الحمد لله عربيتى البورا عملت حادثة

[joe_2004]

الحمد لله عربيتى البورا عملت حادثة.... اخويا استلف عربيتى عشان يسافر بيها واتقلب على الطريق نتيجة الكاوتش الايمن الامامى ضرب والحمد للة طلع بشوية كدمات فى الكتف والظهر .
بدور على سمكرى يكون صنايعى وامين فى الشغل ...ووصنايعى دوكو محترم
العربية فيها شغل فى السقف والقايم الخلفى والرفرف الخلفى ...بجانب الرفرف الخلفى الاخر والشنطة والعتب.

[abou-yahia]

حمدلله علي سلامه اخوك

وان شاء الله تلاقي طلبك

[hilal]

ألف مليون سلامة لأخوك
الحمد لله ربنا ستر ، والحديد أمره سهل ان شاء الله

[horas3000]

ألف سلامة لأخوك
و شوف مركز نايل موتورز بتاع كريم بيه
شغلهم محترم جدا

[aboamina]

فدك وفدا اخوك وربنا يعوضك خير ان شاء الله

[joe_2004]

شكرا ليكم على مشاعركم الطيبة وربنا مايحكم على حد بالتجربة ديه
انا حاسس انى شوية وهيجلى السكر من الموضوع ده

[joe_2004]

ألف سلامة لأخوك
و شوف مركز نايل موتورز بتاع كريم بيه
شغلهم محترم جدا

الله يسلمك يا جميل ....بس انت عملت عندهم شغل سمكرة هناك؟ايه اخبار السمكرى اللى هناك؟
وايه اخبار الاسعار ؟

[eleanor]

الف حمدالله على سلامه اخوك والحمد له جت سليمه

[eng.m7md.ali]

الف حمد الله على سلامة اخوك والحمد لله انه بخير

[inspiron]

أنا هرد رد مختلف عشان لفت إنتباهي جملة إنك حاسس إنك هيجيلك بعد الشر سكر.
تخيل كده معايا..الحادثة حصلت خلاص قضاء الله وقدره..طيب..لو أخوك بعد الشر مكانش طلع من الحادثة دي..أهون عليك ؟ ولا شوية حديد إتعوجوا وبيتصلحوا زي ما كانوا أهون عليك ؟
ألف مليون سلامة لأخوك..شعراية منه تسوي مليون طيارة مش عربية.
وبالنسبة للعربية..عند إختيارين..مركز نايل موتورز بتاع الأستاذ كريم منير..ومركز مصطفي مطر اللي في جسر السويس خلف سوق القنال الدولي.والاتنين دول هيرجعولك العربية كأنها لسه طالعة من خط الإنتاج.
أنا شخصياً ليا تعامل سابق مع مصطفي مطر..ودي عينة من شغلهم

[dem0]

حمدلله على سلامة اخوك واللى يجي فى الهيش " الفلوس " مفيش اهم حاجه سلامته