تكييف ثلاجة باليل و الصبح صوت بس ؟؟؟

[mohd7380]

ازاي يبقي تكييف عربيتي باليل ماقدرش استحمله على واحد و الصبح يبقى ضعيف لدرجة انه ساعات فى الايام الحر قوي بقفله و افتح الشباك
انا قرات موضوع عن عزل العربيات الداخلي هنا علي المنتدي ضد الحرارة و الصوت بهرني ياتري ممكن يكون العزل هو الحل خصوصا ان عربيتي موديل 2000 يعني ممكن يكون العزل دة زي البوية الفبريكة له مدة و بيفقد خواصه
ياريت نتشارك فى الموضوع دة كلنا لاني اعتقد انه مهم لكل انواع العربيات

[wael61]

طب زرار تقليب الهوا شغال ولا لا

[aldesha989]

بص ياريس

مش شرط عزل

اول حاجه لما بتركب العربيه الصبح لو كانت واقفه فى شمس فصعب جدآ ان التكيف يديلك السقعويه اللى عايزها بسرعه

لازم تخرج السخونيه من العربيه الاول حتى لو فتحت الشبابيك شويه خمس دقايق وانتا ماشى لحد ما تخرج السخونيه من العربيه

تانى حاجه اغسل السربنتينه الاول بمايه وهواء مضغوط علشان لو متوسخه مش بتدى تبريد

تالت حاجه متأكد ان المروحه ببتاعت السربنتينه شغاله كويس او السرعه التانيه شغاله ؟

بعدين نشوف موضوع العزل ولو تقدر تركب ستاير كبس هتفرق معاك فى الشمس جامد

[elpasha1]

ممكن يكون عاوز يتزود فريون

[عبدالرحمن-جبر]

انا عندى نفس المشكلة دى

[samyyousef]

اعتقد ان هذه المشكلة في معظم الانواع الاوربي

[mohd7380]

ياجماعة سربنتينة اية و فريون اية ال عايزني اراجع عليه بقولكوا التكييف بعد الساعة 5 العصر بيبقى تلاجة انا المشكلة عندي من 12 الضهر ل 4 او 5 العصر

[elbaz45]

يا باشا لان بالليل بيحصل انتقال حرارة conduction+convection فبتكون درجة الحرارة جوة العربية زى برة انما بالنهار بيحصل انتقال حرارة لداخل العربية conduction+convection+rediation فبتكون درجة الحرارة جوه العربية اعلى من بره بتاع 7 درجات سيليزية وبما ان الاوربى عموما تكييفه مش زى الكورى فبالنهار يدوبك بتحس بيه وبالليل بتحس انه اتحسن كتير

[mohd7380]

يا باشا لان بالليل بيحصل انتقال حرارة conduction+convection فبتكون درجة الحرارة جوة العربية زى برة انما بالنهار بيحصل انتقال حرارة لداخل العربية conduction+convection+rediation فبتكون درجة الحرارة جوه العربية اعلى من بره بتاع 7 درجات سيليزية وبما ان الاوربى عموما تكييفه مش زى الكورى فبالنهار يدوبك بتحس بيه وبالليل بتحس انه اتحسن كتير

طب حضرتك شايف ان المشكلة دي ليها علاقة بالعزل او عموما ليها حل و لا لأ ؟

[i_Am_Legend]

اشحن الغريون كويس...وستاير كبس بالنهار

[elbaz45]

هيا فى حاجات بتحسن اداء التكييف زى انك تشغل ال return وتخلى التكييف على 2 علشان يحصل انتقال حرارة كويس بين الهوا والسربنتينة وبلاش تشغله على سرعة عالية وخصوصا فى اول التشغيل وطبعا انك تفيم العربية بيفرق معاك ولو ماشى بسرعة برده هيفرق معاك والله اعلم

[mohd7380]

هيا فى حاجات بتحسن اداء التكييف زى انك تشغل ال return وتخلى التكييف على 2 علشان يحصل انتقال حرارة كويس بين الهوا والسربنتينة وبلاش تشغله على سرعة عالية وخصوصا فى اول التشغيل وطبعا انك تفيم العربية بيفرق معاك ولو ماشى بسرعة برده هيفرق معاك والله اعلم

شكرا

[essamfarid]

شوف فلتر التكييف و فضي التكييف و اشحنة عند واحد عنده ضمير يظبط ضغط الفريون و يكون فريون امريكاني تبرجاز و يعمل فاكيوم و يزود زيت
انا كان عندي نفس المشكله و عملت اللي بقولهولك و بقى تمام جدا الصبح و بالليل اخرى على اول درجة و العربية تشبر

[mzkader]

لازم بتاع تكييف شاطر عشان يشخص صح ممكن فلترمسدود أو نقص فريون أو كويل مسدود أو كباس مش مظبوط فى أكثر من عامل للموضوع ده مالوش علاقة بالعزلز

[mohd7380]

طب هو ينفع يبقي عندي مشكلة فى دايرة التكييف و يبقي شغال كويس باليل انا باليل بشغلي على واحد و لو في ناس معايا فى العربية بشغله بالكتير على اتنين و العربية بتلج