مشكلة فتيس dsg فى جولف ٢٠١١ .. اعمل ايه .. !!

[ebnyousry]

عربيتى جولف ٢٠١١ عاملة ٦٥ الف كيلو .. و بدأ الفتيس يعلق فى المارش بقاله يومين تلاتة .. علما انها ١٦٠٠ و ماشية تمام من يومها .. !!

الغربية خرجت من الضمان و خايف التوكيل يعورنى .. بس ليا اصدقاء بيأكدولى ان الفتيس عليه ضمان ٧ سنين .. الكلام دة صحيح !؟

اعمل ايه افيدونى ارجوكم

[mhf_77]

غيرت زيت فتيس؟؟؟

[omar-saad]

زبت الفتيس مابيتغيرش
انتا تروح التوكيل
لان دا من حقك
لان الفتيس عليه ضمان اطول
وان شاء الله يطلع الموضوع بسيط

[inspiron]

غيرت الزيت قبل الـ 60 ألف ولا لأ

[SYD]

بجانب الزيت اكشف علي الاسطوانة

[etrder63]

عربيتى جولف ٢٠١١ عاملة ٦٥ الف كيلو .. و بدأ الفتيس يعلق فى المارش بقاله يومين تلاتة .. علما انها ١٦٠٠ و ماشية تمام من يومها .. !!

الغربية خرجت من الضمان و خايف التوكيل يعورنى .. بس ليا اصدقاء بيأكدولى ان الفتيس عليه ضمان ٧ سنين .. الكلام دة صحيح !؟

اعمل ايه افيدونى ارجوكم

دى مشاركة سابقة ليا بتاريخ 27/8/2012فى موضوع كلمة حق فى توكيل vw ومشكلتى مع الفتيس الdsg عن تجربة مماثلة
" يا جماعة الخير الموضوع ده حقيقى انا معايا جيتا 2010 خليجى وحصل معايا نفس الموضوع ده عند 24000 كم ذهبت للتوكيل بناء على نصيحة صديق يعمل بالتوكيل اخذ رقم شاسيه العربية وكشف عليه بالشركة لأن شركة VW عاملة recall
لسيارات معينة ثبت أن فتيسها ال دى أس جى به عيوب فنية فلو سيارتك من ضمن هذه السيارات وده بيتعرف من رقم الشاسيه حيغيروا لك الميكاترونيك على حسابهم بعد ما يبعتوا لألمانيا يعتمدوا التغيير والموضوع ده بيأخد حوالى شهر وما بتدفعش غير قيمة المصنعية اللى هى حوالى 300 جم فحتى من غير ما تبعت انت لألمانيا فلو لاقدر الله حصل لك هذا الموضوع خد رقم الشاسيه واطلع على التوكيل وتمسك ان عربيتك من ضمن السيارات اللى معمول لها recall
واطلب وتمسك انهم يبعثوا لالمانيا حيستجيبوا وحتى حيدخلوها على قاعدة بيانات التوكيل وممكن تعمل صيانتك عندهم بعد ذلك لأن دى تعليمات الشركة الأم والحكاية ان التوكيل مش عايز يوجع دماغة فى عمل صيانات وتغيير ميكاترونيك لسيارات مش مباعة بمعرفته لكن الشركة الأم يهمها الحفاظ على سمعتها خصوصا بعد السمعة السيئة اللى طلعت على الفتيسات الجديدة ال دى أس جى "

[etrder63]

إضافة لمشاركتى السابقة لو بعد كده الكلاتش احتاج تغيير برضه تطلع على التوكيل وتطلب تغييره لأنه أيضا داخل فى إلتزام الشركة الأم باستبدال الأجزاء المعيوبة فى فتيس ال dsg

[ebnyousry]

إضافة لمشاركتى السابقة لو بعد كده الكلاتش احتاج تغيير برضه تطلع على التوكيل وتطلب تغييره لأنه أيضا داخل فى إلتزام الشركة الأم باستبدال الأجزاء المعيوبة فى فتيس ال dsg

شكرا لردك يا فندم و يا ريت لو فيه اي لينك او اى حاجة رسمية منشورة فى الجرنال او نت تثبت دة تبعتهولى .. عشان كلمت التوكيل و رد عليا واحد اسمه م/وائل البغدادى قالى مفيش حاجة اسمها recall و الشركة الام ماعلنتش حاجة زى دى و قفلها فى وشى و قالى انى هتحمل كل التكاليف .. !!!

و بالنسبة للناس اللى سألت على زيت الفتيس .. زيت. الفتيس دة بيتزود مش بيتغير

[ahmedbolty]

بص ياباشا
انا معايا باسات 2010 وحصل رجرجة فى العربية المهم غيرولى الدبرياج على حسابهم بالكامل فى توكيل ابو رواش . المهم خليك ناشف معاهم وعلى صوتك بيجيب حلو اوى. بس حق ربنا بعد الضمان ماخلص بكام شهر طلع مشكلة فى العربية كنت بشتكى منها قبل غيار الدبرياج المهم طلعت تيربو وغيروه على حسابهم ودفعت 150 جنية . امسك فى حقك ومايهمكش

[ebnyousry]

ربنا المستعان و ربنا يستر بجد .. الواحد زهق و قرف

[Mzeid]

!\

شكرا لردك يا فندم و يا ريت لو فيه اي لينك او اى حاجة رسمية منشورة فى الجرنال او نت تثبت دة تبعتهولى .. عشان كلمت التوكيل و رد عليا واحد اسمه م/وائل البغدادى قالى مفيش حاجة اسمها recall و الشركة الام ماعلنتش حاجة زى دى و قفلها فى وشى و قالى انى هتحمل كل التكاليف .. !!!

و بالنسبة للناس اللى سألت على زيت الفتيس .. زيت. الفتيس دة بيتزود مش بيتغير

تكاليف ايه اللي تتحملها ؟؟؟؟!!!!

امال اضمان لزمته ايه ؟ دة غير انهم مدوا الضمان على الفتيس

[ebnyousry]

تكاليف ايه اللي تتحملها ؟؟؟؟!!!!

امال اضمان لزمته ايه ؟ دة غير انهم مدوا الضمان على الفتيس

التوكيل قالى مفيش حاجة اسمها ضمان على الفتيس و لما شديت معاه فى الكلام قالى هاتلى اى حاحة رسمى تثبت ان فيه ضمان على الفتيس .. و مصمم يقفل معايا فى الملام و مش راضى يفيدنى بحاجة غير انه هيكشف علىالعربية لما اروح التوكيل

[boody2]

ممكن تقولنا ايه الجديد في موضوع الفتيس بتاع العربية

[hugan]

متابع

[ebnyousry]

ممكن تقولنا ايه الجديد في موضوع الفتيس بتاع العربية

استلموا منى العربية بقالهم ٩ ايام .. و بيقولوا هيحاولوا يخلوا الشركة فى المانيا تتحمل التكاليف .. بس بصراحة الخدمة اكثر من سيئة .. ممكن نقول زفت و مبيسألوش فى حد و مبيعبروش حد و حاطين ايديهم فى المياة الباردة كأنهم بيصلحوا موبايل ولا لعبة اطفال .. مش عربية و مصالح واقفة و متعطلة .. حاجة تقرف .. !!!