كنترول بولو 2001 1.4 mpi

[mohd7380]

السلام عليكم و رحمة الله

لو سمحت يا شباب انا سقطت موتور 1.4 mpi لعربيتي البولو الجمعة الفاتت و لما جينا ندور العربية لاول مرة مرديتش تدور قام الميكانيكي (فى القاهرة) شال الكنترول و حط كنترول الموتور القديم 1000 سي سي و دارت و قالي انا هاحتاج اكود الكنترول الجديد المهم مشيت بالعربية و طنشت موضوع الكود دة لاني كنت مشغول . لقيت العربية النهاردة بتلت مني و سحبها ضعف جدا رحت لميكانيكي (فى بورسعيد) قالي كله تمام ممكن يكون الكنترول فبدات اهتم بموضوع الكنترول و دخلت على النت كتبت الكود بتاع الكنترول ال معايا بتاع 1.4 لقيته بيديني انه بتاع ايبيزا 1.4 16 صباب و بتاع البولو كوده مختلف على النت فانا مش عارف اروح اكود بكرة فى بورسعيد عادي و لا استنى اجي القاهرة و اغير الكنترول
كود الكنترول : 261206836 bosch
ارجو الافادة

[SYD]

طب هل انت موتورك 16 صباب ؟
اصل الابيزا بتاخد اصلا مواتير البولو
ياريت تقولنا كود موتورك الحالي وكود موتور الابيزا اللي ظهرلك لما دورت بكود الكونترول

بس المفروض موتورك يدور بكونتروله اللي جاي معاه - كل ماهو نالك هتكود المفتاح علي الكونترول عشان الايموبلايزر - لا اكثر ولا اقل

اما عن التتليت فدة له اسباب كتيرة جدا ممكن يكون اسلاك بوجيهات او احد البوجيهات قاطع او الضفيرة عايزة تتظبط او احد الرشاشات او ضعف في الموبينة
وهل عرفت انهي بوجيه اللي قاطع وهل قاطع تماما ولا بيرمي شرر والسلندر هو اللي قاطع

انا مش عايز ادخلك في متاهات
ولكن يجب الاول البحث عن سبب التتليت وبعدها نتناقش في موضوع تكويد الكونترول

تحياتي

[elshrpeny]

يعنى معنى كلامك يا أستاذ سيد إن حتى لو الماتور ال 1.4 الجديد إلى مسقطة شغال بكنترول الماتور القديم الى هو ال 1.0 دا ميأثرش فى حاجة فى أداء و سحب وتجميع الماتور ال1.4 المتسقط حالياً ولا إية ؟
دى نقرة ودى نقرة ؟ التتلييت حاجة و الكنترول حاجة ولا إية ؟

[mohd7380]

طب هل انت موتورك 16 صباب ؟
اصل الابيزا بتاخد اصلا مواتير البولو
ياريت تقولنا كود موتورك الحالي وكود موتور الابيزا اللي ظهرلك لما دورت بكود الكونترول

بس المفروض موتورك يدور بكونتروله اللي جاي معاه - كل ماهو نالك هتكود المفتاح علي الكونترول عشان الايموبلايزر - لا اكثر ولا اقل

اما عن التتليت فدة له اسباب كتيرة جدا ممكن يكون اسلاك بوجيهات او احد البوجيهات قاطع او الضفيرة عايزة تتظبط او احد الرشاشات او ضعف في الموبينة
وهل عرفت انهي بوجيه اللي قاطع وهل قاطع تماما ولا بيرمي شرر والسلندر هو اللي قاطع

انا مش عايز ادخلك في متاهات
ولكن يجب الاول البحث عن سبب التتليت وبعدها نتناقش في موضوع تكويد الكونترول

تحياتي

موتوري الجديد واحد كامة مخلوع من نص بولو و انا معرفش كوده نسيت اخده و لسة ماخدتش ورق الموتور لان لسة عليا باقي فلوس للمحل حتى التجربة بس هو اكيد 1.4 لاني اول ما اخدت العربية حسيت بفرق كبير فى السحب
بالنسبة للبوجيه و الموبينة و الاسلاك , الميكانيكي فى بورسعيد جربها كلها و حط كل حاجة منهم من عندة و العيب هو هو علشان كدة قالي ممكن يكون كنترول
شكرا على المرور

[mohd7380]

للافادة ياشباب
انا جيت الفاهرة و اخدت الكنترول بتاعي الصح و رحت لكهربائي اسمه رشاد فى الحرفيين قالي سيبلي العربية ساعتين كانت 10 باليل سيبتها و خدتها منه مسطرة و كل العيوب الكانت فيها فعلا راحت اتاري الكنترول دة حوار المهم دفعت 350 جنيه (150 تكويد و 200 فك شفرة) و مشيت من عنده فرحان بالعربية دخلت بنزينة موبيل السلام افول العربية بطلتها مرديتش تدور تاني مفيش بعدها ب 10 دقائق قمت جبت عربية شدتني من البنزينة لسي رشاد افندي ب 100 جنيه و دمي محبوس حبسة السنين طلع الفيشة بتاعت الكنترول مش راكبة كويس ركبها البيه كويس و مشيت
انا قلت اقولكوا علشان كل واحد يخلي باله من فيشته :)