بولو & كورسا & لانوس

[SMHFAHMY]

بسم الله الرحمن الرحيم

دى اول مشاركة ليا فى المنتدى المحترم ده

بجد والله انا اضطلعلت على مشاركات كتييييير للاعضاء هنا وعجبتنى اوى واتمنى انكم تقبلونى زميل ليكم فى المنتدى

من الاخر انا على الابيض !!!!!! يعنى معرفش اى حاجة عن الميكانيكا

اخوكم لسه مطلع رخصة جديد و عايز اجيب عربية عشان ترحمنى من المواصلات انا واسرتى الصغيره (زوجتى و حبيبه اللى عندها سنتين تقريبا)

ان شاء الله هاقدر اجمع مبلغ من 30 الى 35 الف عشان اشترى سعيدة الحظ اللى هاتبدأ معايا المشوار ده

محتاج رأيكم المحترم فى الاختيارات اللى انا بفكر فيها وهى كورسا / بولو ولا لانوس

انا مش محتاج عربية كبيرة اوى عشان زى ما قولت ان اسرتى صغيرة كمان محتاج عربية تكون الى حد ما حديثة (يعنى باور و لو امكن تكييف) وكمان موضوع تكاليف الصيانة مهم اوى اوى اوى عشان اخوكم مزنووووووووق

مستنى رأيكم الكريم

آسف لو كنت طولت عليكم

أخوكم / سامح ابو حبيبه

[mhf_77]

طبعا بولو انت بتتكلم فى ايه
بس لو هتغير بسرعه يبقى لانوس اخف فى البيع وممكن تفكر فى الاكسنت ( اللى قبل نيو اكسنت) لو بتغير عربيات كتير هى اسهل فى البيع انما لو عشرة عمر بولوووووووووووووووووووووووووووو

[SYD]

اهلا بيك في نايل موتورز وقسم فولكس
البولو طبعاً هي افضل الخيارات من حيث قلة الأعطال - توافر قطع غيار - عمر افتراضي لقطع الغيار - قلة استهلاك
ارشحلك موديل 99 تكييف وباور 1000 سي سي

تحياتي
واهلا بيك مرة تانية

[mohamedhamed]

عن تجربتي الشخصية ابعد عن اللانوس لو مش عايز كل يوم والتاني عند ميكانيكي
وبرضو برشحلك البولو عربية محترمة وشيك وكمان الفيات بونتو عربية حلوة وباور عالي وسحبها رائع

[تامر.محمد]

عن تجربتي الشخصية ابعد عن اللانوس لو مش عايز كل يوم والتاني عند ميكانيكي
وبرضو برشحلك البولو عربية محترمة وشيك وكمان الفيات بونتو عربية حلوة وباور عالي وسحبها رائع

عايز اعترض و يا رب ما يكونش فيها زعل :-)
عن تجربة شخصية اظن ان اللانوس اللي حضرتك جربتها يا كانت متهانة يا كنت بتتعامل مع ميكانيكي ضايع :-)

معروف عن اللانوس كعربية ان اعطالها مش كتير لو بتحط لها قطع غيار اصلي
انما طبعا المضروب _ عموما _ بيبهدل العربية و دي غلطة بيقع فيها ناس كتير مع اللانوس بالذات

انا شايف انها كاختيار افضل من بولو التسعينات بصراحة

[تامر.محمد]

يا صاحب الموضوع
نورت نايل اولا

ثانيا بقى
٣٥ ما يجيبوش لانوس حالتها كويسة الا بصعوبة
فلو صعب تزود شوية لحد ٣٩ مثلا يبقى بلاش لانوس

[aw2100]

خليك فى الأوروبى افضل من الكورى واليابانى وارشح لحضرتك الأبيزا اوالجولف 2 او السكودا فليشيا وانصحك تشترى عربية كاربراتير بلاش الأنجكشن طالما مالكش خبرة فى العربيات لان العربيات الأنجكشن تكنولوجيا معقدة وحساسات ورشاشات وانت عارف البنزين فى مصر نظيف جدا ومطابق للمواصفات العالمية والجو جميل مفيش تراب وطبعا كل ده بياثر على العربيات الحديثة لكن الكاربراتير تحط بنزين حتى لو 80 وامشى وكل 100000 ك تنظيفة وشكرا و مبروك على العربية الجديدة تحياتى !!

[تامر.محمد]

خليك فى الأوروبى افضل من الكورى واليابانى وارشح لحضرتك الأبيزا اوالجولف 2 او السكودا فليشيا وانصحك تشترى عربية كاربراتير بلاش الأنجكشن طالما مالكش خبرة فى العربيات لان العربيات الأنجكشن تكنولوجيا معقدة وحساسات ورشاشات وانت عارف البنزين فى مصر نظيف جدا ومطابق للمواصفات العالمية والجو جميل مفيش تراب وطبعا كل ده بياثر على العربيات الحديثة لكن الكاربراتير تحط بنزين حتى لو 80 وامشى وكل 100000 ك تنظيفة وشكرا و مبروك على العربية الجديدة تحياتى !!

مع احترامي لحضرتك انا مضطر اعترض برده و امتى ما يبقاش فيه زعل
اكيد اكيد العربيات الانجكشن افضل كتير من الكاربيراتير
اولا اعطال و مشاكل اقل بكتييييير جدا حتى في وجود الحساسات و الرشاشات
ثانيا غالبا استهلاك بنزين اقل

و اضيف نصيحة لصاحب الموضوع بلاااااااش فيليشيا

[aw2100]

مع احترامي لحضرتك انا مضطر اعترض برده و امتى ما يبقاش فيه زعل
اكيد اكيد العربيات الانجكشن افضل كتير من الكاربيراتير
اولا اعطال و مشاكل اقل بكتييييير جدا حتى في وجود الحساسات و الرشاشات
ثانيا غالبا استهلاك بنزين اقل

و اضيف نصيحة لصاحب الموضوع بلاااااااش فيليشيا

من غير زعل مشاكل الانجكشن محتاجة ميكانيكى متخصص وكومبيوتر اعطال وقطع غيار غالية وشوية مية فى الموتور مش عارف اية يعطل ولو ميكانيكى 1/2 كم باوظها ادفعلك كام الف علشان تتظبط كلامى صح ؟
لكن الكاربراتير انا باصلحة بنفسى وبمفك عادة ومفتاح الن وبغسل الموتور كل شهرين بمسدس المية والجاز عادى ؟
انا بانصحه علشان انت عارف الميكانيكية واشتغالتهم وخصوصا مع واحد ابيض فى الميكانيكا !!!
طبعا مافيش خلاف فى مزايا قوة الموتور الأنجكشن وتوفيرة فى البنزين
بس مقارنة مع التكاليف والبنزين ال80 طبعا الكاربراتير يكسب !!!
ليه بلاش الفليشيا على فكرة العربية دة عربية قوية جدا فى الشاسية والتعليق وتعتبر من العربيات المصفحة فى الصاج وقمة الأمان وثبات على الطريق وفى الميه عيبها الوحيد ان الموتور 1300 cc صغير على وزن العربية الكبير وده بيخليها بطيئه نسبيا فى التجميع انا بجيب ال 100 فى 14 ثانية واقصى سرعة 130 ك وثبات محصلش فى الملفات وربنا يديمها علينا يالله !!

[تامر.محمد]

من غير زعل مشاكل الانجكشن محتاجة ميكانيكى متخصص وكومبيوتر اعطال وقطع غيار غالية وشوية مية فى الموتور مش عارف اية يعطل ولو ميكانيكى 1/2 كم باوظها ادفعلك كام الف علشان تتظبط كلامى صح ؟
لكن الكاربراتير انا باصلحة بنفسى وبمفك عادة ومفتاح الن وبغسل الموتور كل شهرين بمسدس المية والجاز عادى ؟
انا بانصحه علشان انت عارف الميكانيكية واشتغالتهم وخصوصا مع واحد ابيض فى الميكانيكا !!!
طبعا مافيش خلاف فى مزايا قوة الموتور الأنجكشن وتوفيرة فى البنزين
بس مقارنة مع التكاليف والبنزين ال80 طبعا الكاربراتير يكسب !!!
ليه بلاش الفليشيا على فكرة العربية دة عربية قوية جدا فى الشاسية والتعليق وتعتبر من العربيات المصفحة فى الصاج وقمة الأمان وثبات على الطريق وفى الميه عيبها الوحيد ان الموتور 1300 cc صغير على وزن العربية الكبير وده بيخليها بطيئه نسبيا فى التجميع انا بجيب ال 100 فى 14 ثانية واقصى سرعة 130 ك وثبات محصلش فى الملفات وربنا يديمها علينا يالله !!

بص بالنسبة للكاربيراتير , قل لي كام مرة بتصلح الكاربيراتير بإيدك في السنة , اظن هتلاقيه رقم

انا العربية اللانوس قعدت معايا 3 سنين من 2009 ل2012 - و كانت موديل 99 يعني كانت قديمة - و ما حصلش فيها اكتر من اني غيرت لها الرشاشات بطقم استيراد بتاع اكسنت ب200 جنيه (و ده عيب مشهور في اللانوس1 و تم تلافيه في اللانوس2 و بيتحل مرة واحدة و شكرا) , و ما حصلش و الله خلال ال3 سنين و ال60 الف كيلو اللي مشيتهم فيهم اني جيت جنب الرشاشات ولا الكنترول ولا اي حاجة , ولا غيرت اي حساس كمان بالمناسبة (عربية زي اللانوس فيها حساس اكسجين بس)
و افتح قسم دايو مش هتلاقي شكاوي خالص تقريبا بخصوص الرشاشات و الكنترول الا في العيب اللي قلت لك عليه بس


بالتسبة للفيليشيا , انا اعرف اكتر من مالك ليها و عيوبها كالآتي بكل أمانة برده مع احترامي و ربنا يبارك لكل واحد في عربيته :
1- مسألة الوزن التقيل زي ما بتقول
2- مش عارف مافيهاش باور ولا باورها تقيل , لكن عموما ليا صديق عربيته 132 موديل 73 و لما ساق الفيليشيا ماحسش بفرق كبير , و على العكس صديقي مالكها لما اهله جابوا لانوس2 حس بالفرق
3- العيب بتاع السخونية , سمعت عنه كتير لكن ما عنديش تفاصيله
4- فيها عيب مش فاكر سببه برده بس شفته كتير , اللي بيخليها تفصل و ما ترداش تدور ده

و اللانوس كعربية ليها عيوبها طبعا و ممكن ارصهم لك دلوقت , بس انا و الله و بكل امانة امتلكت اللانوس و شفت المقارنة عملي بين الفيليشيا و اللانوس و اقدر فعلا اقول لك ان اللانوس تتفوق عليها جامد

[SMHFAHMY]

جزاكم الله خيرا

[Karim Ibiza]

من غير زعل مشاكل الانجكشن محتاجة ميكانيكى متخصص وكومبيوتر اعطال وقطع غيار غالية وشوية مية فى الموتور مش عارف اية يعطل ولو ميكانيكى 1/2 كم باوظها ادفعلك كام الف علشان تتظبط كلامى صح ؟
لكن الكاربراتير انا باصلحة بنفسى وبمفك عادة ومفتاح الن وبغسل الموتور كل شهرين بمسدس المية والجاز عادى ؟
انا بانصحه علشان انت عارف الميكانيكية واشتغالتهم وخصوصا مع واحد ابيض فى الميكانيكا !!!
طبعا مافيش خلاف فى مزايا قوة الموتور الأنجكشن وتوفيرة فى البنزين
بس مقارنة مع التكاليف والبنزين ال80 طبعا الكاربراتير يكسب !!!
ليه بلاش الفليشيا على فكرة العربية دة عربية قوية جدا فى الشاسية والتعليق وتعتبر من العربيات المصفحة فى الصاج وقمة الأمان وثبات على الطريق وفى الميه عيبها الوحيد ان الموتور 1300 cc صغير على وزن العربية الكبير وده بيخليها بطيئه نسبيا فى التجميع انا بجيب ال 100 فى 14 ثانية واقصى سرعة 130 ك وثبات محصلش فى الملفات وربنا يديمها علينا يالله !!

يا باشا مش لما الأول يبقى فيه بنزين 80!!!!!
لو حسبت انت بتستهلك قد ايه بنزين 80(لو أصلا لقيته) وقارنته بأستهلاك مثلا عربيتى لما كانت 1000 او 1400 سى سى (أصل انا عربيتى كانت 1000 وبعدين بقيت 1400 وبعدين بقت 1600 ) انجيكشن وبحط 92 هتلاقى انها نفس التكلفة لأن المعروف طبعا ان استهلاك الكربراتير أكتر بكتير من الانجيكشن حتى لو مظبوط (نادرا انك تلاقى دلوقتى كربراتير مظبوط بسبب العمر الأفتراضى) ومش هتكون شايل هم انك تقف فى طابور عشان الـ80 وموتورك عمره هيبقى أطول لأن نوعية البنزين أفضل وطبعا غير الأداء الأحسن
الفليشيا طبعا عربية محترمة بس موديل الكاربراتير خلاص راحت عليه وعلى فكرة عمى كان معاه واحدة تقريبا موديل 96 كربراتير وكنت جايب بيها على اسكندرية القاهرة الصحراوى 150
بس انا عن نفسى لو هجيب فيليشيا هجيبها اللى هى وش الاوكتافيا عشان انجكشن وتكييف وباور وتقريبا دى موديل 98

متهيألى سعر الكربراتير استيراد بـ 400 جنيه
سعر البوابة فى الانجيكشن استيراد 250 جنيه

كلمة لصاحب الموضوع:
عايز تركب بولو؟؟؟
بنفس سعر البولو تركب ابيزا 98 او 99 كاملة تكييف باور زجاج كهرباء مرايات كهرباء وكمان صالون أوسع من البولو + انها اساسا على نفس شاسيه البولو ونفس العفشة والموتور والطابلوه
مش تحيز والله بس دى الحقيقة

[mohamedhamed]

عايز اعترض و يا رب ما يكونش فيها زعل :-)
عن تجربة شخصية اظن ان اللانوس اللي حضرتك جربتها يا كانت متهانة يا كنت بتتعامل مع ميكانيكي ضايع :-)

معروف عن اللانوس كعربية ان اعطالها مش كتير لو بتحط لها قطع غيار اصلي
انما طبعا المضروب _ عموما _ بيبهدل العربية و دي غلطة بيقع فيها ناس كتير مع اللانوس بالذات

انا شايف انها كاختيار افضل من بولو التسعينات بصراحة

زعل لية يا باشا احنا بنستفيد من بعض وانا الصراحة بستفاد حاجات كتيير اوي هنا بس لما بيكون المنتدى مصحصح كدة

وبالنسبة للانوس انا مريت بيها تجربة فظيعة وبجد كرهتها من قلبي لما بشوفها في الشارع بدير وشي شكلا وركوبة جبتلي عقدة لانها فعلا زي ما قلت الميكانيكي كان حمار وكل شوية تطلب حاجات حسيت اني عامل ابونية عندة كنت بسبها بالاسبوع واعدي امشي بيها اسبوع وارجعهالة تاني اسبوع بتكلم بجد والله
وكمان حاسس اني اضحك عليا فيها لاني لا كشفت عليها ولا نيلة وكله من واحد الله يسامحة قعد يقلي برقبتي ودي حالة نضيفة وي وي وي أكل بعقلي حلاوة
والحمد لله بحمد ربنا صبح ولليل اني خلصت منها ف علشان كدة بنصح صاحب الموضوع على حسب تجربتي المريرة وانت برضو ممكن تنصحة على اللانوس على حسب تجربتك الحلاوة معاها وف الاول وف الاخر هو المستفاد وربنا يعينة ويكرمة بحاجة تريحة ويبقى مبسوط بيها .
وشكراً ولك مني كل الاحترام والتقدير

[تامر.محمد]

زعل لية يا باشا احنا بنستفيد من بعض وانا الصراحة بستفاد حاجات كتيير اوي هنا بس لما بيكون المنتدى مصحصح كدة

وبالنسبة للانوس انا مريت بيها تجربة فظيعة وبجد كرهتها من قلبي لما بشوفها في الشارع بدير وشي شكلا وركوبة جبتلي عقدة لانها فعلا زي ما قلت الميكانيكي كان حمار وكل شوية تطلب حاجات حسيت اني عامل ابونية عندة كنت بسبها بالاسبوع واعدي امشي بيها اسبوع وارجعهالة تاني اسبوع بتكلم بجد والله
وكمان حاسس اني اضحك عليا فيها لاني لا كشفت عليها ولا نيلة وكله من واحد الله يسامحة قعد يقلي برقبتي ودي حالة نضيفة وي وي وي أكل بعقلي حلاوة
والحمد لله بحمد ربنا صبح ولليل اني خلصت منها ف علشان كدة بنصح صاحب الموضوع على حسب تجربتي المريرة وانت برضو ممكن تنصحة على اللانوس على حسب تجربتك الحلاوة معاها وف الاول وف الاخر هو المستفاد وربنا يعينة ويكرمة بحاجة تريحة ويبقى مبسوط بيها .
وشكراً ولك مني كل الاحترام والتقدير

كان الله في عونك :(

بص يا باشا خليني احكي لك بالظبط , و اهو نستفيد سوا زي ما بتقول و نفيد الناس :)

في اواخر 2008 انا و واحد صاحبي اوي اتفقنا اننا هانجيب لانوس , هو قرر يجيبها زيرو بالقسط , و انا قررت اشتريها مستعملة موديل 99 او 2000 و كانت اول عربية املكها في حياتي

و انا باجيبها كشفت , بس مش اوي يعني , المهم العربية كانت اساسياتها تمام لكن كانت صيانتها مش قد كده و احتاجت تغير شوية حاجات في الاول في العفشة بالذات

لكن الفيصل ايه ؟ انا لفيت بيها على ميكانيكية كتير
اول ما رحت كان لميكانيكي فاهمها بنسبة 40% مثلا , كانت وقعة بيضا , و فعلا كنت واخد عنده ابونيه لأنه كان بيجرب فيا و عمال يفتح لي شغل
لحد ما ربنا كرمني و وصلت لميكانيكي كان شغال في توكيل دايو و وقتها كان نقل لتوكيل سوبارو , كان راجل حافظ العربية صم و شغله نضيف و امين , بعد ما قابلت الراجل ده فعلا العربية بقت حلاوة بمعنى الكلمة

بالنسبة لتجربة صاحبي اللي جابها زيرو في 2008 , عمل بيها لحد دلوقت 50 الف كيلو تقريبا , و العربية حلاوة ما شاء الله بمعنى الكلمة :)

[mohamedhamed]

كان الله في عونك :(

بص يا باشا خليني احكي لك بالظبط , و اهو نستفيد سوا زي ما بتقول و نفيد الناس :)

في اواخر 2008 انا و واحد صاحبي اوي اتفقنا اننا هانجيب لانوس , هو قرر يجيبها زيرو بالقسط , و انا قررت اشتريها مستعملة موديل 99 او 2000 و كانت اول عربية املكها في حياتي

و انا باجيبها كشفت , بس مش اوي يعني , المهم العربية كانت اساسياتها تمام لكن كانت صيانتها مش قد كده و احتاجت تغير شوية حاجات في الاول في العفشة بالذات

لكن الفيصل ايه ؟ انا لفيت بيها على ميكانيكية كتير
اول ما رحت كان لميكانيكي فاهمها بنسبة 40% مثلا , كانت وقعة بيضا , و فعلا كنت واخد عنده ابونيه لأنه كان بيجرب فيا و عمال يفتح لي شغل
لحد ما ربنا كرمني و وصلت لميكانيكي كان شغال في توكيل دايو و وقتها كان نقل لتوكيل سوبارو , كان راجل حافظ العربية صم و شغله نضيف و امين , بعد ما قابلت الراجل ده فعلا العربية بقت حلاوة بمعنى الكلمة

بالنسبة لتجربة صاحبي اللي جابها زيرو في 2008 , عمل بيها لحد دلوقت 50 الف كيلو تقريبا , و العربية حلاوة ما شاء الله بمعنى الكلمة :)

كلام جميييل ومتشكر جدا على مناقشتك المحترمة وربنا يوفقك في حياتك
اما بقى بالنسبة لصاحب الموضوع اعتقد كدة المفروض انه فهم من المناقشة دي ان اهم حااااااااجة اهم حاااااجة انه " يكشف " كويس جدااااا على العربية اللي هيجبها مهما كانت ويفصصها كدة ولازم كمان يبقى حاطط مبلغ صغير على جانب لان اي عربية مستعملة بتحتاج مصاريف ف الاول تغير شوية حاجات سواء كانت بسيطة او كبيرة نسبياً .
وفعلا محدش بيتعلم ببلاش بس بالنسبة ليا انا اتعلمت بالغالي اووووووي ف موضوع الكشف دة وبسببة صرفت مبلغ محترم وغير لما بعتها بعتها بأقل من تمنها بكتييير .

وربنا يكرمني بقى بحاجة نضيفة ياااااارب واحبها كدة