بورا ٢٠٠٥

[Dryoussef21]

معروض ف كونتاكت كارز ..بورا ٢٠٠٥ ماشية ٧٠الف بالفبريكا بكله...بس طالب ١٠٠الف؟!!!...ممكن اعرف نظام قطع الغيار و السعر و هى ولا الجيتا بما انها مش المانى ١٠٠٪...ارجو التصحيح لو فى غلط
شكرا مقدما :)

[mahmoudfawzypr]

انا وجهة نظري ان السعر بتاعها مبالغ فيه شوية ..عربية بالحالة دي ممكن تجيب من 85 ل 90 بالكتير اوي انما 100 على موديل 2005 وكمان مكسيكي مش الماني صعب ...انا معايا بورا وعايز انشاء الله لما ربنا يفتحها عليا ويكرمني اجيب جيتا الفتيس القديم مش ال dsg خصوصا انها مع خالي وركبتها وطبعا في فرق كبير جدا بين البورا والجيتا كفاية السحب بتاعها

قطع الغيار عادية هي هي بتاعت ال A4 بس الاصلي طبعا غالي والتقليد حيقعد معاك بس نص عمر الاصلي طيعا ..وانا بجيبلها قطع غيارها استيراد

[Dryoussef21]

شكرا يا فندم :)

[michohat]

افهم من كلام حضرتك ان قطع غيار البورا (ميكانيكا وعفشه ) هي نفس قطع غيار ال a4 ؟
لان نفسي اجيب بورا واللي واقف قدامي اني من الزقازيق و كل اللي اعرفهم بيقولوا لي ان قطع غيارها مش موجوده الا ف الحرفيين يعنى بعيد عني

[tareksakr]

سعرهامبالغ فيه جدا اخرها 80 الف جنيه

[mahmoudfawzypr]

نفس قطع الغيار لان البورا و a4 واحد في الموتور وفي الفتيس والفرق في الشكل الخارجي والتابلوه بس

[michohat]

طب والعفشه برضه واحد؟
واحد خوفني ان مثلا وانا في الزقازيق بظبط زوايا كنت محتاج شغل عفشة فمش معقولة هسافر القاهره علشان اغير حاجه في العفشة

[mahmoudfawzypr]

من ناحية العفشة اعتقد" انهم واحد " انا لما جبت العربية كان فيه مشكلة في العفشة اصلا بس انا سفرتها بورسعيد اتظبطت سمكرة ودوكوا وفرش وتكييف وععفشة بس مخليتهمش يلمسوا النموتور ولا الفتيس ..فمعرفش هما جابوا قطع غيار ايه هل لبورا اصلا ولا لاسكودا

[TOOLA]

مبدئيا السعر ده وهم, طب ما بالسعر ده تجيب جولف 5 ولا اوكتافيا a5. العربية كبيرها 80 ولا 82 لو مفهاش الغلط.

بالنسبة لقطع الغيار, ماتور و فتيس و عفشة و فرامل و كل حاجة زى الأوكتافيا 4 بضبط الاختلاف بس فى قطع الغيار الخارجية.