إعـــــــلان

Collapse

.

,
See more
See less

مساعدة قبل شراء بيتلز 1303

Collapse
X
 
  • Filter
  • الوقت
  • Show
Clear All
new posts

  • #16
    شكرا علي ردك .
    اسف علي شوء الفهم .
    ممكن طلب هو حضرتك عندك خلفية وكبيرة بالبيتلز كبيرة فممكن تساعدني في اني اشتري وحدة .
    ولك كجزيل الشكر

    Comment


    • #17
      الميزانيه اللي حضرتك حاططها ما تجيبش. 1303 بحاله كويسه و غالبا لو لقيت حاجه هيبقي فيها شغل في الموتور علي شويه بارومه ده غير ان قطع غيارها قليله و غاليه زي ما الأخ الزميل قالك. قطع الغيار ليها ناس مخصوصه في قطع غيارها في كل منطقه و هتلاقي كتير منهم في الهرم حتي بتوع قطع غيار استيراد كمان. البيتلز عربيه جميله و تستحمل البهدله و قطع غيارها معمره وان كانت غاليه مقارنه بالنسبه لسعر العربيه و كمان قطع غيار العربيات اللي في نفس السعر. استهلاكها للبنزين معقول جدا و لو الكاربيراتير و طقم الكهربا مضبوطين هتلاقي كأنها فابريكه يعني بتجري زي ما انت عايز . مشكلتها بس هي انك لازم تكون بتحب العربيه علشان تجيبها يعني هي مش اي حد بيفهم فيها و الكلام علي الميكانيكي و الكهربائي هل ليها ناس مخصوصه بتشتغل فيها فلو لاقدر الله عطلت لازم تجيب حد فاهم فيها لان اي حد مش فاهم فيها هيرفض يشتغل فيها او هيفتي و يبوظها و كذلك بالنسبه لقطع الغيار برضه اللي بيبيعها بيبقي في الاغلب متخصص فيها لوحدها و يمكن الحاجات دي اللي بتخللي بيعها تقيل لان مش كل الناس بتتقبل الموضوع ده

      Comment


      • #18
        المشاركة الأصلية كتبت بواسطة land_cruiser مشاهدة المشاركة
        الميزانيه اللي حضرتك حاططها ما تجيبش. 1303 بحاله كويسه و غالبا لو لقيت حاجه هيبقي فيها شغل في الموتور علي شويه بارومه ده غير ان قطع غيارها قليله و غاليه زي ما الأخ الزميل قالك. قطع الغيار ليها ناس مخصوصه في قطع غيارها في كل منطقه و هتلاقي كتير منهم في الهرم حتي بتوع قطع غيار استيراد كمان. البيتلز عربيه جميله و تستحمل البهدله و قطع غيارها معمره وان كانت غاليه مقارنه بالنسبه لسعر العربيه و كمان قطع غيار العربيات اللي في نفس السعر. استهلاكها للبنزين معقول جدا و لو الكاربيراتير و طقم الكهربا مضبوطين هتلاقي كأنها فابريكه يعني بتجري زي ما انت عايز . مشكلتها بس هي انك لازم تكون بتحب العربيه علشان تجيبها يعني هي مش اي حد بيفهم فيها و الكلام علي الميكانيكي و الكهربائي هل ليها ناس مخصوصه بتشتغل فيها فلو لاقدر الله عطلت لازم تجيب حد فاهم فيها لان اي حد مش فاهم فيها هيرفض يشتغل فيها او هيفتي و يبوظها و كذلك بالنسبه لقطع الغيار برضه اللي بيبيعها بيبقي في الاغلب متخصص فيها لوحدها و يمكن الحاجات دي اللي بتخللي بيعها تقيل لان مش كل الناس بتتقبل الموضوع ده
        اكيد انت بيتلزاوى قديم

        Comment


        • #19
          المشاركة الأصلية كتبت بواسطة fvks مشاهدة المشاركة
          شكرا علي ردك .
          اسف علي شوء الفهم .
          ممكن طلب هو حضرتك عندك خلفية وكبيرة بالبيتلز كبيرة فممكن تساعدني في اني اشتري وحدة .
          ولك كجزيل الشكر
          عيونى لو فى حاجة قدامك ممكن نبص عليها سوا

          Comment


          • #20
            المشاركة الأصلية كتبت بواسطة reddragonmezo مشاهدة المشاركة
            نيجى بقى للموديل الكارثى الـ 1302 ده كان صناعة مكسيكى فى اواخر السبعينات وأوائل الثمانينات نيجى بقا للكارثة اللى فيه
            1- انه حاول يجمع بين الـ 1300 والـ 1303 بانه يلغى التابلوه الفبر بتاع الـ 1303 ويحط التابلوه العادى بتاع الـ 1300وكمان الزجاج الامامى بتاع الـ 1300 اما الكبوت ونظام التعليق والعفشة والرفارف والاكصدام فدول كانوا بتوع الـ 1303
            2- فى التعديل المريع ده غلطوا كذا غلطة اهمها ان العربية بقت بتخبط جامد فى المطبات (هتقلى ليه مع انها عفشة الـ 1303) هقلك عشان تقفيله الجزء الامامى (الزجاج البومبه + التابلوه البارز) كبر الجزء بتاع الربع الامامى عن الجزء بتاع الـ 1303 الاصلى فحصل الاتى
            العربية من قدام بقت عاليه تحس انك راكب طيارة وقت الاقلاع يعنى عالية من قدام ومش عايزة توطى وواطية قوى من ورا وده سبب عدم اتزان فى الملفات والسرعات العالية يعنى كارثى بالنسبة لى على الاقل

            كل قطع الغيار فى العربية دى موجودة ومتوفرة (صينى - برازيلى - والمانى قليل بس موجود) عدا زى ماقلنا عفشة الـ 1303
            معلش أنا اسف بس كلام حضرتك غلط .. ال 1302 أصلا نزلت ألماني .. ممكن يكون في منها تصنيع تاني .. بس معظم اللي في مصر ألماني .. و أنا عربيتي الماني.

            و على فكرة مافيهاش اي مشكلة من المشاكل اللي حضرتك قلتها .. هو اللي بيشتري و بيقارن بين 1300 و 1302 بيختار بين حاجتين .. سهولة صيانة الدنجل في ال 1300 و توافره بكثرة و في المقابل يستحمل العفشة الناشفة بتاعة ال 1300 .. أو نعومة العفشة في 1302 مع غلو قطع الغيار و خصوصا علبة الدركسيون.

            أنا شخصيا بفضل العفشة الناعمة لأن قطع الغيار معمرة جدا و مش طالبة وجع ضهر في المطبات.

            بالمناسبة كل قطع الغيار بتاعة ال 1302 موجودة جديدة و استيراد و أنا لسه مغير أجزاء كتير في العفشه و كل حاجه موجودة .. حتى علبة الدركسيون بالكامل موجودة .. ب 1800 جنية تقريبا.

            طبعا الدنجل كله في ال 1300 أرخص .. ب 800 جنية تقريبا.

            بالنسبة لصاحب الموضوع .. 10 الاف جنية ممكن يجيبوا بيتل 1300 معقولة .. انما 1302 مش هتلاقي حاجه كويسه بالسعر ده .. الا لو كان الموتور عاوز عمره و العفشة عاوزة تتغير .. طبعا ال 1303 النضيف اللي مش محتاج مصاريف بيبدأ من 20 ألف.

            انا كنت شاري عربيتي ب 14 ألف و عملت عمرة للموتور و العفشة دخلت في 4 الاف جنية.
            [CENTER][B]القران الكريم بجودة صوت عاليه جدا[/B]
            http://www.nilemotors.net/Nile/230790-a.html[/CENTER]

            Comment


            • #21
              ياريت حضرتك تقولى الـ 1302 بتاعة حضرتك موديل كام
              ثانيا حضرتك جربت الـ 1303 وملاقتش فرق فى العفشة
              العفشة اللى حضرتك جبتها جديدة دى جبتها منين عشان دى دوخة كبيرة
              معاك ان العفشة بتاعة الـ 1302 انعم من الـ 1300 بس فى حكاية ان عفشة الـ 1302 معمرة اكثر من عفشة 1300 اشك فيها كثر للصبح
              وحضرت بالمبلغ ده يبقى عملت نصف عمرة للماتور مش عمرة كاملة العمرة الكاملة الشاملة ممكن تدخل فى 6000 الاف جنيه بقطع غيار المانى وبرازيلى ومفيش اى حاجة صينى
              اسعار العفشة بتاعة الـ 1300 كالاتى
              مساعدين = 335
              بيض مقص اليمين والشمال = 220
              طقم بيض دركسيون = 370
              مساعد غربلة = 150
              دنجل استيراد فاضى = 1200
              ممكن انا معلوماتى فيها بعض القصور عن الموديلات الالمانى اللى نزلت مصر
              بس على حسب علمى اخير موديل نزل مصر المانى كان مو 73

              Comment


              • #22
                المشاركة الأصلية كتبت بواسطة reddragonmezo مشاهدة المشاركة
                اكيد انت بيتلزاوى قديم
                فعلا كنت دائما حريص علي وجودها بين عربياتي و مفيش صوت أجمل من هدير موتورها و كهربتها مضبوطه و الكاربيراتير نضيف و مغسول و مفيش اسوأ من أصوات الفرقعه و النار اللي ممكن تطلع من الشكمان لو البوجيهات اخدت رطوبه او الدنيا مطرت او العربيه اتغسلت و الميه جت علي الاسبراتير
                نصيحه اخيره لصاحب الموضوع : محتاج من حضرتك شويه صبر علشان تلاقي حاجه كويسه و لو كان في حاجه حالتها كويسه بس أغلي شويه خليك فيها و ابعد عن اللي فيها شغل كتير لان التصليح ممكن يفتح في الميزانيه و طبعا اللي يحدد الحاله يبقي ميكانيكي أمين و يستحسن يبقي اللي هتتعامل معاه بعد كده علشان يبقي مسئول عنها من اولها فيخللي باله و هو بيكشف كويس و بالتوفيق ان شاء الله

                Comment


                • #23
                  شكرا لادا.

                  Comment


                  • #24
                    المشاركة الأصلية كتبت بواسطة reddragonmezo مشاهدة المشاركة
                    ياريت حضرتك تقولى الـ 1302 بتاعة حضرتك موديل كام
                    ثانيا حضرتك جربت الـ 1303 وملاقتش فرق فى العفشة
                    العفشة اللى حضرتك جبتها جديدة دى جبتها منين عشان دى دوخة كبيرة
                    معاك ان العفشة بتاعة الـ 1302 انعم من الـ 1300 بس فى حكاية ان عفشة الـ 1302 معمرة اكثر من عفشة 1300 اشك فيها كثر للصبح
                    وحضرت بالمبلغ ده يبقى عملت نصف عمرة للماتور مش عمرة كاملة العمرة الكاملة الشاملة ممكن تدخل فى 6000 الاف جنيه بقطع غيار المانى وبرازيلى ومفيش اى حاجة صينى
                    اسعار العفشة بتاعة الـ 1300 كالاتى
                    مساعدين = 335
                    بيض مقص اليمين والشمال = 220
                    طقم بيض دركسيون = 370
                    مساعد غربلة = 150
                    دنجل استيراد فاضى = 1200
                    ممكن انا معلوماتى فيها بعض القصور عن الموديلات الالمانى اللى نزلت مصر
                    بس على حسب علمى اخير موديل نزل مصر المانى كان مو 73
                    كلام حضرتك مظبوط عمرة الموتور تتكلف حوالي من 3 الي 4 الاف جنية

                    و ياريت حد يفهم الراجل الطيب اللي عايز يشتري بيتلز ان عمرة الموتور مش مضمونة و لازم تكون عند واحد فاهم و الا هتبقي بترمي فلوسك في الارض و علشان كده معظم الناس بتفضل تجيب موتور استيراد بس للاسف المواتير النظيفة قليلة و اسعارها مبالغ فيها يعني مثلا :

                    1300 cc يعمل من 4 الي 4.5
                    1600 cc يعمل 5 الي 6 اللي هو تمن موتور بي ام استيراد

                    و ياريت ما حدش يفهمني غلط انا بحب البتلز جدا و كانت اول عربية اركبها بس لازم الواحد يكون حيادي و يقول اللي ليها و عليها .

                    و تحياتي للجميع
                    [SIGPIC][/SIGPIC]

                    Comment


                    • #25
                      السلام عليكم، موضوع جميل وشيق، ويسلم جميع من شارك فيه، انا كنت بفكر اشتري بيتلز، وبعد قراءة الموضوع استفدت كتير جدا، واعتقد ان موديل ان السيارة ١٣٠٠ مو ٧٠، بتكون مناسبة لتوافر قطع الغيار بسهولة.

                      لكن سؤالي هنا، هلى سواقة البيتلز ممتعة، لاني لم اجربها من قبل، وهل يمكن السفر بها لمسافات طويلة، مثلا ٣٠٠ كم.

                      تحياتي للجميع

                      Comment


                      • #26
                        المشاركة الأصلية كتبت بواسطة nasserexpress مشاهدة المشاركة
                        السلام عليكم، موضوع جميل وشيق، ويسلم جميع من شارك فيه، انا كنت بفكر اشتري بيتلز، وبعد قراءة الموضوع استفدت كتير جدا، واعتقد ان موديل ان السيارة ١٣٠٠ مو ٧٠، بتكون مناسبة لتوافر قطع الغيار بسهولة.

                        لكن سؤالي هنا، هلى سواقة البيتلز ممتعة، لاني لم اجربها من قبل، وهل يمكن السفر بها لمسافات طويلة، مثلا ٣٠٠ كم.

                        تحياتي للجميع
                        قيادة البيتلز مختلفة عن قيادة اى سيارة اخرى من حيث الاتى
                        1- وضعية القيادة ووضعية الدواسات
                        مكان كرسى القيادة وموضعه بالنسبة للزجاج الامامى وارتفاعة وبعدة عن الدواسات حتى مع اقصى ضبط لوضعية الكرسى الاصلى للسيارة
                        الدواسات كلها نقطة ارتكازها من الاسفل (من من الاعلى زى المتعارف عليه)ودى فى القيادة بتبقى متعبة شوية لان رجلك على الدواسات ليس لها نقطة ارتكاز عند كعب الرجل
                        2- عجلة القيادة
                        الدركسيون قريب جدا من اللى سايق
                        3- الفرامل
                        دواسة الفرامل ناشفة بسبب عدم وجود سيرفو فرامل بس قوة الفرامل للعربية عموما قوية بس دوستك على الفرامل هى اللى بتفرق
                        بالنسبة للسفر للمسافات الطويلة تستحمل السفر على حسب حالة الماتور
                        بالنسبة لى قدتها اكثر من 5 ساعات متواصلة على الطريق الزراعى من دمياط إلى القاهرة ومش عايز اوصفلك الطريق كان عامل ازاى بس كانت كفاءة والحمد لله
                        بالنسبة لقيادتها ممتعة ولا لأ
                        انا بستمتع بقيادتها اكثر من اى عربية جديدة

                        Comment


                        • #27
                          سوقتها ممتعة ؟؟

                          الاجابة بتفرق من شخص لاخر بسبب وضعية البدلالات المقلوبة و طبعا المناطق العمياء (الرفارف) هتعمل مشكلة لاي واحد جديد عليها.

                          بس انا شخصيا كنت بستمتع بيها و بصوت الصفارة المميزة ليها بس كان مشكلتي الوحيدة هي العفشة الناشفة.

                          تحياتي
                          [SIGPIC][/SIGPIC]

                          Comment


                          • #28
                            معلشى انت بالسعر ده ممكن تشوفلك ابيزا سيستم بورش بس هتضطر تزود على التمن ده شويه حوالى كام الف علشان تلاقيها حاله كويسه

                            ونصيحه ابعد عن ال 128 نهائيا وعلى فكره ال 128 بالسعر ده هتبقى مدمره وهتتعبك اوى وهى اصلا عربيه متعبه بطبيعتها شوف بقى لو انت اصلا جبتها تعبانه
                            [SIGPIC][/SIGPIC]Seat Ibiza
                            Audi Engine 5V
                            seat ibiza 94 tunning 2000
                            A.G
                            ادمن جروب Seat Egypt Lovers

                            Comment


                            • #29
                              شكرا للاخ العزيز
                              انت فعلا بتتكلم عن اختلاف واضح وجوهري في طريقة ووضعية القيادة، وانا اتمنى ان اجد الفرصة لتجربة قيادة السيارة قبل ان اقوم بشراءها. كي اجرب بنفسي طريقة ووضعية الدواسات وقرب الدركسيون من السائق خصوصا اني باحب اسوق واخلي الكرسي بعيد نوعا ما عن الدركسيون، وكمان عاوز اجرب نفسي ابعاد السيارة وبعد الزجاج عن السائق، والتحكم في السيارة.. التحية للجميع

                              Comment


                              • #30
                                المشاركة الأصلية كتبت بواسطة reddragonmezo مشاهدة المشاركة
                                قيادة البيتلز مختلفة عن قيادة اى سيارة اخرى من حيث الاتى
                                1- وضعية القيادة ووضعية الدواسات
                                مكان كرسى القيادة وموضعه بالنسبة للزجاج الامامى وارتفاعة وبعدة عن الدواسات حتى مع اقصى ضبط لوضعية الكرسى الاصلى للسيارة
                                الدواسات كلها نقطة ارتكازها من الاسفل (من من الاعلى زى المتعارف عليه)ودى فى القيادة بتبقى متعبة شوية لان رجلك على الدواسات ليس لها نقطة ارتكاز عند كعب الرجل
                                2- عجلة القيادة
                                الدركسيون قريب جدا من اللى سايق
                                3- الفرامل
                                دواسة الفرامل ناشفة بسبب عدم وجود سيرفو فرامل بس قوة الفرامل للعربية عموما قوية بس دوستك على الفرامل هى اللى بتفرق
                                بالنسبة للسفر للمسافات الطويلة تستحمل السفر على حسب حالة الماتور
                                بالنسبة لى قدتها اكثر من 5 ساعات متواصلة على الطريق الزراعى من دمياط إلى القاهرة ومش عايز اوصفلك الطريق كان عامل ازاى بس كانت كفاءة والحمد لله
                                بالنسبة لقيادتها ممتعة ولا لأ
                                انا بستمتع بقيادتها اكثر من اى عربية جديدة




                                شكرا للاخ العزيز
                                انت فعلا بتتكلم عن اختلاف واضح وجوهري في طريقة ووضعية القيادة، وانا اتمنى ان اجد الفرصة لتجربة قيادة السيارة قبل ان اقوم بشراءها. كي اجرب بنفسي طريقة ووضعية الدواسات وقرب الدركسيون من السائق خصوصا اني باحب اسوق واخلي الكرسي بعيد نوعا ما عن الدركسيون، وكمان عاوز اجرب نفسي ابعاد السيارة وبعد الزجاج عن السائق، والتحكم في السيارة.. التحية للجميع

                                Comment

                                Working...
                                X