فقط ملاك الجيتا

[just_magdy1]

السلام عليكم
فتحت موضوع قبل كده قلت أنى بفكر اشترى جيتا وحقيقى انا حاليا متردد بين الجيتا والاوكتافيا مع لعمى أن الاوكتافيا مناسبة اكتر للطرق المصرية بس حقيقى الميزانية ماتسمحش باوكتافيا هاى لاين فى حين أن المبلغ إللى معايا ممكن يجيب جيتا هاى لاين بالإضافة أنى شايف الجيتا اشيك فياريت تنصحوني بمدى اعتمادية الجيتا ومسألة المطبات لأنى بين بيتى وشغلى كام مطب رخم ولو رجع بيكم الزمن تستروا جيتا ولا أوكتافيا ... وشكرا مقدما

[muslim_nsb]

لو مشكلة مطبات خليك في الاوكتافيا
لان اخويا معاه جيتا بصراحه بتمسح المطبات والحمد لله انها مصفحه من تحت

[islamaboelnaga]

لو رجع الزمن جيتا برضه :] انعم كتير و عزل احسن و تكيف اقوى و تسارع احسن :) و شكل من وجهه نظرى

[superb]

الجيتا افضل طبعا .. و موضوع المطبات .. خدها بالجنب .. لكن لو بتدور على المساحه و عائليه .. الأوكتافيا .. و على فكره الأتنين نفس الشاسيه و قاعدة العجلات و المحركات ..

[SYD]

المفروض ان الجيتا كمستوي تجهيزات وكماليات اعلي من الاوكتافيا
ولكن بوجه عام ستجد تشابه بشكل كبير جداً بينهم لأشتراكهم في الplatform يعني الشاسيه والهيكل ووضعية المحرك ورينج المحركات وآلات الجر وناقل الحركة والتعليق الامامي والخلفي والفرامل والمساحات الداخلية

يمكن الاوكتافيا تكون اكبر شوية في مساحات التخزين واسهل في اعادة البيع

تأكد اولا من فتيس الجيتا واكشف عليها كمبيوتر عند احد المتخصصين او في التوكيل وتأكد من فواتير الصيانة ومواعيدها

ربنا يوفقك لما فيه الخير

والله المستعان
،
،

[Moratoz]

العربيتين واحد ولكن الأوكتافيا اوسع وعاليه عن الأرض علشان المطبات والجيت بتحك في كل المطبات ولكن أكثر شبابا وصالون اشيك والأختيار بينهم يرجع لذوق المشتري والراحه النفسيه فقط

[just_magdy1]

الأمر لله ندور على اوكتافيا بيزلاين وننسى الجيتا بفضل الطرق المنيله

[waelw]

انا مش شايفه ان العربيه ماسويه فى المطبات .. ولا طبعا مش شايفه ان ده سبب اصلا يمنع انى اشترى العربيه.. بتاخد المطب يالجنب ده لو مطب عالى اوى يعنى وكده كده اى مطب اى عربيه بتهدى وهى بتاخده ده لو بنتكلم فى مطبات صناعيه .. وفى الاخر طريقه سواقه مش اكتر وطبعا لو عندى اختيار ... اكيد هاشترى جيتا وراى شخصى والموضوع ازواق طبعا الجيتا شكلها اشيك بكتيييييير

[just_magdy1]

انا مش شايفه ان العربيه ماسويه فى المطبات .. ولا طبعا مش شايفه ان ده سبب اصلا يمنع انى اشترى العربيه.. بتاخد المطب يالجنب ده لو مطب عالى اوى يعنى وكده كده اى مطب اى عربيه بتهدى وهى بتاخده ده لو بنتكلم فى مطبات صناعيه .. وفى الاخر طريقه سواقه مش اكتر وطبعا لو عندى اختيار ... اكيد هاشترى جيتا وراى شخصى والموضوع ازواق طبعا الجيتا شكلها اشيك بكتيييييير

شكرًا لمشاركة حضرتك بس للأسف معظم إللى ركبوا جيتا بيقولوا أنها بتمسح المطبات

[inspiron]

لو رجع الزمن جيتا برضه :] انعم كتير و عزل احسن و تكيف اقوى و تسارع احسن :) و شكل من وجهه نظرى

- أنعم كتير بمعني إيه ؟؟
- عزل أحسن بناءً علي إيه التقييم ده لأني ركبت العربيتين ؟
- تسارع أحسن ؟؟؟؟؟؟
skoda octavia 1.6 mpi acceleration - YouTube
- الشكل أذواق طبعاً وإن كنت بحب شكل الفانتازيا جداً عنها.خصوصاً لو لون أسود أو نبيتي

الجيتا افضل طبعا .. و موضوع المطبات .. خدها بالجنب .. لكن لو بتدور على المساحه و عائليه .. الأوكتافيا .. و على فكره الأتنين نفس الشاسيه و قاعدة العجلات و المحركات ..

- أفضل طبعاً في إيه بالظبط ؟ ومنين أفضل طبعاً ومنين الإتنين نفس الشاسيه وقاعدة العجلات والمحركات ؟

العربيتين واحد ولكن الأوكتافيا اوسع وعاليه عن الأرض علشان المطبات والجيت بتحك في كل المطبات ولكن أكثر شبابا وصالون اشيك والأختيار بينهم يرجع لذوق المشتري والراحه النفسيه فقط

+1111111111111111111111111

[monamize4]

يا باشا ماتحترش ,, العربيتين مش جداد ف السوق و كلنا جربناهم

- الفانتازيا تقدر تقول عليها شبه كامله عربية المانى تقفيل تشيكى ( الجيتا مكسيكى ) عالية عن الارض و حط تحتها ميت خط و شنطتها واسعه اوى لان تصميم شنطتها شبه الهاتتشباك و فتيسها مش dsg و ماسكه سعرها اوى زى الكورى من الاخر الفانتازيا دى شكلها هتحل محل اللانسر :))))))))))))))))))))))))) و حاجة تانية بس مش هقدر اثبتهالك بدليل قاطع و هى ان صاج الفانتازيا ناشف جدا

- الجيتا بحبها اوى بس محدش ينكر انها سخيفة ف حكاية المطبات و فتيسها dsg (غنى عن التعريف) بس تصميمها روعة و شكلها تحفة

من الاخر لو عايز عربية حمارة شغل و اعطال قليلة ان شاء الله و لو حبيت تبعها هتتباع بسهولة فا انصحك بالفانتازيا
لكن الجيتا دى ما يجبهاش غير اللى غاوي جيتا بالذات (شكلها فاجر)

[KABOKY_2010]

لية متفكرش فى الهوندا سيفيك 2010 دة لو انت عايز مستعمل وابعد عن الفتيس الجديد للجيتا نهائى

[inspiron]

لية متفكرش فى الهوندا سيفيك 2010 دة لو انت عايز مستعمل وابعد عن الفتيس الجديد للجيتا نهائى

السيفيك نفس مشكلة المطبات

[don-mody]

الجيتا عن تجربه بس في السعوديه مش في مصر
سياره رائعه جدا عزل رائع .. قوة الموتور روعه بس الموتور كان 2000 سي سي
مش عارف هيا في مصر كام سي سي
..وكمان ثبات على الطريق بشكل مميز وحتى على سرعه فوق 160 لحد اقصى سرعه اللي هيا تقريبا كانت 210
بتكون ثابته كويس وعزلها رائع
مع العلم اني كنت بقرص على العربيه اوي ودرجات الحراره في الصيف في السعوديه بترتفع فوق 50 درجه مئويه

[KABOKY_2010]

السيفيك نفس مشكلة المطبات

على فكرة مش زى الجيتا نهائى مفيش كتير بيشتكوا منها لان هى بيتهيئلك انها واطية بس هى مش واطية وحتى لو عندك حمولة مش بتنزل عن كدة الكلام دة من ناس راكبة السيفيك