جيتا 2006 او 2007..........ارجو المساعدة

[ahmedhassan92]

السلام عليكم و رحمة الله و بركاته
انا نويت اشترى عربية فى حدود ال95000 جنيه
و فى دلوقتى عربيتين :
جيتا 2006 عداد 117000 كيلومتر هاى لاين رشة بالكامل و صيانة مش فى التوكيل مطلوب 100000 و فى كلام فى السعر
جيتا 2007 عداد 110000 كيلومتر بيز لاين رشة حزام و صيانة فى التوكيل مطلوب 100000 و فى كلام فى السعر
عايز اعرف ايهما افضل و ايه النهائى فى السعر بالنسبة للاتنين
و يا ريت لو فى حد من الملاك للسيارتين يقولى ايه العيوب و ايه اللى اخلى بالى منه وقت الشراء

[ahmedhassan92]

و يا ريت يا جماعه نزود كمان جيتا 2009 بيز لاين و عداد 133000 و صيانة بره التوكيل و المطلوب 105000 و بردو لسه السعر بعد العاينه

[adel_2346]

الكيلومتر عالى اوى فى 3
بس افضلهم من حيث الصيانه والكيلومتر 2007

[blazer]

حاول تجيب عربيه 2010 عشان متكونش قدمت لان العربيه فعلا بتتأثر بلسنين الى مشيتها فى شوارع بلدنا حتى لو زودت شويه عن المبلغ الى معاك

[ahmedhassan92]

و الله انا كده حاطط كل اللى ورايا و اللى قدامى عشان كان معايا سيفيك 2007 و عملت حادثة فهو اللى باقيلى و اقدر احطه فى عربية بس هو كدة الافضل ال 2007 كمجمل

[TOOLA]

الكشف الهيحدد, العداد بيتلعب فيه عادى, بس من وصفك 2007 افضلهم, من حيث العداد و الرش.

و اخيرا اهم حاجة تكشف على الفتيس. و ابتعد عن 2009 لو كانت الفتيس الجديد ال 7 سرعات. حاول تكشف عند هانى سمير فى الاربعين

[ahmedhassan92]

متشكر لردودكم جدا بس انا صرفت النظر عن ال3 عربيات خلاص
و فى قدامى باسات 2006 مانيوال فابريقة عدا جانب واحد و بيز لاين + جنوط اسبور من التوكيل و صيانة توكيل و عداد 100000 كيلومتر دى كدا كويسة ولا بلاش منها

[ahmedmaklad]

بص يا باشا
انا احتمال كبير جدا جدا اسافر اخر الشهر لاني زهقت من البلد دي
الكلام الاكيد هيبان يوم على يوم 10 اغسطس
هبيع عربيتي هي جيتا 2007 عاملة حوالي 98300 كيلو تقدر تشوف مواضيعي
حالتها ممتازة هي اصلا جنوط 16 بس صاحبها كان مغيره جنوط 17 كاوتش بيريللي يعني من 20 الف كيلو هي الفئة التانية وكيل تكييف تاتش و شيفتات في الدريكسيون و مالتي فانكشن و الشاشة الكبيرة في التابلوه
كمبوسور تكييف لسة جديد بقاله كام شهر
بطارية فارتا من 10 ايام
العفشة الامامية كلها متغيرة من كام شهر
فابريقة ما عدا جزء من الباب اللي ورا عشان كان محكوك مش مخبوط و محكوك تاني شوية دلوقتي
العربية الحمد لله ممتازة
الصالون نضيف الحمد لله ماعدا الدريكسيون مقشر شوية و زرار الزجاج برده
السعر نهائي بجد 105 من غير اي فصال نهائئـــــــــــــــــــــــــي

[ahmedhassan92]

بص يا باشا
انا احتمال كبير جدا جدا اسافر اخر الشهر لاني زهقت من البلد دي
الكلام الاكيد هيبان يوم على يوم 10 اغسطس
هبيع عربيتي هي جيتا 2007 عاملة حوالي 98300 كيلو تقدر تشوف مواضيعي
حالتها ممتازة هي اصلا جنوط 16 بس صاحبها كان مغيره جنوط 17 كاوتش بيريللي يعني من 20 الف كيلو هي الفئة التانية وكيل تكييف تاتش و شيفتات في الدريكسيون و مالتي فانكشن و الشاشة الكبيرة في التابلوه
كمبوسور تكييف لسة جديد بقاله كام شهر
بطارية فارتا من 10 ايام
العفشة الامامية كلها متغيرة من كام شهر
فابريقة ما عدا جزء من الباب اللي ورا عشان كان محكوك مش مخبوط و محكوك تاني شوية دلوقتي
العربية الحمد لله ممتازة
الصالون نضيف الحمد لله ماعدا الدريكسيون مقشر شوية و زرار الزجاج برده
السعر نهائي بجد 105 من غير اي فصال نهائئـــــــــــــــــــــــــي

يا باشا العربية من خلال كلام حضرتك ان حالتها ما شاء الله ممتازة بس المشكلة ان انا كل اللى معايا 95000 بس و بالمناسبة الباسا ال 2006 دى الراجل ممكن يبزل المبلغ كمان و تخلص على 90000 و عموما مش هنختلف لو حضرتك ناوى تبيع اليومين دول ابعتلى رقم حضرتك على الخاص

[ahmedmaklad]

يا باشا العربية من خلال كلام حضرتك ان حالتها ما شاء الله ممتازة بس المشكلة ان انا كل اللى معايا 95000 بس و بالمناسبة الباسا ال 2006 دى الراجل ممكن يبزل المبلغ كمان و تخلص على 90000 و عموما مش هنختلف لو حضرتك ناوى تبيع اليومين دول ابعتلى رقم حضرتك على الخاص

احمد
رقمي تحت امرك و العربية ما تغلاش عليك بس للاسف انا قراري هيبان كام يوم لما اشوف موضوع الفيزا
العربية مش بتتحرك تقريبا لاني بروح الشغل بالباص على طول و مركونة في جراج البيت
بس للاسف مش هقدر انزل في السعر مليم لاني فعلا خسران كتير

[ahmedhassan92]

احمد
رقمي تحت امرك و العربية ما تغلاش عليك بس للاسف انا قراري هيبان كام يوم لما اشوف موضوع الفيزا
العربية مش بتتحرك تقريبا لاني بروح الشغل بالباص على طول و مركونة في جراج البيت
بس للاسف مش هقدر انزل في السعر مليم لاني فعلا خسران كتير

ربنا يوفقك فى البيع ان شاء الله

[eleanor]

ربنا يكرمكم ان شاء الله ويوفقكم لما هو فيه خير لكم

[ostoraa]

ايه الاخبار يا فندم لسه عايز تبيع ولا ايه؟
يا ريت تبعتلي رقم حضرتك علي الخاص

[ahmedmaklad]

انا اسف للتاخير في الرد بس والله كنت مشغول بتخليص اوراق كتير
انا ان شاء الله مسافر اخر الشهر و بصراحة المفروض في واحد صاحبي هياخد العربية خلاص
لو ما حصلش خلال الاسبوع اللي جاي بالكتير الثلاثاء هعمل عليها موضوع ان شاء الله
انا اسف لصاحب الموضوع اننا بنتكلم على حاجة تانية
انا رقمي عموما لاي استفسار 01000062695