بعض الصور التى اعجبتنى

[ihab]

صورة للسيارة الببيتلز

[gamil55]

برافو :

[Karim_Monir]

جميلة قوي الصور دي
تسلم الايادي
انا من عشاق البتلز

كريم منير
مالك 3 بيتلز ورا بعض قبل ما احتاج عربية مكيفة
ولو حد عنه بيتلز 1303 مكيفة يقولي وبحالة نضيفة بس وانا اشتريها فورا

[MOHAMED ABD EL SHAFY]

يا استاذ كريم منير
كنت عاوز اعرف حاجة
انت بتقوول انك ركبيت 3 سيارات بيتلز ورا بعض فهل هذا له علاقة بالحالة المادية ولا انت كنت غاوى بهدله وخلاص
من رااى الشخصى ان السيارات القديمة ليس لها اى فائدة غيير ان سعرها رخييص
يعنى مثلا لو قدامك بيتلز ونفرض انها شاذة وصاحبها هيبعها بثمن عربية دايو هتجبها ولا هتجييب دايو ؟؟؟؟؟؟
على فكرة انا كان معايا 128 لفترة ونقلت خطوة للامام ل فليشيا ومستنى ان ربنا يكرمنى وهحاول اعلى السيارة
فعلا كل ما تعلى بالسيارة تريحك فى القيادة والمتعة
يعنى مثلا البيتلز دى هتجرى بيك لسرعات عالية فى السفر مثلا 150 كم
ولا مش هتحس بخبطات المطبات
ولا مش هتسمع صوت الموتور
ولا هتلف زى النحلة على قطع الغيار
ولا هتستمتع بالوسع او بالتكييف او بالكاسيت او بالكرسى المريح
على فكرة انا مش بهاجمك لا سمح الله
انا عاوز اعرف ايه الفلسفة ورا بعض الناس يحبوا السيارات القديمة مع امكانهم ركوب المرسيدس مثلا
انا اعرف 3 زملاء يركبون 127 على الرغم انهم ممكن يركبوا اعلى السيارات الزيرو مثل الكورولا والنيسان وهكذا
مش قادر افهم!!!!!!!!!!!!! :roll:

[ihab]

بص هو بالنسبة للبيتلز بالذات اللى ماجربهاش ما يقدرش يحكم عليها
و اللى ركبها مش ممكن يسيبها انما ممكن يجيب معاها عربية تانية

[sokasoon]

الصور جميلة

بس ماتلاقيش منها كتير دلوقت نادر لما اكون ماشى والاقى عربيتة بيتلز

[elmasri]

بص ياسيدي الفاضل انا مش لاقي تفسير لاي واحد يقتني سيارة قديمة فات عليها عشرين سنة ويقول فيها اشعار الا اذا الحالة المادية تكون وراء الكلام دة .انا مثلا كنت مش متربي واشتريت اول سيارة لي وكانت128 وربيني تماما وعلمتني الادب يعني من ضمن المواقف العجيبة كنت مثلا انزل السوق لشراء متطلباتي من اكل ولبس و .. وتتعطل مني في الطريق فاصلحها بفلوس الاكل اللي نازل اشتريه بيها و مرة اخر كنت بازف واحد صديقي بيها وعملتها معايا والعريس نزل يزق
واللة العظيم كل دة حصل معايا وفاتت الايام والسيارات اتغيرت معايا بس عندي عقدة من ال128 لدرجة انها لو مقفلة امام سيارتي في الجراج ومع السايس مفتحاها ارفض ان اسوقها .واللة واللة واللة لما باشوفها جنبي في الطريق بابقي عاوز اتخاتق مع اللي سايقها

[أبوسيف]

.واللة واللة واللة لما باشوفها جنبي في الطريق بابقي عاوز اتخاتق مع اللي سايقها

أوعى تعمل كدة لحسن احنا اصلا بنبقى مخنوقين من نفسنا وما بنصدق حد ينكشنا علشان نطلع زهقنا عليه ، أنا بهزر معاك طبعا :lol: :lol:
أنا معاك فعلا ان العربية مشاكلها كتير بس اللى انت قلته وارد انه يحصل فى أى عربية مش فى ال 128 بس، بس انت حظك جه مع ال 128 وعلشان كدة انت مخنوق منها وانا معاك ان لو الواحد إمكانياته تسمح لازم يجيب حاجة كويسة علشان يتجنب البهدلة ، لكن فى نفس الوقت هى حل كويس للى إمكانياته محدودة وعلى الأقل احسن من بهدلة المواصلات وتناكة سواقين التاكسى.
ادعيلى ربنا يسهل وأخلص من ال 128 انا كمان وأجيب الزيرو :)

[elmasri]

شوف يا اخ ابوسيف كلامك صح ولو بصيت للموضوع من بعيد او من قريب هاتلاقي ان الموديل دة من السيارات مستمر معانا من السبعينات الي الان ونفس الموديل لايتغير وربنة يدينا ويديلك طولة العمر في سنة 2050 هاتلاقيها موجودة برضة بنفس الشكل
مع العلم ان خط انتاجها توقف من زمان في بلدها الاصلي (ايطاليا) حتي الدول الشرقية توقفت من انتجها من زمان فلماذا استمراراها
في مصر بالشكل دة هل نحن عارفين سر فيها اصحابها الاصل مش عارفينة ام نغمة(قطع الغيار عند البقال)هي اللي بنصدقها مع العلم قطع غيار جميع السيارات اصبحت متقاربة عموما ربنة يتقيك من شرها وتغيرها للزيرو(بس ماتكونش 128 برضة)
وهناك مثل انجليزي مشهور وهو(سيارة الفقير هي الزيرو) طبعا لانة مش هايصرف عليها

[srogy]

معليش الصور مش باينه عندى
ايه السبب

[ahmed azab]

ولا انا الصور مش بينا عندي انا بركب فولكس بقالي فترةة طويلة انا راي انها افضل سيارة في فئتها من حيث اقتصاديات تشغيل او خدمة شاقة

[ahmed azab]

[ahmed azab]

قبل

[ahmed azab]

:lol:

[BASHAR]

برافو :

+1