اجيب جيتا ولا لا محتاج نصيحه

[simon659]

بعد مسا الخير لاحلي منتدي بجد يا جماعه انا تعبت انا الموضوع من الاول انا والدي معاه عربيه بيجو وباعها وجاب سيراتو علي الزيرو وللاسف منغير ما نجربها وانجرفنا ورا التيار بجد زعلنا منها اوي وحسينا بنشوفيتها وطبعا جيبناها علي الزيرو وراكنينها وخلاص.انا كان معايا لانوس وبيعتها وخايف اغلط تاني زي والدي وبصراحه انا بعشق حاجه اسمها ماتسوبيشي شارك وطبعا كل ما اقول كده لحد يقول عليا مجنون لغايه وانا الي في دماغي في دماغي لغايه اما واحد قلي هات فولكس جيتا انا ساعتها الزاي كنت ناسيها لان كنت اسمع ان قطع غيرها نااااااااااار يعني كنت اسمع ان التيل ب 1250 جنيه سمعت اسعار تانيه فا طبعا جريت علي النت واشوف الجيتا وحاجه تفرح دا انا هركب فولكس واغيظ بابا طلعلي خازوق ال dsg واعدت اقري واقري وفتيس 7 سرعات و6 سرعات انا بقالي 5 سعات بقري عن الموضوع ده وفتيس قديم وجديد فا مش عارف انصحوني ربنا يكرمكوا انا تعبان بجد واتخانقت وعلي فكره انا اوقات كتير بمشي في الزحمه بحكم طرقنا كلها بقيت زحمه ومعايا لغايه 120 الف فا اجيب موديل ايه منغير مشاكل لاني المفروض بشتري الماني يعني خزنه مش بتبوظ ده الي بيسمع صناعه المانيه مش فافي واسف علي الاطاله بس بجد فاضلي ثانيه وافرقع

[simon659]

رجاله الفولكس راحو فين انا محتاج نصيحه مش اكتر الزاي اعرف الفتيس الجديد من القاديم وايه الموديلات ولا اكبر دماغي خالص

[monamize4]

بص يا الفتيس القديم كان 6 سرعات و كان اخره 2009 و ممكن تلاقى منه 2010 و دا كان Wet clutch فا مشاكله اقل و برضه مقدرش اكلمك عن مشاكله بالظبط لانه مش منتشر

الفتيس الجديد 7 سرعات و نزل مصر من اول 2010 على ما اتذكر و مشكلته انه dry clutch يعنى less oil capacity و طبعا مشاكله معروفة و احتمالية انه يبوظ عالية جدا و بيتعمله recall ف كذا مكان غير مصر

ديزاين الفتيس دا معمول عشان يقلل ال fuel consumption و يزود الacceleration و يقلل co2 emissions فا هتلاقى الفتيس بيغير غيارات كتير يعنى ممكن توصل للغيار السابع و انت على 90 ,, المهم ان الزحمة بتموت الفتيس دا خالص و بيحصل hesitation و jerks و طبعا ف محاولات من فولكس انها تعمل update لل soft و ال solenoid لكن لسه المشكلة do exist

anyway ,, ابعد عن ال DSG 7- speeds و خالص و اكيد انت مش فاضى كل شوية تروح التوكيل
اما ال DSG 6-speeds ,, فا مش هقدر اجزم ان مفهوش مشاكل لان ماليش تجارب واقعية معاه

نسيت اقولك هات شارك زيرو هاى لاين ,, عربية ممتازة

[fadi2011]

!!!!!!!!!!!!!!!!!!!!!!

[simon659]

طيب ما نستفيد منك احسن من العلمات التعجب يا استاز فادي

[svneleven]

حضرتك بتقول معاك 120 ألف. يعني مش هتجيب شارك زيرو. يبقي نجيب جيتا 2009 و فتيسها بعيد عن المشاكل و شكلها حكاية و هي كلها حكاية.

[simon659]

ياسيدي خلينا في المبدأ مش مهم الفلوس انا مش عاوز وجع دماغ في حاجات تبوظ وبعدين الي بسمعه عن dsg يخوف ولا انت شايف ايه انا عاوز بس اعرف لو في مودلات من غير عيوب

[bob12345]

بص يا الفتيس القديم كان 6 سرعات و كان اخره 2009 و ممكن تلاقى منه 2010 و دا كان Wet clutch فا مشاكله اقل و برضه مقدرش اكلمك عن مشاكله بالظبط لانه مش منتشر

الفتيس الجديد 7 سرعات و نزل مصر من اول 2010 على ما اتذكر و مشكلته انه dry clutch يعنى less oil capacity و طبعا مشاكله معروفة و احتمالية انه يبوظ عالية جدا و بيتعمله recall ف كذا مكان غير مصر

ديزاين الفتيس دا معمول عشان يقلل ال fuel consumption و يزود الacceleration و يقلل co2 emissions فا هتلاقى الفتيس بيغير غيارات كتير يعنى ممكن توصل للغيار السابع و انت على 90 ,, المهم ان الزحمة بتموت الفتيس دا خالص و بيحصل hesitation و jerks و طبعا ف محاولات من فولكس انها تعمل update لل soft و ال solenoid لكن لسه المشكلة do exist

anyway ,, ابعد عن ال DSG 7- speeds و خالص و اكيد انت مش فاضى كل شوية تروح التوكيل
اما ال DSG 6-speeds ,, فا مش هقدر اجزم ان مفهوش مشاكل لان ماليش تجارب واقعية معاه

نسيت اقولك هات شارك زيرو هاى لاين ,, عربية ممتازة

تصحيح ال 6 سرعات اوتو عادي مش dsg

[bob12345]

لو نقسك في الجيتا دور علي اخر 2009 هاي لاين كليو متر قليل بس سعرها لو حالة حلوة ممكن يعدي ال 150
بس اعمل حسابك الطلعة تقيلة شوية و وواطية جامد غير كده الدنيا حلوة اوي :)

[mohammed dodda]

بعد مسا الخير لاحلي منتدي بجد يا جماعه انا تعبت انا الموضوع من الاول انا والدي معاه عربيه بيجو وباعها وجاب سيراتو علي الزيرو وللاسف منغير ما نجربها وانجرفنا ورا التيار بجد زعلنا منها اوي وحسينا بنشوفيتها وطبعا جيبناها علي الزيرو وراكنينها وخلاص.انا كان معايا لانوس وبيعتها وخايف اغلط تاني زي والدي وبصراحه انا بعشق حاجه اسمها ماتسوبيشي شارك وطبعا كل ما اقول كده لحد يقول عليا مجنون لغايه وانا الي في دماغي في دماغي لغايه اما واحد قلي هات فولكس جيتا انا ساعتها الزاي كنت ناسيها لان كنت اسمع ان قطع غيرها نااااااااااار يعني كنت اسمع ان التيل ب 1250 جنيه سمعت اسعار تانيه فا طبعا جريت علي النت واشوف الجيتا وحاجه تفرح دا انا هركب فولكس واغيظ بابا طلعلي خازوق ال dsg واعدت اقري واقري وفتيس 7 سرعات و6 سرعات انا بقالي 5 سعات بقري عن الموضوع ده وفتيس قديم وجديد فا مش عارف انصحوني ربنا يكرمكوا انا تعبان بجد واتخانقت وعلي فكره انا اوقات كتير بمشي في الزحمه بحكم طرقنا كلها بقيت زحمه ومعايا لغايه 120 الف فا اجيب موديل ايه منغير مشاكل لاني المفروض بشتري الماني يعني خزنه مش بتبوظ ده الي بيسمع صناعه المانيه مش فافي واسف علي الاطاله بس بجد فاضلي ثانيه وافرقع

.....اعذرنى فى استفسار خارج الموضوع : هيه الاودى الa4 اللى مع حضرتك موديل كام وايه رأى حضرتك فى أدائها تسارع وثبات وتوب سبيد ؟

[TOOLA]

بشكل عام فولكس و سكودا فى مصر عانوا من مشاكل الفتيس, بعضها بسبب اهمال ملاكها و بعضها بسبب فتى صنايعية و بعضها بسبب مشكلة مصنع و عدم ملائمته للاجواء و للظروف المصرية.

باختصار الجيتا نزلت بنوعين فتيس, الأول ست سرعات ستيب عادى من اول موديلات 2005 لغاية 2008 او 2009. ناس كتير حصلها مشكلة انسداد او بوظان عقل الفتيس. تم الاجماع الى حد كبير لتفادى (بس لسه فى احتمالية انه يبوظ برده) لازم يتغير زيت الفتيس بالفلتر او المصفاة فى حدود كل 60,000 ك و فى ناس بتعد بيه ل 80,000 ك بس ليه ال Risk. عموما بيقال والله اعلم ان حصل تعديل فيه فى موديلات 2008 و ما بعدها و ان ده افضل موديل للجيتا و ما يشابها (اوكتافيا 5 و اودى 3).
بعد كده من 2009 او 2010 نزلت بالفتيس الجديد الكارثى ال DSG متفكرش فيها اساسا.

فى حلة الفتيس القديم لو عطل بتكون الحلول كالأتى:

حل عقل الفتيس و محاولة تنظيفه مع تغيير الزيت و تكلفى العملية اسمع انها فى حدود 1000 ج (من غير سعر الزيت و الفلتر المعرفش وصلوا كام دلوقتى بس تقريبا يقتربوا من ال 2000 ج), وغالبا الحل ده بينفع لو المشكلة فى اولها.

الجل الثانى الأكثر شيوعا ,هو تغيير العقل لو مكانش الفتيش تضرر, و ده تكلفتى استيراد من 5000 ج تقريبا الى 8000 ج (بيقال ان فرق السعر هو ان ابو 8000 ج ده العقل بتاع الفانتازيا المعدل)

الحل الثالث و الأخير: هو تغيير الفتيس باخر استيراد و ده بتتكلم فى 13000 الى 15000 ج تقريبا.

معلوماتى من مصادر مختلفة, من المنتدى و من القاعدة مع الصناعية وبتوع قطع الغيار ايام ما كان معايا البورا او من الدردشة مع ملاك للعربية او التجار.

و اخيرا اهم حاجة متستغناش عن الحالة الجيدة و الكشف الجيد, بالنسبة للكشف يا توكيل و ده غالى طبعا, يا هانى سمير, و فيه ناس تانية كتير, بس فى مرحلة الكشف هرشح هانى.

عموما للعلم, فى عربية جوز واحدة زميلتنا فى الشغل معروضة للبيع, انا مشفتهاش بس من الوصف هي موديل 2008 تقريبا ماشية 45000 ك و صيانة توكيل بالكامل, فابريقة بالكامل و هما محسوكين اوى (عربيتها هيونداى جيتز جوزها بيصمم يصلحها فى غبور لغاية دلوقتى), لونا اعتقد ازرق غامق بس مش متاكد.

اعتقد الفئة القبل الهاى لاين. بس معرفش اوبشانتها بضبط.

سبب البيع هو شرائهم لبى ام 316 زيرو.

و اخيرا السعر اعتقد قالتلى 150,000 ج , و انا شخصيا مستغلى السعر بس معرفش قابليتهم للفصال ايه, بس لو على الوصف يبقى العربية ديه زيرو.

[simon659]

تسلم يا استاز تولا ياريت تشوف الموضوع واعرف الدنيا فيها ايه والفتيس وكده وانا معاك

[simon659]

استاز محمد دوودا اهلا بسؤال حضرتك العربيه الاودي دي مجرد حياه واحساس تاني خالص العربيه ثبتها رهيب هي موديل 2010 انا شاريها من الزيرو وعمله 11000 الف كيلو فقط هي 1800 cc عربيه غوووووول من 0 الي 100 حوالي 7 ثواني علي الطريق ثبات وسحب فوق الخيال بصراحه وانا راكبها عمري ما بصيت علي عربيه تانيه وانبهرت بيها الا الكايين لغايه دلوقتي ما اشترتلهاش اي حاجه خالص غير زيت ماتور فقط العربيه مش بروح بيها الا ماطروح والعين السخنه اخر سرعه جيبتها 180 ولسه علي روحها كتير وبصراحه العربيه ولا فيها تجعيره ولا اي حاجه في المقابل استهلاك البنزين مالوش حل والتنك بتاعها بسم الله ماشاء الله كبير بتاخد 65 لتر بصراحه حاجه تطمن العربيه معموله بضمير واعتقد كل جزئ يدوي وبصراحه انا هأنيها من حبي ليها لغايه ما يتوفاني الله من عشقي ليها حتي لو نزل عربيه بتطير برضو هي الافضل وده سبب اني لازم عربيه معاها للبهدله وانا تحت امرك في استفسار

[Amr_tika88]

الجيتا عربية محترمة جدا انا لسه شاري واحدة ٢٠٠٨ اعلي فئة وكيل ما شاء الله ركوبة الالماني غير في كل حاجه

[eleanor]

بص هى الجيتا عربيه جميله مافيش خلاف بس مشكلتها انها واطيه جدا وبتحك فى المطبات وبدون تحميل انت ممكن تركب الاسكودا هى هى الجيتا فى كل حاجه ماعدا الفتيس احسن والعربيه عاليه عن الارض