مركز محمد سمير

[عبدالرحمن-جبر]

السلام عليكم
انا ان شاء ناوى انزل بكرة اظبط شوية حاجات فى العربية و قريت كتير و لقيت ان محمد سمير من افضل الناس اللى موجودة و الكل بيشكر فيه فعايز اعرف مكانه بالظبط من بعد المزلقان و يا ريت رقم تليفونه و شكرا

[postagy]

ما هو نشاط المركز لو سمحت

[عبدالرحمن-جبر]

دا مركز تصليح سيارات vw group فى جسر السويس

[ra3d]

بعد المزلقان علي ايدك اليمين علي طول جنب بتاع عصير قصب ... و تبقي قولي ايه الاخبار

[عبدالرحمن-جبر]

روحت النهاردة و يا ريتنى ما روحت روحت من 12 و لسة راجع من شوية اول ما روحت فضلت مستنى كتير و بعدين روحت سالت قدامى اد ايه و كدة فبعت معايا واحد صنايعى مش فاهم حاجو قولتله المشكلة و قعد يعك و خلاص و بعدين ساب العربية و مشى فضلت واقف مستنى لحد ما جيه واحد كشف بالكومبيوتر و قريت نفس العيب الايدل الراجل قالى محتاج يتغير و شجرة المياه و الحساس قلت ماشى مش مشكلة روحت جيبت الحاجات من الحرفيين من عند رضوان و رجعت غيرنا الحساس و كشفنا بالكومبيوتر مقراش اعطال و غيرنا شجرة المياة و بعدين جيت اجرب محستش باى فرق خالص لسة المشكلة بتاعت رعشة الموتور موجودة فروحت لباشمهندس هانى كان جيه و هو راجل محترم بص عليها و قالى دى اسلاك البوجيهات لقيتهم ب300 جنيه فى المحل اللى جنبه و مكنتش هلحق انزل ادور عليهم و ارجع عشان الحظر فرجعت البيت متنكد جدا من المبلغ اللى حسيت انى دفعتوا عالفاضى و الحاجات اللى انا غبرتها مكنتش اصل المشكلة

[ra3d]

علي فكرة دي اسعار سلك البوحيهات فعلا انا جبت واحد استيراد ب 100 !!

[iBiZa]

بعد المزلقان علي ايدك اليمين علي طول جنب بتاع عصير قصب ... و تبقي قولي ايه الاخبار

انت كده رحت لهانى مش محمد سمير.

انا عملت update لعنوان محمد اول ما اتغير من زمان.

QUOTE=iBiZa;3874300491]شارع جوزيف تيتو و انت رايح ناحيه الحرفيين. تالت U-turn فى تانى يمين هتلاقع الشارع بيحود شمال. هو بعد مرسيدس على اليمين.

موقع المركز على الخريطة:
n30.130937 e31.380663 - Google Maps[/QUOTE]