انا تعبت بجد و محتاج مساعد ضروري

[nemo_oo7]

السلام عليكم
يا جماعة انا محتاج مساعدتكم بجد الموضوع انا لسا مشتري جيتا ٢٠٠٧ عاملة ١٠٠٠٠كم تمام العربية مفهاش حاجه و كلو تمام ماعدا حاجات هبله المهم سمعت عن موضوع الزيت بتاع الفتيس ده ناس تقولي غيره و ناس تقولي دا مبيتغيرش قلت اسأل التوكيل قالي ما بيتغيرش سالت اشرف الشهابي شخصيا قالي مبيتغيرش روحت لي هاني عصمت قالي لازم يتغير المهم انا احتارت و خايف جداً أغير الزيت و الفتيس يحصلو حاجه عشان في ناس غيرته و حاست بناتش في الناقل و هبد بأرضه قولت اسأل واحد صحبي كان عند والدة مشكلة و غير العقل وداني عند واحد اسمو عماد قالي الزيت لازم يتغير بس مش ضامن هايبقي كويس ولا لا حاسيت بقلق من ناحيتو برضو المهم انا تعبت من الموضوع ده ويجد محتاج مساعده بجد انا العربية تمام بس لما بمشي في زاحمة كتيررو الجو حر بحس بنتشه بسيطه بين التاني و التالت بس لما العربية لما بقف و الدنيا تهدا بيبقي كلو تمام بس ممكن يكون كل ده تهيأت عشان القلق من الموضوع ده بس فا ياريت لو حد يقدر بساعدني و يقولي العمل ايه انا خايف البس في عقل أو فتيس كامل ساعتها ممكن ارمي نفسي من البرج رجاء المساعده
شكرًا و أسف علي الإطالة .

[nemo_oo7]

معلش العربية عاملة ١٠٠٠٠٠كم

[احمد عزوز]

معلش العربية عاملة ١٠٠٠٠٠كم

نصيحة متغيروش لان كل اللي بيغيروا عقل الفتيس او معظمهم بيبقى بسبب انهم غيروا زيت الفتيس بسبب نصيحة مفتي ميكانيكي وما اكثرهم

[hossamalsadik]

زيت الفتيس مابيتغيرش ألا أزى كنت هتحط الزيت الأصلى الموصى به فى الكتالوج اناعندى فى الأبيزا 75/90 GL4 من فلفولين ب 75 ج الكيلو ( الفتيس منوال )

[haissam24h]

اى زيت فتيس مش بيتغير
بيتزود لان كل ما زيت الفتيس يتقل يبقى كويس للفتيس عكس الماتور لازم الزيت يبقى خفيف
ده شى
ثانى شى
لو الزيت سى خالص وعاوز يتغير
بتيغير فى التوكيل انصح بكده خصوصا فى العربيات النظيفه ديه او تشترى الزيت من التوكيل وكمان لما هتغير الزيت
هتحتاج بالمرة تغير الفلتر والمصفه بتوع الفتيس عشان يبقى كله جديد
واكشف بس الاول على الزيت شوفه مظبوط ولا ناقص

[heldin_67]

العربيه ماشيه كام بالضبط 10000 و لا 100000

[heldin_67]

لو 100000 لازم تغير الزيت قبل ما تحصل مشكله في الفتيس لا قدر الله

[nemo_oo7]

العربية عاملة ١٠٠٠٠٠كم مش ١٠٠٠٠ كم

[nemo_oo7]

اى زيت فتيس مش بيتغير
بيتزود لان كل ما زيت الفتيس يتقل يبقى كويس للفتيس عكس الماتور لازم الزيت يبقى خفيف
ده شى

طيب هو مش الزيت كل ما يقدم بيخف ولا ايه ؟
ثانى شى
لو الزيت سى خالص وعاوز يتغير
بتيغير فى التوكيل انصح بكده خصوصا فى العربيات النظيفه ديه او تشترى الزيت من التوكيل وكمان لما هتغير الزيت
هتحتاج بالمرة تغير الفلتر والمصفه بتوع الفتيس عشان يبقى كله جديد
واكشف بس الاول على الزيت شوفه مظبوط ولا ناقص

الزيت مقاسه مظبوط بس القصة كلها ان لزوجة الزيت بتقل مع الاستخدام و درجة الحرارة داه الي مخليني قلقان بس كده

[titos_81]

اللى اعرفه ان كل حيربوكسات فولكس بتغير الزيت على 60000 بس للاسف الجيربوكسات الاستيب ترونيك فى الفولكس كلها مشاكل و كل حلولها مسكنات و تجارب و محدش وصل لحل جذرى و ده اللى قاتل سعر اعاده البيع

[SYD]

فعلا زيوت فولكس بتغير كل 60,000 او كل سنتين ايهما اقرب

اما عن الزيوت والأحسن والأوحش
فدي مشكلة عامة عندنا كلنا - ايجاد زيت معتمد
وعليه فعلا - ارمي الكورة في ملعب التوكيل وغير الزيت هناك وطبعا لما هتاخد الفاتورة ان شاء الله هيبقي مكتوب فيها الزيت ب كذا والمصنعيات والضرايب والكلام دة كله
ودة معناه انك مغير زيت في التوكيل
ان شاء الله مش هيحصل حاجة - بس تبقي معاك فاتورة تحتج بيها لو حصل مالا يحمد عقباه

اما عن الفتيس تيب ترونيك - بالعكس - دة من انجح الفتايس الأوتو عند فولكس حتي الأن - لحين لما نتأكد من مشاكل الdsg لأنه علي كلام الشركة انجح فتيس علي الأطلاق سواء مع فولكس او بالمقارنة بغيره

توكل علي الله بتغيير الزيت في التوكيل وان شاء الله مش هيحصل مشاكل
عايز تمشي عليه علي حاله كدة - في اراء فعلا بتقول عدم تغيير الزيت طالما مش حاسس بمشاكل - لكن حضرتك بتقول حاسس بنتشة - شوف لو ينفع تغير فلتر الزيت لو منفصل عن الفتيس (لأن في انواع فتايس بيبقي الفلتر او المصفاة داخل الفتيس نفسه ودة اصعبهم علي الأطلاق لأنه بيحتاج فك الفتيس من العربية)
لو تغيير الفلتر ماحلش معاك المشكلة - يبقي هتضطر تغير الزيت بأكمله - وطبعا الفلتر يكون اصلي

والأحسن من دة كله - حاول تجيب الكتالوج - افتح بند او فصل الgearbox وشوف بيقول ايه بخصوص الزيت
ولو فتحت الفصل بتاع الصيانات - ابحث عن صيانة ال40,000 ميل اللي هي صيانة ال60,000 كم وشوف بيقول ايه عن الزيت بتاع الفتيس - لو بيقول تشيك فقط او بيقول غيره بالكامل - وهو الفيصل في الكلام دة كله

والله المستعان
،
،