باسات 2008 + بنزين 80 !!!!

[superb]

النهارده كنت فى الحرفيين و كنت بتكلم مع تاجر قطع فولكس .. فى وسط الكلام قالى انه يعرف واحد بيقوله انه ماشى بالعربيه ببنيزن 80 .. قلتله ازاى يعنى .. قالى انه حلفله انه ماشى بقاله سنتين كدا !!! قلتله طيب لما هو مش قادر يحط بنزين جايب عربيه غاليه اوى ليه و تكليف تشغيلها كبيره .. قالى هو بيقول ان مفيش عندهم غير 80 لأنه من بلد فى الصعيد ..

السؤال المهم .... هو ازاى العربيه مواجهتش مشاكل لمدة سنتين !!!

[mohammedrefaat]

يا سيدى
هو الكلام بفلوس
فيه حاجه اسمها ماعنهدهومش غير بنزين 80 اصله من بلد فى الصعيد
انا من الصعيد و عندنا بنزين 80 و 90 و 92 و غاز طبيعى و فيه كمان بنزينات 95
يا عم ده بيألش عليك
العربيه دى لازم تنضف رشاشات كل 3 او اربع شهور لما بيتحط فيها بنزين 92 كمان ممكن بيبقى فيها رعشه فى الطلعه بتاعتها

تقوللى بنزين 80
انسى ... دى كانك حاطط فيها ميه
تخيل انت لو بتحط ميه فى عربيه ؟؟؟!! العربيه هاتدور

[bmya]

الا لو بيغشو بقه ال 80 ب 92 :)

[S O P H O S]

80 ايه دي لو بيكانتو هتعطل بعد اسبوع
وهتتصلح ب 2000 جنيه نتيجة ال 80

[lanos2004]

عندنا باسات الرشاشات باظت من بنزين 92 مش بنزبن 80

[eleanor]

على فكره عادى تشتغل ببنزين 80 بس العمر الافتراضى بيقل

[lanos2004]

الا لو بيغشو بقه ال 80 ب 92 :)

ههههههههههههههههههه
هموت من الضحك

[blazer]

80 ايه بس!
هو ماتور عربيه لعبه؟؟؟؟
هو ممكن تمشى ب 80 طبعا بس دا يكون لكام كيلو لحد ما يلاقى 92 على الاقل
بس صباح الكركره بقى
لان حتى ال knocking sensor مش هيقدر يضبط الشراره وهيفضل فيه تسقيف

[monamize4]

80 ايه بس!
هو ماتور عربيه لعبه؟؟؟؟
هو ممكن تمشى ب 80 طبعا بس دا يكون لكام كيلو لحد ما يلاقى 92 على الاقل
بس صباح الكركره بقى
لان حتى ال knocking sensor مش هيقدر يضبط الشراره وهيفضل فيه تسقيف

+1111111
مهما كان ال knocking sensor متقدم زى بتاع فولكس (من شركة Bosch) مش هيقدر tolerate بنزين 80 ,,,,,,
عادة بيكون التيربو الحديث reqired 91+++ ,, recommended 95 (الكلام دا stock من غير ECU - Remap) لكن 80 !!!!! غريبة شوية و المتوقع من شخص بيحط بنزين 80 ف باسات , انه اكيد مش بيستخدم synthetic oil
النتيجة ايه؟ uncontrolled ignition و تاكل ف ال cylinder heads و طبعا استهلاك بنزين اعلى و تسارع ابطا و الهورس باور هيقل و ف الاخر الموتور هيبوظ لكن ف وقت اد ايه ؟ الله اعلم حسب استخدامه وحسب تنضيفة للموتور

متنساش ان ممكن يكون التاجر اساسا بيألف ,,,,,,,,,,,,

[alzelafy]

واحد صاحبى بيحط 80 فى باسات 2002 1600 سىسى و معندوش اى مشاكل و العربيه بقالها 3 سنين معاة و بنشد مع بعض و هو بيعدينى كمان فى التسارع عشان هو مانيوال و انا معايا اودى 98 و نفس موتور الباسات 2002 و فى مرة جبنا 190 انا و هو بس هوا فرق عنى حاجه بسيطه .... و كانت اول مرو و اخر مرة مش هعملها تانى ..... و انا قلتلو على البنزين دة حرام عليك العربيه قالى انو سال ميكانيكى فولكس مشهور و قالو مفيش مشاكل نهائى كل الحوار قله فى السحب بس ..... لكن لا بنزين وسخ و لا هيبوظ الموتور و لا هيكتم الرشاشات كما يشاع ..... و انا شايف العربيه معاة بقالها 3 سنين و ماشيه بدون اى مشاكل و انا معاة كل يوم او يومين مبنسبش بعض يعنى لو كان فى اى صيانه فى العربيه كنت هعرف

[eleanor]

البنزين 80 ماهو بيتحرق عادى بس التسارع بيقل والهورس باور بيقل والعمر الافتراضى للموتور هيقل لكن هتمش مش هتقول لا ولا هتعطل

[rompo10]

ولا يعمل اي حاجه يا جماعه والله انا معايا 406 ومكتوب علي التانك 95 98 وحطيت ايام الثوره كذا يوم 80 ولا الهوا والعربيه زي ماهي والبي ام 523 حطيت ليها 80 لمده اسبو ع متواصل ولا اي حاجه خالص الموضوع عامل زي واحد بياكل عيش بجبنه وواحد بياكل عيش وكباب مثلا الاتنين هايشبعوا بس طبعا بياثر علي المدي الطويل اللي هو 5 او 6 سنين من شهر مثلا وانا من 5 سنين كان معايا فيكترا وقعدت معايا 3 سنين ال 3 سنين بنزين 80 ولا الهوا عادي جدا وصديقي معاه النترا 2010 بيحط 80 العربيه الوحيده اللي شفتها زعلت من ال 80 فيات سينا وقفت علي طول

[bmya]

انا ابن خالي برده معه باسات تيربو وبيقولي ال 92 بيزعلها

[ser3a_0]

للمعلومه بس
البنزين 80 و ال 92 فرق مش سداد رشاشات يا جدعان
ده اوكتان
يعني سحب و حرق بس

[alzelafy]

لو نفتكر زمان كانو بيقولو على البنزين ال 80 بنزين عادى و ال 90 ممتاز يعنى الحوار كلو فرق التسارع