اشترى سيارة فولكس بويتنر ولا بلاش

[mohamedbmw]

السلام عليكم
اعضاء قسم فولكس الكرام
عاوز اخد رأيكم فى سيارة بوينت معروضة عليا
موديل 2004
عداد 195 الف
رشة حزام وحالته ممتازة
4 وحدات رفع زجاج
وطبعا 4 زجاج كهرباء
والسيارة 1000 سى سى
كاوتشات جديدة
ومش محتاجة مصروف
وطبعا موفرا جداااااااااااااا فى البنزين وسمعت ان قطع غيارها سعرها رخيص وقريب من سعر الدايو بس معمرة عن الدايو بس للأسف مش بتتلاقى غير فى القاهرة يعنى مدورش فى المحافظات
السيارة دى اخرها 41 الف
بس بصراحة خايف جداااااااا انى بعد ما اشتريها اجى اتزنق فى الفلوس والاقى العربية تقيلة فى البيع ولما تتباع اخسر فيها كتير

برجاء افيدونى عشان انا بجد محتار

[beshomilan]

كنت هجيبها وكل الناس حذرتنى منها جدا وبشده
وبعض الناس قالتلى ان قطع غيارها مش منتشره وغاليه جدا
وكمان تقيله جدا فى البيع وده واضح جدا
وسعر ال 41 ده تقيل على عربيه رشه حزام وعداد 195 الف!!!
دانا كان قدامى من سنه كذا حاجة فابرية كلها ومعدتش 100 الف كيلو ولا تتخطى ال 40 الف جنيه!!
وكان اسعار زى 37 حتى 39 وممكن افاصل كمان
ومتقولش الاسعار رفعت لان العربيه دى اصلا سوقها واقف تماما واسأل الناس اللى شغالين فى السوق او اللى بتاجر فى العربيات بس حد يكون معرفه وانت تعرف وتتأكد من كلامىخش دور فى الاعلانات اللى بقالها اسابيع عن بيع لعربيه وكلمهم وانت هتلاقيها موجوده متباعتش لسه
بينما كلم حد مثلا عارض فيرنا او لانوس مثلا وهتلاقيها يقولك اتباعت فنفس اليوم
دور كده طول ما انت ماشى فى الشارع على حد راكبها هتعدى اسابيع على بال متلاقى اخيرا حد راكبها وده عيب رهيب وهتعانى منه بعد كده فى صيانتها او قطع غيارها
----------------------------------
كل كلامى بناء على اراء ناس بتبيع وتشترى عربيات من سنين واعرفهم شخصيا وميكانيكيه ثقه

[aliabdo]

كنت هجيبها وكل الناس حذرتنى منها جدا وبشده
وبعض الناس قالتلى ان قطع غيارها مش منتشره وغاليه جدا
وكمان تقيله جدا فى البيع وده واضح جدا
وسعر ال 41 ده تقيل على عربيه رشه حزام وعداد 195 الف!!!
دانا كان قدامى من سنه كذا حاجة فابرية كلها ومعدتش 100 الف كيلو ولا تتخطى ال 40 الف جنيه!!
وكان اسعار زى 37 حتى 39 وممكن افاصل كمان
ومتقولش الاسعار رفعت لان العربيه دى اصلا سوقها واقف تماما واسأل الناس اللى شغالين فى السوق او اللى بتاجر فى العربيات بس حد يكون معرفه وانت تعرف وتتأكد من كلامىخش دور فى الاعلانات اللى بقالها اسابيع عن بيع لعربيه وكلمهم وانت هتلاقيها موجوده متباعتش لسه
بينما كلم حد مثلا عارض فيرنا او لانوس مثلا وهتلاقيها يقولك اتباعت فنفس اليوم
دور كده طول ما انت ماشى فى الشارع على حد راكبها هتعدى اسابيع على بال متلاقى اخيرا حد راكبها وده عيب رهيب وهتعانى منه بعد كده فى صيانتها او قطع غيارها
----------------------------------
كل كلامى بناء على اراء ناس بتبيع وتشترى عربيات من سنين واعرفهم شخصيا وميكانيكيه ثقه

+11111

[hossamalsadik]

طبعا انتا فى قسم الفلكس فله اهله الى هيفدوك عن تجاربهم
اى عربيه ليها قطع غيار وببتصلح وليها نسها الى فهمنها وده نسبه وتناسب بين اى عربي
والسؤال بيفرض نفسه يعنى صحبها كان بيجبلها قطع غيرها وصيانتها من كوكب تانى

انا ممكن أدلك على الى أعرفه
لو عاوز تركب عربيه أوروبي هتش باك ممتازه ارشحلك الأبيزا 94 حتى 2002 فى نفس الفئه السعريه الى كتبها فوق
و قطع الغيار جديد وأستيراد فى القاهره فى كل حته خاصة الحرافيين .
عربيه أعتماديه وقويه أستهلاكها للبنزين بسيط جدا خاصة 1000cc وحتى 1400cc.

ولو عاوزها بشنطه يبقى اختها الكبيره القرطبه نفس قطع الغيار للأبيزا

أنما لو عاوز عربيه لما تفكر تبعها تبعها فى لمح البصر يبقى الفيرنا او الدايو وكدا

وربنا يوفقك

[hossamalsadik]

واتفضل شوف ده

http://www.nilemotors.net/Nile/352591-a.html

[eraser]

انا معايا pointer 2005 1600cc
عيوبها : قطع غيارها متعبة وقليلة - عفشة ناشفة شوية - شوية عيوب تقفيل بسيطة - تصليحها غالي - صالون ضيق
مميزاتها: سحب معقول لل 1600 - ثبات هايل - علامة فولكس يعنى اعتمادية وامان - قطع غيار معمرة
ونصيحتى ليك جليها اخر اختيار لو ممكن تجيب حاجة تانية تبع فولكس (بولو او ابيزا )
بالنسبة للسعر حاسس انه كتير بس انا بردو مش متابع الاسعار اوى
ولو قررت تجيبها قولى وانا اقولك عالناس بتوعها
وفى كل الاحوال ربنا يوفقك للخير

[mohamedbmw]

شكراااااااا

شكرا جزيلا على ردودكم يا جماعة والله مش عارف الواحد من غيركم كان حيعمل ايه ... انا كده فعلا حبعد عنها وربنا يسهل فى فيرنا او لانوس او كريستالة ... هى دى عربيات مصر وسوق مصر ... ومتشكر ليكم مرة تانية على ردودكم الجميلة

[SYD]

ربنا يوفقك
بس هو حضرتك بتدور بانهي معيار ؟
السعر
ولا بلد المنشأ
سهولة البيع
قطع الغيار (توافر وسعر)

ولا ايه؟