ياريت حد يفيدنى فى شوية حاجات عايز اعرفها

[M!D0]

اولا السلام عليكم على اجدع رجالة فى المنتدى والمنتديات التانية برضه كنت عايز اخد راى الناس فى شويه حاجات كده لانى انشاء الله هبتدى المشوار وشكلى هالف كتاب عن العربية بس فى شوية حاجات كده كنت حابب اعرفها اولا العربية جولف 1 وكنت عايز اعمل فيها شوية تعديلات (هى مش تعديلات اوى يعنى ) نبتدى كده ومحدش يتخض عشان الموضوع كبير ونفسى اعرف الاسعار
1 - رفرين
2 - كبوت
3 - صدر كامل
4 - عفشة كاملة متكاملة بكل مسمار فيها يمين وشمال
5 - طقم جنوط بالكاوتش
6 - علبة دريكسيون بالقطمة بالطارة
7 - كارتيرة الزيت
8 - فتيس مانيوال بالبدالات
9 - تابلوه
10 - اكصدامات
وشوية حاجات تانية كده بس هو دة المطلوب حاليا انا انشاء الله نازل الحرفيين يوم الخميس اسال على الحاجات دى وكنت عايز اعرف مين احسن واحد بيشتغل فى الجولف انا عارف ان اللبودى هو اللى هلاقى عنده حاجات العربية بس هو غالى اوووووووى طبعا الموضوع بقى كل المطلوب ده انا عارفه لكن السؤال بقى وده المهم الحاجات اللى انا عايزها دى ينفع اجيبها كلها جولف 2 مع العلم ان المكنة اللى عندى 1600 بتاعت جولف 2 طولت عليكم انا بس ربنا عالم والله قد ايه العربية منظرها زى الزفت وهى واقفة تحت البيت ومنظرها بيضايقنى وشكرا ليكم

[mhkorayem]

يا خبر ايه الحاجات دي كلها
ده كده انت عاوز عربيه تانيه

[adelghanem]

اشترى عربيه تانيه وخد منها اللى انت عايزه !!!
متزعلش منى .بس ده كتير قوى