مفتاح الباسات

[superb]

الحقونى يا جماعه .. مفتاح العربيه باسات 2008 ضاع .. و مش عارف اعمل ايه .. و خايف اخرج بالعربيه .. و قلبت البيت عليه و مفيش فايده .. اى اراء اتصرف ازاى .. كمان موضوع التوكيل .. انا عربيتى خليجى و مظنش التوكيل هيعملى حاجه من غير ال 7500 جنيه و فى الأخر هيطلعلى واحد بس انا خايف ان المفتاح يكون مع جد و انا كدا مش عارف اخرج ولا اركن العربيه

[superb]

اتمنى الاقى مساعده !!

[Karim Ibiza]

اطلع بالعربية على بتاع مفاتيح وغير الايموبلايزر وغير قلب طبلة الباب والكونتاكت

[superb]

اطلع بالعربية على بتاع مفاتيح وغير الايموبلايزر وغير قلب طبلة الباب والكونتاكت

مفيش حلول تانيه ؟؟
دا غير ان العربيه مقفوله فى الجراج ؟ افتحها ازاى و المفتاح الأسبير مش بيفتح اللوك !!!

[Karim Ibiza]

ازاى اسبير ومش بيفتح, يبقى ايه لزمته؟؟!!

يبقى تجيب بتاع المفاتيح لحد عندها

[superb]

مانا هتجنن ازاى اسبير و مش شغال انا بجد مكتأب جدا و مش عارف هعمل ايه و مش فاهم شركة ايه المنيله اللى عامله مفتاح اسبير مش بيفتح .. حتى مانيوان مش بيفتح .. ممكن حد يقولى على حد متخصص فى موضوع المفاتيح الحديثه المشفره .. فى المنصوره و لو فى القاهره مين احسن الناس فى الكفائه و الأسعار و ياريت لو تجربه شخصيه !!

ربنا يبعد عنكم اللى انا فيه

[superb]

اى حد حصله مواقف مماثله مع مفتاح عربيه فيها امبوليزر ّ!!

[kemoooo2020]

انا حصلت معايا بس الاسبير كان شغال بيدور وبيفتح اللوك ومكنش معايا الكود كمان فعملت نسخة على الاسبير بشفرة جديدة وكمان غيرلى شفرة الاسبير بالكود الجديد

[superb]

انا حصلت معايا بس الاسبير كان شغال بيدور وبيفتح اللوك ومكنش معايا الكود كمان فعملت نسخة على الاسبير بشفرة جديدة وكمان غيرلى شفرة الاسبير بالكود الجديد

يا ترى مين كويس فى تشفير المفاتيح و يكون امين .. انت عارف السرقه مش محتاجه حاجه اليومين دوول .. اعمل مفتاح و العربيه تتسرق بكره هنهار كدا وربنا :)

[kemoooo2020]

يا ترى مين كويس فى تشفير المفاتيح و يكون امين .. انت عارف السرقه مش محتاجه حاجه اليومين دوول .. اعمل مفتاح و العربيه تتسرق بكره هنهار كدا وربنا :)

انا من اسكندرية وبصراحة معرفش حد فى القاهرة بجد كان نفسى اساعدك بس انت اسال و اكيد هتلاقى حد كويس وحتى لو عملت نسخة مفتاح متعملهاش عند حد جمب بيتك او شغلك مثلا يعنى اختار حد بعيد عن مكانك على قد ما تقدر

[body]

روح ياباشا توكيل فولكس العبور العربيات الخليجى بتدخل عادى من غير 7500 الموضوع دة اتلغى
انا عربيتى خليجى وبتدخل عادى التوكيل