معلومات عن بولو كلاسيك 2001

[bode_mw_2005]

شباب انا معروض عليا عربيه بولو كلاسيك 2001 سيدان 1400 سى سى كامله مانيوال فبريكه برا و جوا
اولا عايز اعرف ايه اخبار العربيه دى وصيانتها صعبه ولا سهله وكل المعلومات المتوفره عنها بعد اذنكم وياريت كمان اعرف متوسط السعر ليها
شكرا لتعبكم مقدما

[Mohamed~Adel]

أولاً اللى انا اعرفه ان بولو 2001 1000 cc مش 1400 اللا لو كانت GTI و دا نادر جدا ً ثانيا العربية من 2001 يعنى بقالها 12 سنه يعنى اكيد رشه بره معنى كدا ان صاحبها ممكن يكون بيشتغلك ,, نصيحة لازم تأخد معاك سمكرى و ميكانيكى بيفهم علشان ميضحكش عليك فيها .. بالنسبة للسعر انا مش متأكد بس لو حالتها كويسة من 40 الى 45 الف و بالنسبة لقطع الغيار موجودة بس غالية شوية بس حاجة تعمر معاك ....

[bode_mw_2005]

شكرا على ردك يا محمد
بولو 2001 نزل منها موديل اسمه بولو كلاسيك وده الوحيد اللى هاتلاقيه بشنطه مش هاتش باك وهو ماتوره بينزل 1400 واحد كامه ... اما مسأله انها فبريكه برا فا هاخد معايا سمكرى وشكرا على النصيحه

[SYD]

العربية البولو كلاسيك - عربية جميلة جدا وتعتبر كأنها سيات قرطبة مع اختلاف الشنطة والفوانيس الخلفية
يعني كصاج ماتشلش همها
اما عن الموتور فلو كان 1400 كامة واحدة - فدة ميزة في حد ذاته كتوافر لقطع الغيار - لأنها بتتشابه جدا مع قطع غيار البولو ال98 ال1000 والأبيزا ال1000 وبعض قطع غيار الجولف 2 والجولف 3

العربية دي المفروض تلعب في الرينج بين 45 - 50 لكونها فبريكة والحالة هي الفيصل

لازم تكشف عليها كمبيوتر علشان تعرف لو فيها اي ايرورز - ارفعها في بنزينة وشوفها واكشف عليها وخد تقرير بيها - ولا مانع من سمكري وميكانيكي يشوفوها

مبروك مقدماً

[adel71]

بولو كلاسيك2001
هل قطع غيارها متوافره اصليه خارج التوكيل واسعارها ايه

هل هي نفس قطع غيار اللي بتركب علي البولوالهاتش باك علي الاقل في العفشه ولا مختلفه كليا
هل في مكانيكيه متخصص فيها ولا اي حد بتاع فولكس هيصلحها ولا لازم التوكيل
في ملحوظه لقتها في كل السيارات اللي لقتها معروشه للبيع وهو ان كلهم ب اما مكسرتش ال 100 الف كيلو يا اما لسه كسراه وديه حاجه غريبه لحظتها ؟ هل ده لانهم مش بيمشوا بيها ولا ده لانها مش بتستحمل بعد ال 100 الف