رحلتي مع وش السلندر و الصبابات و الخراط و محلات قطع الغيار

[chiko]

اول امبارح .. فكيت عشان اعمل شنبر للماتور و بالمره ابص علي الوش .. المهم فكيت و روحت اجيب الشنبر و اخد الوش للخراط .. المهم شافه و فكه و قالي هنحتاج صبابات و كوتش صباب .. نزلت التوفيقيه عشان اشتري الشنبر و الصبابات و الجوانات .. المهم لقيت الشنبر عند عبد المسيح سلامه الماني بسعر 130 ج .. و الجوان بسعر30 .. قلت ده كده عسليه اوي زي الفل تمام .. طب و الصباب .. ده بقي المشكله .. و لا محل في التوفيقيه عنده صباب المكنه ال 1800 سي سي و بعد لف ساعتين ..نزلت شارع دمشق .. و الحمد الله لقيته بس بسعر 450 جنيه .. تخيل بقي لما اجيب الصباب بي 450 + جوانات بي 60 + كوتش صباب 25 + خراط 350 يعني في الاخر بتاع 900 جنيه و مش هيبقي ميه ميه .. المهم انا قلبتها في دماغي و قولت لنفسي ما انزل اجيب الوش كله استراد .. ونزلت الحرافين .. و لفيت لحد ما رجلي خلاص ماتت .. و في الاخر ملقتش غير ال 1600 و بس .. و طلعت علي الوكاله .. و هناك لقيت ماتور كامل 1800 .. و طلبت من الراجل الوش قالي مش هينفع افكه كده الماتور هيبوظ .. المهم بعد كلام كتير و اقناع .. قالي عندي مكنه 1800 في المخزن ملهاش ورق .. المشكله بقي انه تعبان ومش قادر يقوم يروح المخزن يفكه ..طبعآ انا مش هلقي فرصه احسن من ده .. روحت قايله انت تقعد زي الباشا و انا هروح افكه .. و فعلآ طلعت علي المخزن و فكيت النص اللي فوق .. حاجه ايه تفرح .. و اخده بي 550 جنيه كامل مكمل ... الحمد الله راجل بصراحه حاجته جميله و رخيصه

[إبراهيم المصرى]

اللهم صل على محمد وعلى آله وصحبه أجمعين مبرووووووك من الاعماق والى الامام وبالتوفيق يارب

[mohd7380]

عربية ايه دي ؟ جوان ب 30 جنيه ؟؟؟؟؟؟؟؟؟؟؟؟؟؟ و شنبر 130 ؟؟؟؟

[chiko]

اللهم صل على محمد وعلى آله وصحبه أجمعين مبرووووووك من الاعماق والى الامام وبالتوفيق يارب

عليه الصلاة و السلام .. الله يبارك لك .. شكرآ ياا فندم ^_______^

[chiko]

عربية ايه دي ؟ جوان ب 30 جنيه ؟؟؟؟؟؟؟؟؟؟؟؟؟؟ و شنبر 130 ؟؟؟؟

ده ماتور جولف 1 و 2 .. الجوان الاصلي بي 30 جنيه .. و الشنبر الماني بي 130 جنيه من عند عبد المسيح سلامه

[mhoreya]

احسنلك و اريحلك وانضفلك .. تسلم ايدك كده انتا عملت الصح

[a_arazik]

والله اريح من عك الصنايعية والخراطين وفي الاخر الحاجة مبتتطلعش مظبوطة زي المصنع بس ابقي قولنا بقي الوش اخبارة اية والف مليون مبرووووووووووووووووووووووووووووووووووووووك

[Ahmed pico]

اسمه ايه الراجل بتاع الوكاله ده يا كبير ؟؟؟؟

[Ahmed pico]

والنص اللى فوق ده اللى هو شورت بلوك ؟؟

[chiko]

والله اريح من عك الصنايعية والخراطين وفي الاخر الحاجة مبتتطلعش مظبوطة زي المصنع بس ابقي قولنا بقي الوش اخبارة اية والف مليون مبرووووووووووووووووووووووووووووووووووووووك

الله يباركلك .. الحمد الله في التلين ..

[chiko]

اسمه ايه الراجل بتاع الوكاله ده يا كبير ؟؟؟؟

مش عارف بصراحه .. هو بتاع الفولكس اللي تحت الكوبري علي طول عباره عن محلين جنب بعض .. او ما تدخل من تحت الكوبري هتلقيه

[chiko]

والنص اللى فوق ده اللى هو شورت بلوك ؟؟

لا ده وش السلندر ..

[S O P H O S]

شئ رائع

[hossamalsadik]

طبعا خير ماعملت
ومبروك وبالتوفيق