فولكس بولو 1995 نص انجكشن ؟

[karem_sh007]

[overline][overline]

السلام عليكم ورحمة الله وبركاته

السادة الافاضل
عندي استفسار يهمني جدا جدا اعرف اجابته

عندي سيارة فولكس بولو 1995

هل انجكشن كامل
ام نص انجكشن

نقول تانى

هيا انجكشن كامل فيها شريحة ولا مالهاش شريحة

لو هيا نص انجكشن يبقي ينفع معاها بنزين 80 ولو هيا انجكشن يبقي عايزة 90


الرجاء الافادة وشكرا

[/overline][/overline]

[SYD]

االفيصل ليس اسلوب التغذية
الفيصل هو نسبة انضغاط المحرك

عموما معظم محركات فولكس تعمل بحد ادني 90 اوكتين

يمكنك التعرف علي المزيد من خلال الرابط التالي

http://www.nilemotors.net/Nile/307027-93-98-a.html#post3874508265

تحياتي

[karem_sh007]

شاكر لاهتمام حضرتك .. بس بعيدا عن موضوع البنزين عند حضرتك معلومة ان كانت شريحة ولا بدون ؟؟

[windofchange]

ممكن تجيب كود الموتور للافادة؟ وهو مكون من 3 حروف capital زي كده aee or aex or abf وهكذا

[karem_sh007]

دة بيكون موجود فين ف الموتور .. عموما هوه 1300

لكن هاشوف موضوع كود الموتور دة اكيد ان شاء الله

[hamada_elzayat]

غاااااالبا كود موتورك حيبقى زى بتاعى لو هو العمه بتاعته فضى من فوق يبقى الكود adx

[hamada_elzayat]

وفى كود تانى هو aav بس ده اقدم شويه ومعظمه فى الابيزا ال 94

[ra3d]

باشا انا معاية بولو 1998 1000 cc مكتوب في التانك من 91-95 فابلاش ال 80 خالص و هي تعتبر انجكشن عشان فيها رشاشات

[nesr6060]

انا معايا ابيزا 94 والموتور بتاعها هاف انجيكشن كنت عامل زيك كدا بس الموتور الله يرحمه بعد ما باظ عرفت هقولك تعرف ازاى

فك العمه لو لاقيت عندك مسطره تحت العمه وفوق البوجيهات كدا ليها مكان ومتوصل ليها سلوك وطالع منها فيشه راكبه فى بوابهه الكربراتير ده يبقى هاف انجيكشن
واعتقد ال 1300 سىسى مش انجيكشن بس ممكن تبقى هاف
انا الكود اللى عندى avv والمفروض انه كود كربراتير بس هى اهف مش كربراتير

ولو دخلت لقسم الاسيات هتلاقينىى منزل صور للموتور وانا بسال عن الفيش بتاعته لزمتها ايه وفى الاخر طلعت الحاجات دى بتاعه الهاف انجيكشن والحمد اله الموتور جاب اخره معايا

[hamada_elzayat]

من غير ما يفك العمه او اى حاجه هو منزلش 1300 غير كودين aav او adx
لو غطا التاكيهات لونه فضى يبقى adx
لو غطا التاكيهات اسود يبقى aav

[tiger]

السلام عليكم اخوانى فى الله حبيت بس اقول معلومة بخصوص الانجيكشن والنص انجيكشن اولا مفيش حاجة اسمها نص انجيكشن دية خالص .... امال اسمة اية .... اسمة حقن الكترونى متعدد النقاط الى هوة فى على كل بستم رشاش خاص بية ودة الى بيتقال علية الانجيكشن وفى حقن الكترونى مركزى الى هوة شبة الكربيراتير كدة دة حقن الكترونى بردة بس دة مركزى ازاى ان كل البساتم بتاخد البنزين من رشاش واحد فقط موجود فى الكربراتير فوق والنوع دة من الحقن الالكترونى لية بردة كنترول وحساسات زى الحقن المتعدد النقاط بالظبت . اللهم زدنا علما جميعا من فضلك وانفع به عبادك