سؤال عاجل جدا بخصوص الباسات و ال cc الجديدة ... أرجو الرد

[morasystem]

السلام عليكم و رحمة الله و بركاته

بعد إذنكم
دلوقتى انا بشترى عربية جديدة و محتار جدا ما بين ال 320i و المرسيدس C180 و الفولكس فاجن CC

المهم انا شفت انهاردة السى سى و البى إم ... و لقيت إنه السى سى عربية حلوة جدا و مفيهاش غلطة بصراحة

السؤال بقى اللى مخوفنى ...

دلوقتى العربية دى 1400 سى سى تيربو TSI و اللى سمعته إنه كل الفولكس الجديد بيبوظ لما يتحطله بنزين غير ال 95 ... العربية دى بجد بتاخد بنزين 92 أو 95 زى ما التوكيل بيقول ولا بتبوظ ؟؟؟ و يا ترى إيه تحديدا اللى بيبوظ أو كان بيبوظ فى الموديلات اللى قبل كدة ؟؟؟ و بيتكلف كام تصليحه ؟؟

مدير المبيعات انهاردة فى المعرض حلف قدامى 100 مرة إنها بتاخد 92 او 95 و ورانى صورة الجواب اللى التوكيل باعتها للمعرض .. إنه جميع الموديلات الجديدة ال TSI بتاخد بنزين 92 أو 95 و إنه مبتحصلش فيها مشاكل لكن ال 95 أفضل لأنه بيزود عزم الموتور لأنها 1400 سى سى

الكلام ده حقيقى ولا مش حقيقى ؟؟
أفيدونا أفادكم الله

و شكرا مقدما للى هيجاوب

[ahmedbolty]

الباسات والبنزين

بص ياريس انا معايا باسات 1.4 ومن ساعة البنزين ماغلى وانا بحط 92 السحب تقريبا مافيش مشكلة قل بنسبة 5-10% بس عادى يعنى مع القرص بتجيب .
لو مكانك هات مرسيدس وانت مغمض .بس شوف البنزين الاول نوعه ايه

[ahmadm]

حضرتك نصيحة لوجة الله ابعد عن اى عربية فيها فتيس DSG لانة فية مشاكل جامدة و بيبوظ بسرعة معاية واحد فى الشغل باظ على 11 الف كيلو و فية كذا موضوع هنا على الموضوع دة انا شايف ال بى ام و المرسيدس زى الفل من وجهة نظرى المتواضعة

http://www.nilemotors.net/Nile/350569-dsg.html

http://www.nilemotors.net/Nile/250226-dsg.html

http://www.nilemotors.net/Nile/280570-a.html

http://www.nilemotors.net/Nile/250319-dsg.html

[iwantes350]

بص حضرتك
انا من اسيوط و بالتحديد فى مدينة ابوتيج فى واحد صاحبنا معاه ال cc الجديدة لسه جايبها من شهر العربية ماشيا ب 92 عادى جدااا لانه اساس معندناش 95 فى محافظة اسيوط كلها

[ayman2]

حضرتك نصيحة لوجة الله ابعد عن اى عربية فيها فتيس dsg لانة فية مشاكل جامدة و بيبوظ بسرعة معاية واحد فى الشغل باظ على 11 الف كيلو و فية كذا موضوع هنا على الموضوع دة انا شايف ال بى ام و المرسيدس زى الفل من وجهة نظرى المتواضعة

http://www.nilemotors.net/nile/350569-dsg.html

http://www.nilemotors.net/nile/250226-dsg.html

http://www.nilemotors.net/nile/280570-a.html

http://www.nilemotors.net/nile/250319-dsg.html

+111111111111111

[ayman2]

السلام عليكم و رحمة الله و بركاته

بعد إذنكم
دلوقتى انا بشترى عربية جديدة و محتار جدا ما بين ال 320i و المرسيدس c180 و الفولكس فاجن cc

المهم انا شفت انهاردة السى سى و البى إم ... و لقيت إنه السى سى عربية حلوة جدا و مفيهاش غلطة بصراحة

السؤال بقى اللى مخوفنى ...

دلوقتى العربية دى 1400 سى سى تيربو tsi و اللى سمعته إنه كل الفولكس الجديد بيبوظ لما يتحطله بنزين غير ال 95 ... العربية دى بجد بتاخد بنزين 92 أو 95 زى ما التوكيل بيقول ولا بتبوظ ؟؟؟ و يا ترى إيه تحديدا اللى بيبوظ أو كان بيبوظ فى الموديلات اللى قبل كدة ؟؟؟ و بيتكلف كام تصليحه ؟؟

مدير المبيعات انهاردة فى المعرض حلف قدامى 100 مرة إنها بتاخد 92 او 95 و ورانى صورة الجواب اللى التوكيل باعتها للمعرض .. إنه جميع الموديلات الجديدة ال tsi بتاخد بنزين 92 أو 95 و إنه مبتحصلش فيها مشاكل لكن ال 95 أفضل لأنه بيزود عزم الموتور لأنها 1400 سى سى

الكلام ده حقيقى ولا مش حقيقى ؟؟
أفيدونا أفادكم الله

و شكرا مقدما للى هيجاوب

لازم 95 علشان نسبه الأنضغاط و92 سوف يقلل من كفاءه الموتور وعمره وده سوف يظهر بعد فتره وطبعا فتيس dsg ابعد عنه من غير ماتفكر ورأى خليك فى c180

[hossam_elwani]

بغض النظر عن نسبة الانضغاط المحترفين فنيا فى المحركات بيأكدو ان الى بيتضرر هو التربو لانه لازم له بنزين

95

وفكر فى المرسيدس احسن

[الغزالى]

باشا طالما وصلت لل 320 وش هيا فارق ماتور وفرق امكانيات وكل حاجه ... انما لما تبئى 316 قارن ساعتها بالباسات والمرسيدس ال 180 ... خليك فى ال 320

[engherc]

باشا انت بتتكلم في ٣ عربيات معاديين ال٣٠٠ ألف اول حاجة لازم تعمل test drive عشان أكيد مش هتدفع كل ده على كلام و رأي حد مع احترامي للكل تاني حاجة موضوع الفتيس و البنزين ٩٥ ده مفيش عليه غبار و قتل بحثاً كتير أوي ده بالنسبة لل cc عايز الأمان و الدعم في بنزين٩٢ يبقى c180 عايز أمان و قوة و بنزين ٩٢ بدون دعم طبعا يبقى خليك في ال٣٢٠ حضرتك جربهم الأول و بعد كده شوف احتياجاتك إيه و ربنا يوفقك

[chef]

ماهو ال dsg لو الناس تعرف تتئقلم عليه يبقى اكيد مش هايجى منه مشاكل .. واعتقد شركه كبيرة زى فلوكس واجن مش غبيه للدرجه دى علشان تستمر فى تنزيله فى كل العربيات .. هى من الاخر كده نمط قياده

[hanaf2005]

في مثل بيتقال في المواقف المحيرة (( الباب اللي يجي منه الريح سده وإستريح )) عشان حتى لو نمط القيادة بتاعتك متأقلمه مع dsg هتخسر فيها كتير وممكن تبقى تقيله في بيعها عشان خوف الناس من الفتيس وتقريباً المرسيدس نفس القصة في موضوع البنزين ولحد دلوقتي مش عارفين ايه اللي هيحصل مع ملاكها عشان الإقرار بإستخدام بنزين 95 ومفيش أساساً محطة محترمة عندها 95 صافي على الأقل خالط نصه مع بنزين 92 فأصبح قدامك المتاح هي البي إم دبليو وحتى اللحظة اللي بكتب فيها التوكيل والملاك بيقولوا إنهم بيستخدموا بنزين 92 بدون أي مشاكل نهائياً اللهم فرق العزم مع بنزين 95 وطبعاً كفاءه المتور مع المدد الطويلة والإستهلاك المتكرر والسفر الطويل. وربنا يوفقك للأفضل والأحسن

تحياتي

[m07mad]

توكيل فولكس دلوقتي عامل ضمان مدى الحياه على الفتيس بس بشرط تكون جميع الصيانات في التوكيل