استفسار بخصوص الجيتا ومشاكل الفتيس والتوكيل

[ahmed.ammar]

السلام عليكم يا أحلي شباب

انا قدامي اكتر من عربيه كسر زيرو جيتا وما شاء الله عليهم من ناحيه النظافه والكماليات

فى منهم 2008 و 2009 و اواخر 2011

بس انا قريت هنا وعرفت منكم ان فى مشاكل فى الفتيس كبيره وقاتله فهل ممكن اعرف المشاكل دى ابتداء من موديلات كام لو بدأت فى موديلات معينه يعنى عشان ابعد عنها

وهل التوكيل فعلا سيئ جدا كده ويكرهك فى عربيتك ولا حاله حال باقي توكيلات مصر يعنى ؟

[TOOLA]

بص هو عموما الفتيس البينصح بيه هو الفتيس القديم ال 6 سرعات و معلوماتى انه موجود فى الجيتا لغاية 2008. الفتيس الجديد 7 سرعات و بدأ من 2009 فى الجيتا.

معلومة الفتيس القديم كمان ليه مشاكل سواء من سوء استخدام أو اهمال بس مشاكله أقل و ليه حلول اوفر. عموما لازم تكشف كويس و عند حد ثقة و فاهم

[ahmed.ammar]

أصل بصراحه حرام انى اشتري عربيه المانى بمبلغ وقدره وانا عارف ان كده كده فى مشاكل فى الفتيس وهيطلع عينى وهصرف على تصليحه مبالغ مش قليله طيب يبقي ليه بقا اشتريها من الاساس !!

وخصوصا ان كمان القديم ال 2008 برضه فى مشاكل حتى ولو كانت اقل :s

[TOOLA]

يا باشا هيا حسبة، محتاج ايه من العربية و مستعد تصرف ولا، بس عموما الالمانى و خصوصا المستعمل عاوز حد عارف سكك الورش و قطع الغيار لزوم الاشتغالات و يبقى معاه مبلغ زياده شوية عن حاجته لزوم اى مصاريف ممكن تظهر

[TeMoON]

شوف يا اخى العزيز الجيتا الى نازله بالفتيس القديم لحد اخر 2009 ودى بتعرفها ازاى من غير ما تبص على الفتيس الا وهى اضاءه التابلوه الزرقاء ودا بيكون الفتيس القديم وخلى بالك لو قابلك 1400 تربو موديل 2009 ماتفكرش تجيبها لانها نزلت وفشلت انت اهم حاجة تشوف الموديل القديم الى بالتابلوه الازرق عشان دا الفتيس القديم والحمد لله هو مفيش فيه مشاكل هو كويس بس المهم انك تغير ليه الزيت كل فتره وماتعدش تحرق فى النقلات لان دا هيبوظ اى فتيس فى الدنيا