مساعدة قبل شراء بيتلز 1303

[fvks]

انا ناوي علي 1303 سوير.
عاوز اعرف يه الي ابص عليه فيها علشان اقدر اميزها من باقي الموديلات
بالنسبة للشاسية ايص علي ايه فيه .
وفي حاجة اسمها ال رقبة ديه بتكون فين .
لو فيه رسم تخطي للعربية اكون شاكر .

[reddragonmezo]

انا ناوي علي 1303 سوير.
عاوز اعرف يه الي ابص عليه فيها علشان اقدر اميزها من باقي الموديلات
بالنسبة للشاسية ايص علي ايه فيه .
وفي حاجة اسمها ال رقبة ديه بتكون فين .
لو فيه رسم تخطي للعربية اكون شاكر .

بص ياكبير الاول شوف هى موديل كام يستحسن موديل 74 او 75 انتاج امريكى واسمها مانهاتن فيه الالمانى ودى موديل 73 يميزها عن باقى الموديلات ان فيها
اولا :- فيها تابلوه فبر مش زى العادى التابلوه على الصاج لا التابلوه بتاعها بارز عن الزجاج الامامى
ثانيا :- الرفرف الامامى اصغر واكثر استدارة من العادية
ثالثا :- ودى الفرق الواضح جدا الزجاج الامامى واخد بومبيه (استدارة) مش مسطح كالعادى
بالنسبة للشاسيه فى ده لازم توديها لسمكرى او ميكانيكى لانه ياما ينزل تحتها ويبص على الرقبة (قلب العربية ) يااما يفك تانك البنزين الرقبة بتكون فى الامام عند العجل الامامى
الماتور الاساسى بتاعها ماتور 1600 سى سى لكن مع الزمن ممكن يكون اتغير لماتور 1300 سى سى
المشاكل
المشكلة الاساسية فى الموديل ده فى قطع غيار التعليق الامامى (علبة دركسيون - مساعدين - بيض دركسيون وعفشة) مش موجودين حتى استيراد خارج ولا جديد
غير كده الموديل ده اكثر نعومة فى نظام التعليق والتوجيه من الموديل العادى
لو فيه اى استفسار انا معاك للصبح

[أحمد جودة]

بص ياكبير الاول شوف هى موديل كام يستحسن موديل 74 او 75 انتاج امريكى واسمها مانهاتن فيه الالمانى ودى موديل 73 يميزها عن باقى الموديلات ان فيها
اولا :- فيها تابلوه فبر مش زى العادى التابلوه على الصاج لا التابلوه بتاعها بارز عن الزجاج الامامى
ثانيا :- الرفرف الامامى اصغر واكثر استدارة من العادية
ثالثا :- ودى الفرق الواضح جدا الزجاج الامامى واخد بومبيه (استدارة) مش مسطح كالعادى
بالنسبة للشاسيه فى ده لازم توديها لسمكرى او ميكانيكى لانه ياما ينزل تحتها ويبص على الرقبة (قلب العربية ) يااما يفك تانك البنزين الرقبة بتكون فى الامام عند العجل الامامى
الماتور الاساسى بتاعها ماتور 1600 سى سى لكن مع الزمن ممكن يكون اتغير لماتور 1300 سى سى
المشاكل
المشكلة الاساسية فى الموديل ده فى قطع غيار التعليق الامامى (علبة دركسيون - مساعدين - بيض دركسيون وعفشة) مش موجودين حتى استيراد خارج ولا جديد
غير كده الموديل ده اكثر نعومة فى نظام التعليق والتوجيه من الموديل العادى
لو فيه اى استفسار انا معاك للصبح

مفيش كلام يتقال بعد التقرير المفص دة ......... تسلم ايدك
وياريت تنقل التجربة بعد الشراء وتقولنا عملت اية علشان بدور على واحدة كويسة لاخ عزيز

متابع ,,,,,,,,,,,,,,,,,,,

[fvks]

شكرا(reddragonmezo) علي الرد بس انت احبطني علي ان مفيش قطع غيار ليها خاصة العفشة الامامية .
انت رايك اشتري ولا لاء
بس هي احسن من 128 والكلام ده كله .
يعني مينفعش تعديل او تغير في قطع العفشة الامامية .
برجاء الرد قبل ملبس في الحيط.

[fvks]

حد يرد عليااااااااااااااااااااااااااا في قطع غيار ليها ولا لاء ياجماعة

[reddragonmezo]

حد يرد عليااااااااااااااااااااااااااا في قطع غيار ليها ولا لاء ياجماعة

متاسف ياباشا على التاخير
اولا طبعا من واقع التجربة مع 128 والبيتلز اقدر اقول بيتلز إلى الابد
ثانيا : انا عربيتى 1300 بيتلز مو 70 وعربية جوز اختى 1303 مو 75 وعربية والده بيتلز1300 مو 69
من واقع التعايش فى كل البيتلز دى ومن الشغل بايدى فى النوعين الـ 1300 والـ 1303 اقدر اقول ان الـ 1300 اكثر بساطة فى التصميم والصيانة واكثر توفرا لقطع الغيار استعمال خارج او جديد لكل الاجزاء (عفشة - موتور) واكثر تحملا للشوارع اللى مايعلم بيها غير ربنا إللى بنمشى فيها كل يوم
مشكلة الـ1300 انها ناشفة جدا فى المطبات بس فى نفس الوقت مش هتحتاج تعمل عمرة عفشة حتى مع شوارعنا دى غير من 15 - 20 سنة تقريبا لان فيه قطع انا غيرتها من العربية كان محفور عليها تاريخ الصناعة
الـ 1303 انعم فى المطبات بس على حساب ان عمر العفشة بتاعتها قصير من 5 -7 سنين بالكتير غير كدة تبدأ تأذى علبة الدركسيون ودى مش موجود منها حتى لو عملت ايه حبينا مرة نغيرها فى عربية جوز اختى ملقنهاش خالص وغير فى واحد زميلى كان رايح لبنان جابهلنا معاه بـ 1200 جنيه مستعملة يعنى جحيم
الفرق بين النوعين بيبتدى من التابلوه إلى الاكصدام الامامى يعنى الربع الامامى هو اللى فيه اختلاف بين الاثنين غير كدة كل قطع الغيار واحدة

[fvks]

يعني ملهاش عفشة امامية ولا نادر وجودها.
مش فاهم ازاي دنا شغال في مودلات منقرضه ولسه موجود قطع غيرهااااااااااااا
ازاي عربية الماني كانت تصنع حتي 2000 وميكنشي ليها قطع غيار.
من الاخر ليها ولا لاء
+
هلي يمكن تعديل العفشه الامامية.
+
انتمني من وجود كتالوج تصميمها هيرحني جدا حتي لو ملهاش قطع غيار.
يالنسبة للقطع غيار الالات الجر والفتيس والماتور ودسك واسطوانة وسلوك واسبراتير وكله وموجود ومواسير والهاوس بتاع الماتور والكلام ده كله موجود.
انا نازل الجمعه القادمة رجاء شرح كل شئ .
انا اخوك الصغير

[fvks]

حاجة كمان ايه االفرق بين 1302 ال1303 انهي الاحسن فيهم من حيث كل حاجة وخاصة توافر قطع الغيار .
انا عارف اني بتقل عليك اصل ان بفضل العفشة سوست ومساعدين عن الدناجل والتشومبارت.
انا بعمل كل ده علشان الي معايا 10 الف ج فقط فعاوز اطحهم في حاجة محترمه وخاصة ان انا من النوع الي مش بيبع بسرعة يعني ممكن تقعد معايا 10 سنين .
فهل 1303 ولا 1302 ولا1300 ولا مشتريش احسن

[reddragonmezo]

بص ياباشا العفشة الامامية بتاعة الـ 1303 نادرة جدا جدا وبسبب ندرتها غالية بشكل مبالغ فيه مشكلة الـ 1303 انها منزلتش مصر كتير يعنى مافيش منها غير موديل 73 المانى و74 و75 امريكى غير كدة لأ علشان كدة هى قليلة جدا فى السوق
فيما بعد موديل 75 إلى عام 2003 تصنيع العربية كله كان مكسيكى - ارجنتينى - برازيلى كان بشكل ومواصفات الـ 1300
نيجى بقى للموديل الكارثى الـ 1302 ده كان صناعة مكسيكى فى اواخر السبعينات وأوائل الثمانينات نيجى بقا للكارثة اللى فيه
1- انه حاول يجمع بين الـ 1300 والـ 1303 بانه يلغى التابلوه الفبر بتاع الـ 1303 ويحط التابلوه العادى بتاع الـ 1300وكمان الزجاج الامامى بتاع الـ 1300 اما الكبوت ونظام التعليق والعفشة والرفارف والاكصدام فدول كانوا بتوع الـ 1303
2- فى التعديل المريع ده غلطوا كذا غلطة اهمها ان العربية بقت بتخبط جامد فى المطبات (هتقلى ليه مع انها عفشة الـ 1303) هقلك عشان تقفيله الجزء الامامى (الزجاج البومبه + التابلوه البارز) كبر الجزء بتاع الربع الامامى عن الجزء بتاع الـ 1303 الاصلى فحصل الاتى
العربية من قدام بقت عاليه تحس انك راكب طيارة وقت الاقلاع يعنى عالية من قدام ومش عايزة توطى وواطية قوى من ورا وده سبب عدم اتزان فى الملفات والسرعات العالية يعنى كارثى بالنسبة لى على الاقل

كل قطع الغيار فى العربية دى موجودة ومتوفرة (صينى - برازيلى - والمانى قليل بس موجود) عدا زى ماقلنا عفشة الـ 1303
تعديل العفشة بتاعة الـ 1303 اقدر اقول علية شبه مستحيل للاسباب الاتية:-
1- المكان قدام ضيق ومتفصل بالسم بالحجات اللى هتركب فيه
2- نظام المقصات والتوجيه لايوجد شبيه ليه فى اى عربية تانية
3- المساعدين قصيرة جدا + السوست رفيعة ومش موجودة فى اى نوع مشابه
4- عرض العربية اقصر من اقصر عربية تانية ماشية فى بلدنا
نيجى للمبلغ اللى معاك للاسف ده عمرة مايجيب عربية 1303 ثمنها بيبدأ للحالة اللى مدمرة من 13 الف جنيه الحالة النضيفة ممكن توصل 25 الف جنيه
المبلغ اللى معاك ممكن يجيب 1300 حالتها متوسطة لا هى نظيفة اوى ولا هى تعبانة على الاخر
بالنسبة للكتالوج ممكن افيدك فى كتالوج الـ 1300 مو 70
ومعاك فى اى استفسار اخر
انا ماصدقت الاقى حد بيفكر انه يجيب بيتلز

[fvks]

طب اجيب ايه ب10 الف حاجة غير128 او 127ولا ادور في السوق علي حاجة مناسبة علي قد الي معايا
الصراحة انا مضفل 1303 عن الباقي بس ازاي سعرها مش نازل مع انها تقيله في البيع ممكن اقتراحات غير البيتلز لو مش اقدر اجبيها.بس انا هسعي في اني اجيب 1303 ب10الف وربنا يكرم.
رد عليا بسرعة علشان المبلغ هيقعد معايا لمدة اسبوعين برجاء المساعدة بجد.
منتظر رد علي احر من الجمر.
معلشي هتعبك معايا لاسيوعين.

[reddragonmezo]

طب اجيب ايه ب10 الف حاجة غير128 او 127ولا ادور في السوق علي حاجة مناسبة علي قد الي معايا
الصراحة انا مضفل 1303 عن الباقي بس ازاي سعرها مش نازل مع انها تقيله في البيع ممكن اقتراحات غير البيتلز لو مش اقدر اجبيها.بس انا هسعي في اني اجيب 1303 ب10الف وربنا يكرم.
رد عليا بسرعة علشان المبلغ هيقعد معايا لمدة اسبوعين برجاء المساعدة بجد.
منتظر رد علي احر من الجمر.
معلشي هتعبك معايا لاسيوعين.

لاتعب ولا حاجة كفاية انك فكرت تبقى زميل فى نادى البتلز
بالنسبة لاى اقتراح تانى غير الـ 128 والـ 127 والبيتلز
صراحة مفيش حاجة ممكن تكون بالمبلغ ده وتكون متاعبها اقل من الثلاثة دول
البيتلز الـ 1300 ممتازة ولو عايز تبص عليها نتفق ونتقابل

[fvks]

انت لسه عندك الموديلات بتاعة العيلة ؟
لوكده انت فرحتني .
حضرتك منين .
ورقم حضرتك كام .
بس ياريت يكون فيه صراحة في البيع لوفيه حاجة تتقال علشان مش اول بختي اتصدم وربنا يكرم .
لو فيه نصيب هكون من عائلة البيتلز .
هو انت معاك ولا زهقت منها بصراحة.
منتظر ردك.

[fvks]

مردتش ليه يا بوب.
شكلك زهقت .
علي العموم منتظر ردك

[fvks]

منتظر الرد والمتابعة بأهمية قصوي

[reddragonmezo]

منتظر الرد والمتابعة بأهمية قصوي

انا مااقدرش اسيب عيلة البيتلز دى عشرة
بس واضح انك فهمتنى غلط انا مش قصدى انى عايز ابيع
انا قصدى انك تبص على العربية عموما علشان تعرف مميزتها وعيوبها على الطبيعة مش بالكلام
شاهد موضوعى
تجربة الفلتر الرياضى على بيتلز 1970
واسف على التاخير