ايه فايدة حساس الكامة !! (بورااااا )

[Abody1985]

معايا بورا 2001 ورحت اكشف على العربية عشان لاقيت لمبة التشيك منورة ،، عرفت من الميكانيكي ان حساس الكامة هو اللي بايظ ؟
عاوز اعرف ايه فايدته يعني لما اغيره ايه اللي ممكن احسه في العربية او سحبها ؟

وياريت لو نفس الكلام على حساس الشكمان ؟

وشكرااااا

[ahmedalaahosny]

هو بص ياكبير ده اللى وصلتله بعد بحث هنا وهنا

حساس الكامه يعتبر من الحساسات المولده للفولت حيث يقوم بأرسال نبضات توافقيه فى صورة فولت كهربى لوحدة التحكم بصوره معينه وحدة التحكم بتستخدم أشارة حساس الكامه لتنبيه الرشاشات على حسب ترتيب الحريق ومن هنا بيتم تحديد الوقت المناسب والملائم لبدء ضخ البنزين.....

أيضا وحدة التحكم بتستخدم أشارة حساس الكامه لتحديد وضع البساتم أثناء شوط القدره (والبستم قبل النقطه الميته العليا مباشرة لبدء عملية أنفجار خليط البنزين والهواء بالأستعانه بشرارة البوجيه )الأشاره بتاعة حساس الكامه دى بتساعد الى حد كبير وحدة التحكم فى حساب وتحديد حالة ووضع وميعاد الحريق المناسب وهنا بقه بيتم وضع الخطه لحاجه أسمها الRUNNING MODE ....أى الحاله بتاعة وضع الحريق أذا أكتشفت وحدة التحكم ورود أشاره خطأ لها من حساس الكامه (طبعا بالأستعانه بأشارات الحساسات الأخرى )...وذلك أثناء دوران المحرك فأنه يتم تسجيل كود عطل معين داخل ذاكرة وحدة التحكم ويخزن داخلها (بالبلدى كده فى المستودع أو الأرشيف بتاع وحدة التحكم ).....failure records ....ياعنى تسجيلات أخطاء فشل عملية التحكم فى القيام بواجباتها.....وعلى طول بيتم أخراجها وبسهوله بواسطة جهاز كشف الأعطال المقنن (الأسكانر )

.... لو حدث فقد لسبب ما للأشاره اللى رايحه من حساس الكامه لوحدة التحكم (مثلا من عدم جودة توصيل نصفى فيشة الحساس أو خطأ أتصال أرضى أو تلف الحساس نفسه ).......فأن عملية ضخ البنزين بالرشاشات بيتم تحويلها مباشرة الى آخر مرحلة ضخ كانت مستخدمه قبل فقد أشارة حساس الكامه اللى رايحه لوحدة التحكم أى الrunning mode السابقه مباشرة قبل فقد الأشاره بتاعة الحساس......بدون أى توقف للمحرك نفسه

أيضا فأنه فى حالة فقد أشارة حساس الكامه وتبطيل المحرك .....فأنه بيمكن أدارة المحرك عاديا بالطريقه المعتاده ولكن وحدة التحكم بتخللى حالة التشغيل (الحريق ) بنفس وضع الحاله السابقه لتبطيل المحرك مباشرة.....الى أن يتم أعادة أشارة الحساس والرجوع الى حالة التحكم الطبيعى

[ahmedalaahosny]

حساس الشكمان ( او حساس الاكسجين ) له علاقة مباشرة جدا باستهلاك البنزين ، لأن هو اللى بيدى معلومات لكمبيوتر العربية عشان يظبط نسبة الهوا والبنزين

[Abody1985]

يعني فعلااا ضوروي انهم يتغيروااا ؟؟

[ahmedalaahosny]

كل واحد وليه اعراض تلف

[mahmoudysf]

من اهم اعراض تلف حساس الكامة
ان rpm ما بيوصلش اكتر من 5.5 وده نوع من الامان
والعربية بتبقى مخنوقة وما بتوصلش سرعات عالية

[Mecha]

O2 sensor should be replaced evry 60 ,000 km .
when malfunction you get misfiring , high fuel consumption , poor power output

[SYD]

باختصار وبدون تعقيد حساس الكامة مسؤل عن تقديم وتأخير شرارة البوجيه بناء علي وضعية البستم داخل السلندر ومسؤل بشكل مباشر عن تسقيفة الموتور لو البنزين مش مظبوط

اما حساس الشكمان فمسؤل عن انتظام الحريق
ولو باظ هتحس باستهلاك غير طبيعي ودخنة سودا من الشكمان وضعف ف السحب

تحياتي

[mafify]

انا عندى استهلاك عالى بسى السحب كويس

[mafify]

استفسار
زيت الفتيس الاتوماتيك الكهربا ينفع للباور

[Abody1985]

[quote=syd;3875135324]باختصار وبدون تعقيد حساس الكامة مسؤل عن تقديم وتأخير شرارة البوجيه بناء علي وضعية البستم داخل السلندر ومسؤل بشكل مباشر عن تسقيفة الموتور لو البنزين مش مظبوط

اما حساس الشكمان فمسؤل عن انتظام الحريق
ولو باظ هتحس باستهلاك غير طبيعي ودخنة سودا من الشكمان وضعف ف السحب

تحياتي[/quo

فعلا استهلاك البنزين عندي عالي ما يقرب 30 للتر كل 200كم