تراجع اشكال سيارات فولكس فاجن الى الاسوء

[Ahmad frij]

السلام عليكم انا حبيت افتح هادا الموضوع بس ما بدي اي تعصب وبعرف انو الشكل ازواق
بس ليش اشكال سيارات فولكس فاجن كل مالها الى الاسوء مثلا الباسات 2006 احلا بكتير من الباسات 2012 .....والجيتا 2007 احلا بكتير من 2012 والجولف نفس الاشي والتغوان وخاصة اشكال الاضواء الامامية بكل سياراة فولكس فاجن من الامام والخلف التي سادت جميع السيارات فولكس

بس ما بدي اي تعصب

[omar-saad]

تمام انا معاك ان فعلا تحس انهم بداو يتراجعوا فى موضوع التصميم
بس هى دى طبيعة الشركات الالمانية الاشكال بتاعتها المتححفظة نوعا ما
بس خللى بالك انهم عوضوا دة بالتكنولوجيا اللى بيحطوها فى عربياتهم
ودة اللى بيخلينى انا شخصيا اتغاضى عن حاجة زى الشكل دة
قى مقابل انى اركب حاجة محترمة

[S O P H O S]

تصميمات منتصف ال الالفينات هي قمة التصميمات
اما عن الاخيرة فهي عادية فعلا ليس بالسيئة ولكن مش فجمال السابق ..

[محمد أنور]

انا شايف ان الجيتا و الباسات تحفة .. الجولف هي اللي مش عاجبني شكلها خالص

[Mohab.Nabil]

الباسات الجديدة تحفة و بصراحة شايفها احلى من القديمة بس القديمة حلوة برضه

الجيتا الاتنين نفس المستوى

الجولف جولف 5 احلى من 6 بس الـ 7 تقريبا بنفس جمال الـ 5

دا رأيى الشخصى

[shaddadfalcon1]

الألماني خصوصا والأوروبي عموما مش من العربيات اللي تخطفك من اول نظره
شويه بشويه تحس انك بتتعود علي شكلها وبتموت فيها

انا كنت شايف الباسات برده وحشه قوي ومع الوقت ابتديت احس بشياكتها

نفس الكلام بالنسبه للبي ام الفئه الخامسه كنت شايفها اوحش بكتيييييييييير من القديمه والأنسيابيه بتاعتها ودلوقتي بقول علي القديمه ان شكلها معفن بالنسبه لشكل الجديده

[karimmagdy50]

عندك حق وتحس ان الاتنين بقو شكل بعض
وسعرهم مبالغ فيه بصراحة

[Formulator]

أنا كان معايا جولف4،
وكان نفسى أجيب جولف5 (اللى هى أجمل جولف على الإطلاق -فـ رأيى)
وطبعا الجيتا المبنية عليها كانت جميلة،

الباسات الـB5 كانت أجمل باسات إتعملت!

الجيتا الجديدة:
كان لازم لما شوفتها.. أعرف ان face الجولف7 هيبقى نفس الشكل السىء ده؟!!

يعنى شكل الجولف6 والباسات B5.5 كان معقول أوى (مش ثورى لكن VW tribute)

معرفش ليه مصرين عـ الـAudi Esque فـ كل الـVAG الجديد؛ حتى الإسكودا والسيات؟!!!

دا الأودى نفسها -اللى واخدين منها التصميمات دى- بدأت تخرج من الشكل الألمانى المتحفظ، وتعمل أشكال إنسيابية (فـ السيدان عـ الأقل)!!

[i_Am_Legend]

احلي تصميم في الاوروبي..هو الايطااالي بلا منااازع.. عندك الفيات برافو..وبونتو ايفو...وطبعا موديلات الفاروميو..
اللي مافيش عربية تضاهيها في التصميم وروعة الاداء.

[SYD]

لا يا جماعة حرام تظلموا فولكس
انا معاكوا ان شكل الفوانيس من قدام مش شيك اوي زي الجولف 5 والجيتا والباسات
بس بردو مش وحشة
هي واخدة الطابع الهجومي الجريء وتحسسك انها شارك او وحش كاسر

اما عن توحيد التصميم والتشابه فدة نجاح وبيعتبر تصميم الجيل
يعني لما تشوف اي عربيتين لفولكس تعرف انهم نفس الجيل ودة ما يتلاحظش في وقتها ولكن يظهر بعد مرور زمن علي الجيل
يعني علي سبيل المثال - لما تشوف جولف 4 وبورا لازم تحس انهم نفس الجيل
لما تشوف جولف 5 وجيتا من قدام لازم تعرف انهم نفس الجيل - والجيتا والباسات من الخلف تقريبا نفس الفانوس مع اختلاف الشنطة والاكصدام
كذلك توحيد شكل الهوايات والدريكسيون وتفريغ الكابوت عشان دائرية العلامة في جولف 6 وبولو

اعتقد دة نجاح ومنهج ومش حاجة جديدة

تحياتي

[Ahmad frij]

يسلمو علىى جميع الردود المنورتنا
تحياتي

[Moratoz]

انا عن نفسي بحب جداً شكل الباسات 2006 ومحبتش الجيتا الشبيهه لها علي شان حسين انها استنساخ منها حتي اننا كنا في الاول ما بنفرقش بينهم غير لما العربيه انتشرت

[HeMa1981]

في رأي أن الباسات سي سي الشكل الجديد من أروع أشكال وأفخم أشكال الباسات
لكن مش عارف هى نزلت مصر ولا لأ
موجودة في السعودية وبعض دول الخليج

[Ahmad frij]

في رأي أن الباسات سي سي الشكل الجديد من أروع أشكال وأفخم أشكال الباسات
لكن مش عارف هى نزلت مصر ولا لأ
موجودة في السعودية وبعض دول الخليج

احنا نزلت عنا بفلسطين

[Ahmad frij]

انا اكثر قاهرني شكل التغوان الجديد القديم احلا بكتيير

http://www.google.ps/search?q=%D8%AA%D8%BA%D9%88%D8%A7%D9%86%202009&um=1&ie=UTF-8&hl=ar&tbm=isch&source=og&sa=N&tab=wi&ei=o1ErUaTeIKqo4gTFyYCwAw&biw=1280&bih=923&sei=plErUZquF8fZtQbg1YCoBA#imgrc=aXlCfN9xpMRRsM%3A%3BTUjSBpd94WDoUM%3Bhttp%253A%252F%252Fstatic.cargurus.com%252Fimages%252Fsite%252F2009%252F05%252F03%252F09%252F43%252F2009-volkswagen-tiguan-sel-pic-5682.jpeg%3Bhttp%253A%252F%252Fwww.cargurus.com%252FCars%252F2009-Volkswagen-Tiguan-SEL-Pictures-t33831_pi35659201%3B1000%3B750