ممكن استفسار من اساتذه الجولف عن الموتور ده

[ziro]

الحمد لله اشتريت جولف2 موديل 89 بس موتورها شكله غريب عليا شويه عشان انا مش خبير ممكن حد من خبراء المنتدى الكرماء يدينى شويه معلومات عنه اللى اشتريت السياره منه قالى انه 1800 سى سى
ودى صورته

[Mecha]

What information you looking for ???

like it is carburettor not injection
may be has timing belt

[chiko]

ايوه يااا باشا ده ماتور 1800 الالماني .. عندي في عربيتي الشيركو .. انت محظوظ بالماتور ده لانه محترم اوي .. و قوي مشكلته الوحيده قطع غياره مش متوفر بكثره لكن موجوده و هتلقيها و كفايه انه بينزل في الشيروكو ..لو احتاجت اي حاجه بلغني ان شاء الله اقدر اساعدك

[ziro]

باشا

شكرا لاهتمامك طيب يا برنس ده ايه اهم مميزاته شكرا واسف لازعاجك

[ziro]

ايوه يااا باشا ده ماتور 1800 الالماني .. عندي في عربيتي الشيركو .. انت محظوظ بالماتور ده لانه محترم اوي .. و قوي مشكلته الوحيده قطع غياره مش متوفر بكثره لكن موجوده و هتلقيها و كفايه انه بينزل في الشيروكو ..لو احتاجت اي حاجه بلغني ان شاء الله اقدر اساعدك

الف شكر يا باشا بس انا شايف شكل الكربريتير غريب عليا ممكن تقولى ده ميزته ايه وشكرا لمجهودك واسف لازعاجك

[chiko]

لا تحت امرك .. الكربراتير ده الكبيره بتاع ال 1800 و ساعات بيركبوه علي 1600 .. الماتور مشاء الله اقوي بشكل ملحوظ من ال 1600 برغم ان الفرق 200 سي سي بس ..في التسارع فيه فرق ملحوظ اوي و صوته اميز من 1600 الماتور ده بالذاته مبينزلش الا الماني .. لان فيه مواتير و خصوصآ ال 1300 برازيلي .. لكن ال 1800 بالذات الماني فا طبعآ احسن .. انا لسه عامل شنبر و مغير وش سلندر .. و الحمد الله الاسعار كانت معقوله جدآ .. يعني الشنبر الالماني جيبته بي 130 و جوان وش السلندر بي 35 جنيه و الوش كامل بالشداد و الكامه و الكوعه و ساعة الزيت و الغطئ و ترموستات الحرار و ترموستات المروحه و حتي مسامير الوش بي 600 جنيه .. لو عايز تخلي الماتور ده يعيش معاك و يشتغل كويس .. يبقي غير الزيت علي فترات مش كبيره .. هتحافظ عليه و مشاء الله واضح من الصوره انه استراد و بحالته .. ربنا يباركلك فيها

[ziro]

لا تحت امرك .. الكربراتير ده الكبيره بتاع ال 1800 و ساعات بيركبوه علي 1600 .. الماتور مشاء الله اقوي بشكل ملحوظ من ال 1600 برغم ان الفرق 200 سي سي بس ..في التسارع فيه فرق ملحوظ اوي و صوته اميز من 1600 الماتور ده بالذاته مبينزلش الا الماني .. لان فيه مواتير و خصوصآ ال 1300 برازيلي .. لكن ال 1800 بالذات الماني فا طبعآ احسن .. انا لسه عامل شنبر و مغير وش سلندر .. و الحمد الله الاسعار كانت معقوله جدآ .. يعني الشنبر الالماني جيبته بي 130 و جوان وش السلندر بي 35 جنيه و الوش كامل بالشداد و الكامه و الكوعه و ساعة الزيت و الغطئ و ترموستات الحرار و ترموستات المروحه و حتي مسامير الوش بي 600 جنيه .. لو عايز تخلي الماتور ده يعيش معاك و يشتغل كويس .. يبقي غير الزيت علي فترات مش كبيره .. هتحافظ عليه و مشاء الله واضح من الصوره انه استراد و بحالته .. ربنا يباركلك فيها

استاذ بصحيح كل اللى قولته مظبوط وانا حسيت بيه من شكل الموتور وصوته وتسارع العربيه اكتر من رائع
وهوه فعلا زى ما انته قولت الرجل اللى اشتريت منه العربية ورانى صوره الافراج كان فى شهر ديسمبر الماضى هوه كان بيمدح فى العربية بس انا قولت ده كلام بيع وشرا بس الصراحه هوه عامل فيها شغل محترم حتى التابلوه مغيره مخليه بولو شكرا جدا لاهتمامك وياريت لو فيه اى معلومه عن العربيه تقولهالى وانا حعمل بنصايحك