إعـــــــلان

Collapse

.

,
See more
See less

أستشاره لتسعير بولو 1999 سريعا ارجوكم

Collapse
X
 
  • Filter
  • الوقت
  • Show
Clear All
new posts

  • أستشاره لتسعير بولو 1999 سريعا ارجوكم

    السلام عليكم ... فى امامى اتنين بولو 1999 ... 1000 سى سى ... الاتنين عاملين حوالى 130,000 كيلو واحده إلا و واحده وى
    واحده التكيف بيشتغل و بيفصل لوحده وصاحبها بيقول ان ده فيوز عايز يتغير و فى كسر فى الفيرام بتاع التابلو هو هيعمله عموله عشان قالولو ملهاش قطع غيار ولازم يغير التابلو كله ... الكوتش نص عمر ... عايزه بليه شمال و ديسك دبرياج ..... فى حاجه فى الكهربا تقريبا عايزه تتظبط ....قافش فى السعر على 38

    العربيه التانيه البربريز مشرخ و هو لازقو ... الموتور مفتح لانه بيجرى .... التكييف ضعيف بردو .... راشش الرفارف رشه وحشه درجه اللون مختلفه وعياله بيلعبو فيها شويه :)
    ووافق على 37 ... ايه رايكو طبعا انا عجبانى السودا الاولى بس محتاره عشان التانيه عملها سيرفيس

    فإيه رايكو الله يكرمكو سريعا

  • #2
    اسفه نسيت أذكر ان الاتنين زجاج عادى بدون كهربا و هاف باور و التكييف ضعيف
    لسه مكشفتش بس الحاله العامه كويسه

    واحده أقاليم وانا فى القاهره بس صاحبها نزل بيها القاهره و عملها سيرفيس .. تانى ىد و مستخدمه شويه دى على 37 الف
    والتانيه جيزه عايزه سرفيس و ظبط كهربا و بلى امام شمال زى ما قال و كوتش دى على 38 الف
    ايه رايكو لحسن انا محتاسه خالص لو ممكن حد يقولى أكشف فين كزيس ياريت انا من مصر الجديده يعنى جسرالسويس اقرب حاجه فى حاجات العربيه

    Comment


    • #3
      للاستفاده تقريبا نفس الموضوع هنا http://www.nilemotors.net/Nile/36337...post3875047864

      Comment


      • #4
        غاليه جداااااااا واحد صاحبى شارى بولو 98 كامله بسم الله ماشاء الله عليها وكمان موتور 1400 ب 35
        العربيه تكييف مش شغال يبقى تخصمى سعر التكييف كلو لانه لو حاجه بسيطه كان صلحو هو كاوتش يعنى حوالى 300 او 350 الفرده بليه واسطوانه وديسك ب 650 و 150 تركيب
        وانا كنت شارى عربيتى ب 33 بس 1300 وفيها باور وجنوط بس كانت حاله ( طبعا قبل ما اطلع عين اللى اشتراها اللى هو انا عشان انا جديد )
        اصبرى شويه وسيبك من التجار ومتستعجليش لان العربيات فيها حوااااااراااااات كتير
        وقاعده اساسيه وانتى بتشترى تشوفى الرخصه باسم المالك ولا لأ ولو باسمه شوفيها من فتره ولا لسه مغيرها لو من فتره يبقى كويس لو لسه مغيرها ممكن يكون برضو تاجر بس بيفهم
        وبرضو استنى راى الافاضل هنا متستعجليييييييييييييييييييييييييش

        Comment


        • #5
          على حالة السيارة كده السعر غالى جدا

          Comment


          • #6
            المشاركة الأصلية كتبت بواسطة hamada_elzayat مشاهدة المشاركة
            غاليه جداااااااا واحد صاحبى شارى بولو 98 كامله بسم الله ماشاء الله عليها وكمان موتور 1400 ب 35
            العربيه تكييف مش شغال يبقى تخصمى سعر التكييف كلو لانه لو حاجه بسيطه كان صلحو هو كاوتش يعنى حوالى 300 او 350 الفرده بليه واسطوانه وديسك ب 650 و 150 تركيب
            وانا كنت شارى عربيتى ب 33 بس 1300 وفيها باور وجنوط بس كانت حاله ( طبعا قبل ما اطلع عين اللى اشتراها اللى هو انا عشان انا جديد )
            اصبرى شويه وسيبك من التجار ومتستعجليش لان العربيات فيها حوااااااراااااات كتير
            وقاعده اساسيه وانتى بتشترى تشوفى الرخصه باسم المالك ولا لأ ولو باسمه شوفيها من فتره ولا لسه مغيرها لو من فتره يبقى كويس لو لسه مغيرها ممكن يكون برضو تاجر بس بيفهم
            وبرضو استنى راى الافاضل هنا متستعجليييييييييييييييييييييييييش
            ربنا يكرمك أخى hamada_elzayat جزاك الله خير الجزاء مش هتصدق لو قولتلك أنى بقالى 6 شهور بنزل أتفرج على عربيات من يناير اللى فات شوفت فيات اونو 2006 و بونتو 2000... سوزوكى التو 2006 و 2007 سويفت 93 و 92.. رينو كليو 2000 و 2001 و 2002 و 2003 ميجان 2002 ... أوبل كورسا هاتشباك 99 و سيدان 2005 كان فيها بارومه فى السقف بشع و صاحبها كان ماسك فى 40 الف شوفت هوندا سيفيك 91 وكانت عايزه حاجات كتير و صاحبها ماسك فى 37 الف
            شوفت لادا 2107 مو 2004 - فيات تيبو هيونداى إكسيل 96 بولو 97 و اتنين 99 و التالته هشوفها بكرة إن شاء الله لو كان لينا عمر
            ده اللى انا فاكره واللهى وكل مره مصاريف و أخويا وبنتى معايا و ممكن أوصل لمرحله الرفع و الكشف لدرجه ان بقى نفسى البس فى أى عربيه حتى لو وحشه بس معرفش قبلها .........
            المهم انا لم أيئس من رحمه ربى أنو يرحمنى انا و بنتى من التوكوسه فى يوم
            أسفه طولت عليك
            ربنا يجازيك خيرا"

            Comment


            • #7
              المشاركة الأصلية كتبت بواسطة yahiaashraf مشاهدة المشاركة
              على حالة السيارة كده السعر غالى جدا

              عندك حق الحمد لله شكرا جزيلا أخى الكريم وجزاك الله خيرا

              Comment


              • #8
                بصى حقولك على طريقه توفرى بيها المصاريف شويع عشان انا كنت لما اروح اتفرج على عربيه لازم اخدها واروح للميكانيكى بتاعى ( ده لو البايع موافق ييجى لو مش موافق بصرف نظر على طول ) وطبعا كل مره بروح لاااااازم ادفع وفى الاخر يا اما العربيه يطلع فيها حاجه يا اما منتفقش على السعر
                احسن طريقه تروحى تشوفى العربيه انتى واخوكى الاول وتقيمى العربيه من تجاربك ومن خلال نظرتك وقوليلو على السعر بتاعك واشرطى عليه ان يكون السعر ده على اساس العربيه مش محتاجه مصروف ولو الميكانيكى قال حاجه حتتخصم لو العربيه تمام البايع حيوافق لو تاجر يبقى حيخلع منك وده مصلحه وكده يبقى وفر علينا فلوس وبهدله
                بالنسبه للعربيات اللى انتى شوفتيها الاونو والبونتو والالتو مع الاختلاف بينهم لكن عربيات كويسه مقارنه بالسعر والاداء البونتو افضلهم لكن قطع غيار اغلى بمراحل الاونو والالتو موفرين جدا وقطع غيارهم كويسه جدا وانا ميال للالتو لو موديل عالى ابعدى عن السويفت قديمه ومفيش عربيه حالتها حلوه وكلها متهانه وقطع غيار نادره مع انك حتلاقى سعرها واقع يعنى ممكن تجيبيها ب 20 بس ابعدى احسن مدام معاكى تجيبى الاعلى الرينو كويس بس صيانه غاليه وقطع غيار اغلى بس افضلهم الكليو الهوندا سيفك جباااااااااااااااره ومريييييييييييييحه والدنيا بتاعتها حلوه لكن ملهاش صيانه وقطع غيار نادره فى اسكندريه معرفش ايه ظروفها فى القاهره وخلى بالك الكامله الاوتو مش غاليه يعنى ممكن كامله وحاله نضيفه جدااااااااا بحاجه وتلاتين حسب اللى هو عاملو فيها انتى بنت فابعدى عن اللادا وقرفها البولو ( النضيفه ) من الاختيارات الرائعه
                طولت عليكى بس ربنا يكرمك بحاجه كويسه

                Comment


                • #9
                  المشاركة الأصلية كتبت بواسطة engwalaa مشاهدة المشاركة
                  السلام عليكم ... فى امامى اتنين بولو 1999 ... 1000 سى سى ... الاتنين عاملين حوالى 130,000 كيلو واحده إلا و واحده وى

                  وعليكم السلام ورحمة الله وبركاته
                  في البداية أحب أرحب بيك في قسم فولكس نايل موتورز

                  قبل اي حاجة
                  مش مهم خالص عداد الكيلومتر
                  لسببين
                  1- احتمال كبير تكون مش قراية حقيقية (لكون العداد متغير - بفرض حسن الظن)
                  2- العربيات دي اهم حاجة الحالة حتي لو تخطت ال300.000 كم

                  واحده التكيف بيشتغل و بيفصل لوحده وصاحبها بيقول ان ده فيوز عايز يتغير و فى كسر فى الفيرام بتاع التابلو هو هيعمله عموله عشان قالولو ملهاش قطع غيار ولازم يغير التابلو كله ... الكوتش نص عمر ... عايزه بليه شمال و ديسك دبرياج ..... فى حاجه فى الكهربا تقريبا عايزه تتظبط ....قافش فى السعر على 38

                  التكييف - عطلان علي فيوز ب1 جنيه ؟؟؟!!!
                  الكسر في الفريم دة عندنا كلنا - وللأسف تغييره بيتكلف 400 ج
                  الكاوتش نص عمر !!!!
                  من غير ما اكمل - غااااااااااااااالية جداً
                  وصاحبها مش صريح واشك في صدق كلامه
                  فيوز ايه اللي معطل التكييف ؟؟؟؟؟؟؟؟؟؟؟؟؟؟؟؟
                  ثانياً العربيات دي ما ينفعش يبقي فيها مشاكل في الكهرباء - لازم تتظبط وإلا هتكرهي العربية

                  العربيه التانيه البربريز مشرخ و هو لازقو ... الموتور مفتح لانه بيجرى .... التكييف ضعيف بردو .... راشش الرفارف رشه وحشه درجه اللون مختلفه وعياله بيلعبو فيها شويه :)
                  ووافق على 37 ... ايه رايكو طبعا انا عجبانى السودا الاولى بس محتاره عشان التانيه عملها سيرفيس

                  فإيه رايكو الله يكرمكو سريعا
                  البربريز مش قضية وثمنه في حدود 380 - يتخصموا عادي
                  مفيش حاجة اسمها موتور مفتح ومقفل - دي انجيكشن - يعني مفيش قصة مفتح وبيجري والكلام دة
                  تكييف ضعيف - ليها عدة اسباب
                  1- فلاتر
                  2- سربنتينة
                  3- فريون مغشوش
                  4- عزل الصالون
                  5- الفريش اير

                  37 غالية بردو - بس تعتبر حالتها أفضل من الأولي
                  علي الأقل تكييف شغال ومش محتاجة اسطوانة وديسك وينقصها شوية بوية وخلاص

                  في رأيي الثانية تبقي كويسة لو خلصت علي 33 او بالكتير 34500 بشرط يغير الزجاج الأمامي ويعملك الرفرف ويشغلك التكييف بما يرضي الله

                  تحياتي
                  [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                  [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                  [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                  [CENTER]
                  [COLOR=DarkRed]صفحة القسم علي الفيس بوك[/COLOR]
                  [/CENTER]
                  [CENTER][URL]http://www.facebook.com/SeatNileMotors[/URL]

                  [COLOR=Navy]صفحتي الشخصية
                  [url]https://www.facebook.com/ITNetworksWay[/url]
                  [/COLOR] [/CENTER]

                  Comment


                  • #10
                    المشاركة الأصلية كتبت بواسطة engwalaa مشاهدة المشاركة
                    اسفه نسيت أذكر ان الاتنين زجاج عادى بدون كهربا و هاف باور و التكييف ضعيف
                    لسه مكشفتش بس الحاله العامه كويسه

                    واحده أقاليم وانا فى القاهره بس صاحبها نزل بيها القاهره و عملها سيرفيس .. تانى ىد و مستخدمه شويه دى على 37 الف
                    والتانيه جيزه عايزه سرفيس و ظبط كهربا و بلى امام شمال زى ما قال و كوتش دى على 38 الف
                    ايه رايكو لحسن انا محتاسه خالص لو ممكن حد يقولى أكشف فين كزيس ياريت انا من مصر الجديده يعنى جسرالسويس اقرب حاجه فى حاجات العربيه
                    يا فندم الأثنين بصراحة مش نافعين
                    الأولي بتاعة الأقاليم دي - أشك بنسبة 1000% انه تاجر - وحضرتك تقدري تتأكدي من دي بمنتهي السهولة - وبالتالي حرام تدفعي المبلغ دة كله وهو تلاقيه مخلصها علي 28
                    والثانية غالية مووووووت علي 38 والشغل اللي فيها - خليها تخلل عنده

                    انصحك دوري مرة تانية
                    وياريت تقوليلنا ايه الغرض من العربية ؟؟؟ السفر والعائلة ولا مجرد الdaily use في وسط البلد ؟؟؟

                    تحياتي
                    [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                    [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                    [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                    [CENTER]
                    [COLOR=DarkRed]صفحة القسم علي الفيس بوك[/COLOR]
                    [/CENTER]
                    [CENTER][URL]http://www.facebook.com/SeatNileMotors[/URL]

                    [COLOR=Navy]صفحتي الشخصية
                    [url]https://www.facebook.com/ITNetworksWay[/url]
                    [/COLOR] [/CENTER]

                    Comment


                    • #11
                      حدث امامى من 4 شهور
                      واحد اشترى بولو 97 من جار على 28 الف
                      بس دى كان شاب بيشترى من شاب ولا تجار ولا سوق

                      Comment


                      • #12
                        المشاركة الأصلية كتبت بواسطة hamada_elzayat مشاهدة المشاركة
                        بصى حقولك على طريقه توفرى بيها المصاريف شويع عشان انا كنت لما اروح اتفرج على عربيه لازم اخدها واروح للميكانيكى بتاعى ( ده لو البايع موافق ييجى لو مش موافق بصرف نظر على طول ) وطبعا كل مره بروح لاااااازم ادفع وفى الاخر يا اما العربيه يطلع فيها حاجه يا اما منتفقش على السعر
                        احسن طريقه تروحى تشوفى العربيه انتى واخوكى الاول وتقيمى العربيه من تجاربك ومن خلال نظرتك وقوليلو على السعر بتاعك واشرطى عليه ان يكون السعر ده على اساس العربيه مش محتاجه مصروف ولو الميكانيكى قال حاجه حتتخصم لو العربيه تمام البايع حيوافق لو تاجر يبقى حيخلع منك وده مصلحه وكده يبقى وفر علينا فلوس وبهدله
                        بالنسبه للعربيات اللى انتى شوفتيها الاونو والبونتو والالتو مع الاختلاف بينهم لكن عربيات كويسه مقارنه بالسعر والاداء البونتو افضلهم لكن قطع غيار اغلى بمراحل الاونو والالتو موفرين جدا وقطع غيارهم كويسه جدا وانا ميال للالتو لو موديل عالى ابعدى عن السويفت قديمه ومفيش عربيه حالتها حلوه وكلها متهانه وقطع غيار نادره مع انك حتلاقى سعرها واقع يعنى ممكن تجيبيها ب 20 بس ابعدى احسن مدام معاكى تجيبى الاعلى الرينو كويس بس صيانه غاليه وقطع غيار اغلى بس افضلهم الكليو الهوندا سيفك جباااااااااااااااره ومريييييييييييييحه والدنيا بتاعتها حلوه لكن ملهاش صيانه وقطع غيار نادره فى اسكندريه معرفش ايه ظروفها فى القاهره وخلى بالك الكامله الاوتو مش غاليه يعنى ممكن كامله وحاله نضيفه جدااااااااا بحاجه وتلاتين حسب اللى هو عاملو فيها انتى بنت فابعدى عن اللادا وقرفها البولو ( النضيفه ) من الاختيارات الرائعه
                        طولت عليكى بس ربنا يكرمك بحاجه كويسه
                        ربنا يجازيك كل خير أخى hamada_elzayat حاساك موسوعه D: ماساء الله ... اليومين اللى فاتو اتشغلت شويه بس نزلت شوفت واحده دايهاتسو ميرا 2000 انا و أخويا كما ذكرت حضرتك بس كان حاطط ستيكرز كتير و حركات والموتور مرشح و يقولى عادى الموتور مرشح عادى ... صرفنا نظر عنها

                        فى واحده فورد فيستا مو 98 1300 سى سى تكييف و بور و بها موتور جديد عامل 21 ألف كيلو وكاوتش يعتبر جديد ... بسمع عن قطع غيارها الغاليه بس عايزه أتأكد لانها نضيفه وسعرها كمان حلو بدأ ب30 بس بتهيألى تخلص أقل و احد او اتنين ..... صاحب العربيه قالى على ثلاث محلات فى شارع دمشق مستنيا أخويا يفضى وننزل نسأل و نكلمه ويااااااااااااااااااااااااارب .... أسفه على الأطاله

                        شكرا جزيلا لك وجزاك الله خير الجزاء على نصائحك

                        Comment


                        • #13
                          المشاركة الأصلية كتبت بواسطة syd مشاهدة المشاركة
                          يا فندم الأثنين بصراحة مش نافعين
                          الأولي بتاعة الأقاليم دي - أشك بنسبة 1000% انه تاجر - وحضرتك تقدري تتأكدي من دي بمنتهي السهولة - وبالتالي حرام تدفعي المبلغ دة كله وهو تلاقيه مخلصها علي 28
                          والثانية غالية مووووووت علي 38 والشغل اللي فيها - خليها تخلل عنده

                          انصحك دوري مرة تانية
                          وياريت تقوليلنا ايه الغرض من العربية ؟؟؟ السفر والعائلة ولا مجرد الdaily use في وسط البلد ؟؟؟

                          تحياتي
                          والله كلام حضرتك صحيح وجزاك الله خيرا عل ذوقك ونصايحك ....
                          الغرض من العربيه مشاوير داخل البلد و صراحه جالى شغل بالتجمع وعشان الحق ميعاد باص بنتى لازم أستخدم عربيه و مستناش الباص بتاعى فعشان كده انا متسربعه شويه عشان قبل بدايه السنه اللى جايه اكون أتعلمت سواقه
                          شكرا جزيلا لمشاركتك

                          Comment


                          • #14
                            المشاركة الأصلية كتبت بواسطة engwalaa مشاهدة المشاركة
                            والله كلام حضرتك صحيح وجزاك الله خيرا عل ذوقك ونصايحك ....
                            الغرض من العربيه مشاوير داخل البلد و صراحه جالى شغل بالتجمع وعشان الحق ميعاد باص بنتى لازم أستخدم عربيه و مستناش الباص بتاعى فعشان كده انا متسربعه شويه عشان قبل بدايه السنه اللى جايه اكون أتعلمت سواقه
                            شكرا جزيلا لمشاركتك
                            طالما حضرتك الهدف من العربية الأستخدام اليومي - يبقي حضرتك عايزة عربية اعتمادية (قليلة الأعطال + سهولة صيانة ووفرة قطع غيار + تكاليف تشغيل مش كتير من حيث استهلاك واسعار قطع غيار)
                            +
                            عربية city car عشان الركن وخلافه

                            انصحك بشدة تدوري في الرينج دة
                            1- بولو (97-99)
                            2- ابيزا (98-99)
                            3- فيات سينا 1.4 (2000-2004)

                            كان نفسي اقولك بونتو 97-2000 بس للأسف العربية دي بالزات قطع غيار غالية ومش اعتمادية (كثيرة الأعطال لأن الميكانيكية بهدلوها)

                            ربنا يوفقك لما فيه الخير

                            تحياتي
                            [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                            [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                            [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                            [CENTER]
                            [COLOR=DarkRed]صفحة القسم علي الفيس بوك[/COLOR]
                            [/CENTER]
                            [CENTER][URL]http://www.facebook.com/SeatNileMotors[/URL]

                            [COLOR=Navy]صفحتي الشخصية
                            [url]https://www.facebook.com/ITNetworksWay[/url]
                            [/COLOR] [/CENTER]

                            Comment


                            • #15
                              المشاركة الأصلية كتبت بواسطة su35flanker مشاهدة المشاركة
                              حدث امامى من 4 شهور
                              واحد اشترى بولو 97 من جار على 28 الف
                              بس دى كان شاب بيشترى من شاب ولا تجار ولا سوق
                              افتكرت كلمه لوحده صحبتى مجتمع ذكورى :)
                              أسألك الدعاء

                              Comment

                              Working...
                              X