع ده مش علي طول سعات و سعات

[wael_mega]

أنتا قصدك علي rpm بيعلي ويوطي لو كده عندك حاجه من اتنين تنضيف بوابه البنزين أو حساس الحراره بس ده تقريبا مستبعد

[buddha]

الكمبيوتر مش هيبين خير حساسات
يعنى ولا طرمبة ولا طقم دبرياج

ممكن يكون فلتر بنزين

[Ayman-badr]

شكرا يا رجاله ... هجرب الفلتر .. هي بتعمل كده و انا ماشي علي طريق سريع

[buddha]

اية الاخبار يا باشا

متابع

[Ayman-badr]

لسه معملتعاش والله ...

[Mo Saleh]

لو الار بى ام بيعلى مرة واحدة و بيوطى و بالذات و انت ماشى ع الرابع او الخامس يبقى دبرياج
لو بتنتش منك و انت ماشى هادى يبقى يا اما بوجيهات يا اما فلتر بنزين
و الله أعلم

[buddha]

او بنزين مش نظيف
وسد فلتر البنزين

[Ayman-badr]

عملتها الحمد لله كانت اسطوانه و ضبطها

[Moratoz]

ان شاء الله تكون هي دي وتظبط معاك