عاوز عفشجى لأبيزا 2000

[hossamalsadik]

أسعد الله أوقاتكم برضوانه

اخوكم من قسم السيات بيحيى رجالة vw


من فتره شاعر بعدم أرتياح فى أداء العفشه خاصة الخلفيه تحديدا ، انا عارف كويس درجة أداء عفشة الأبيزا عمله أزى لأن ألى ركب العربيه ديه زيرو عارفها وهيا لا تقل كفائه وراحه عن السيارات اليابانى

المهم أنا نويت أتوكل على الله وعمل صيانه لها .. قلت أستشير أخواتى هنا أفضل مكان أعمل فيه الموضوع ده متخصص ويسلام لو منه فيه يعنى قطع الغيار مع الصيانه .

منتظر أقتراحاتكم وشكرا للجميع .

[egman]

حسام بك صديق واخى العزيز .

انا من فترة والله مش ببقى موجود على المنتدى ولو دخلت مش بقعد كتير زي الاول لظروف ان شاء الله وقتيه ، واول مرة اشوف موضوع حضرتك دلوقتى .

اخى وصديقي خلينا متفقين على حاجتين :


1- ان قطع الغيار الى موجودة فى السوق جديدة مش اصلي وبتبقى انت وحظك .
2- قطع الغيار الاستيراد برده مش مضمونة ولكنى افضلها عن الجديد .

طبعا انا عارف انك دلوقتى بتقولى اية الحيرةا لى بتوقعنى فيها ده ، هقولك والله يا باشا ده الى بعانى منه لما اكرر اغير حاجة فى العربية .

راي الشخصي :

اسال عند الشهابي الى قدام بنك عودة فى شارع مشق مصر الجديدة / لو لقيت عنده حاجة عفشه عربيتك توكل على الله وهاتها جديدة الراجل ده بيشهد ليه بجودة منتجاته .

اذا لا قدر الله ما لقتهاش عند الشهابي - يبقى توكل على الله وهاتها استيراد وما تدورش عليهم جداد عند اى حد بس خد معاك العفشجي او الميكانيكي الى هيعملك الشغل هو الى يختار الحاجة بنفسه .

تجربتى فى تغيير العفشه :

جبتها كلها استيراد جانبين قدام كاملين وعملت فيهم تعديل فرق فى الفرامل بطريقة مش عادية (استيراد).
وفى الخلف نفس الحكاية جنبن برده كاملين (استيراد).

راى فى الحاجة الحمد لله زي الفل ربنا يبارك فيها كمان 10 سنين ههههههه الحاجة الوحيدة الى جبتها جديدة فى الموضوع ده وندمت عليها هى البطاحات تقريبا ما كملتش 4 شهور وباظت تانى ، حتى وقتها ا / سيد قالي ده اهم حاجة انك تجيب بطاحات استيراد بس تكون نضيفه وفعلا بالتجربة الكلام مظبوط .

بالتوفيق يا باشا وابقى طمنى عليك .وانتظر مني رسالة على الخاص يا باشا ، لو سمحتلى .

[hossamalsadik]

ازيك حسن بك
كلامك سليم مائه فى المائه
انا الحمد الله ظبط العفشه والأداء يعنى مش بطال ليه انا بقول كده
لان الجنوط ليها عامل بردو على احساسك بالمطباط يعنى بتكون اكتر
من انى احط الجنط الاصلى الحديد
مشكور على مداخلتك ومرورك
تحياتى لشخصكم

[egman]

الحمد لله يا باشا انك راضي عن الشغل الى عملته فى العفشه وربنا يكرمك ويبارك فيك