كام سؤال لخبراء الجولف 6 .. !!

[ebnyousry]

السلام عليكم و رحمة الله و بركاته

ازيكم يا رجالة الفولكس .. عاملين ايه .. ؟؟

كام سؤال كدة لأخوكم الغلبان .. فمعلش استحملونى شوية

1- البنزين 92 حاسس انه أثر على اداء المكنة .. و لا دى تهيؤات ؟؟
2- تركيب الكاميرا الخلفية فى التوكيل بيكلف قد ايه ؟؟
3- النهاردة حليت فرش باب الشنطة الخلفية عشان كان فيه صوت خرفشة كدة فيه .. و قلت اركبه تانى . لقيت مجموعة كابلات كدة ملفوفة على بعضها و مش راكبة فى اى حاجة و مش عارف ايه دول .. مع العلم ان كل حاجة فى العربية شغالة تمام مفيش حاجة فاصلة .. !!

دى صور الكابلات





أفيدونى افادكم الله :)

[hany63]

لو المكنه tsi اكيد الاداء هيتاثر كتير
انما لو ال ١٦٠٠ اعتقد الفرق هيبقى بسيط و جرب محطه تانيه
حضرتك متاكد ان التوكيل بيركب كاميرا؟
على حسب معلوماتي ما بيرضوش في الحاجات اللي فيها توصيل بالضفيره زي الكاميرا و الزينون لو العربيه مافيهاش
احتمال يكونوا عاملين حسابها في التوصيلات اللي حضرتك لقيتها

[exact]

اعتقد دي توصيلات كاميرا خلفية في الأوبشان الاعلى

[ebnyousry]

شكرا لردك يا باشا .. و بصراحة مش متأكد من موضوع التركيب فى التوكيل دة

[Karim Ibiza]

قولنا موتورك ايه عشان نعرف الاوكتان المناسب ليه
وبالنسبة للكابلات هتلاقى مكتوب عليها ارقام وحروف ياريت تقولنا عليها عشان نقدر نفيدك

[akrumcs]

انا حافيدك في موضوع الكاميرا للأسف التوكيل مابيركبش لا كاميرا ولا زينون
وبالنسبه للبنزين انا من اول ماجبتها وهيا ماشيه 92 ومافيش مشاكل الا الأن ده غير ان باب التانك عندي مكتوب 91 98 فا اعتقد 92 مش حايعمل حاجه

[ebnyousry]

الموتور بتاعى 1600 .. و باب التانك مكتوب عليه Minimum 95 .. !!
و بصراحة انا قفلت ضهر الشنطة خلاص فمش هاعرف اجيب ارقام الكابلات :(

[الريس حميدو]

ما اعرفه عن تجربة ان التوكيل يركب زينون وبلوتوث وكاميرا معتمدة من فولكسفاغن لكن الاسعار نار
الكاميرا مثلا مع بلوتوث تتطلب تغيير الراديو الاصلي بشاشة متعددة الوظائف ديجيتال من فولكسفاغن لكن سعرها يفوق سعر الصينية مثلا باربعة اضعاف

[akrumcs]

انا كمان 1600 بس انت موديل كام؟
وبالنسبه للتوكيل اه ممكن يركب بلوتوث لاكن كاميرا للاسف لا والزينون اصلي بالفوانيس والضفيره معدي ال 30 الف فااستحاله يركب هوا كمان

[ebnyousry]

انا موديل 2011

[akrumcs]

غريبه انا 2010 وباب التانك مكتوب عليه 91 98 واعتقدش في اختلاف في المواتير لانها كلها mpi ال 1600 اللي هوا نفسه في السيات الليون والسكودا الاوكتافيا وعلى العموم بالنسبه لموضوع الكاميرا والزينون هما ممكن يركبوا واوريجنال بس بره الوكيل ومحتاجين حد فاهم علشان البرمجه

[ebnyousry]

غريبه انا 2010 وباب التانك مكتوب عليه 91 98 واعتقدش في اختلاف في المواتير لانها كلها mpi ال 1600 اللي هوا نفسه في السيات الليون والسكودا الاوكتافيا وعلى العموم بالنسبه لموضوع الكاميرا والزينون هما ممكن يركبوا واوريجنال بس بره الوكيل ومحتاجين حد فاهم علشان البرمجه

شكرا لردك يا راجل يا طيب :)

[mohamedvw]

حضرتك لو عايز تركب كاميرا تفضل بزياره الشركه الهندسيه لخدمه وصيانه السيارات ش الاربعين خلف حديقه بدر موبيل 01143606013