كلمة ممكن تزعل!!!

[NaderNabil]

بص يا نادر أحب اوضحلك حاجة أنه مينفعش تتخذ موقع ويكبيديا كمرجع نهائي لمعلوماتك

دي حقيقة..و كنت قلت كده في موضوع سابق...لكن احنا هنا بنتكلم عن بلد الصنع...يعني مكان وجود المصنع....لو كان فيه مصنع تاني للباسات كان اتكتب لأن دديه مش معلومات سرية...الا اذا كانت فولكس العالمية بتخفي الأمر ده:)

و لو أخدت بالك مكتوب في الموديلات اللي قبل الحالية ان كان فيه جزء منهم بيتصنع في سلوفاكيا...الي جانب ألمانيا...

انا مش فارق معايا الباسات مصنوعة فين...يا رب تكون مصنعة في السودان...بس المعلومات واضحة قدامنا كلنا...و أبسط حاجة نعملها نفتح أي عربية و نشوف مكتوب بلد الصنع ايه !!

[mostafa el-gohary]

يا جماعة الباسات ألماني أما بالنسبة للفتيس اللي بتقولوا عليه صيني حتي لو طلع كده . للعلم شركات السيارات مبتصنش كل المكونات .وأكيد جودته عالية

[Chicco]

بس التقفيل فعلا بيفرق

الفولكس المكسيكي سمعته مش تمام هنا في كندا بسبب عيوب التصنيع ....
الانقح بقى المرسيدس الأمريكاني أسوأ بكتير من الألماني و جايب سمعة مرسيدس الأرض في أمريكا الشمالية كلها

[Sharky]

ممكن فعلا التقفيل يفرق
لكن فى مصر الباسات ألمااااااااااااااااانى
يعنى التقفيل مش حيفرق لإنها من بلدها زى م بيقولوا

[dr_3eshoo]

ايه الي يزعل في كده هما مش قرايبي و لا اعرفهم

[zabadooo]

الكلام الاكيد

الباسات و الباسات فارينت و الجولف وارد التوكيل اسباني مصنع سيات و فولكسس في اسبانيا و الجيتا تجميع
برازيلي وميكسيكي و السوران تصنيع ارجنتيني البوينتر و الباراتي ( تصنيع برازيلي)

البولو - بطلت تيجي مصر - اسباني (الشكل الجديد) العيون تجميع برازيلي

التوران و الكادي من مصانع فولكس في المانيا (بفاريا)

[Ahmad Allawy]

والله انا اللي سمعته انه الجيتا اللي هي هاي لاين الي سعرها فوق ال200 الف هي اللي الماني..
والله اعلم.. بس عايزين نجيب اخر الموضوع ده..
حد يكلم التوكيل يسألهم عن المواضيع دي طيب يا جماعه..

[Sharky]

بعد سؤال التوكيل تم التأكيد بأن
الجيتا مكسيكى
الجولف المانى
الباسات المانى

[Ahmad Allawy]

الجيتا كلها اللي مووده..؟؟ جتي الهاي لاين اللي تمنها فوق ال200 الف؟

الباسات و الجولف متوقع انهم يكونوا الماني..

[Sharky]

الجيتا كلها مكسيكى يا أحمد باشا

[Ahmad Allawy]

الف شكر يا باشا و تسلم ايدك..

اخيرا استلمت الكارنيهات النهاردة علي فكرة.. :) :) :)
نادي يجنن.. مش عارف ايه اللي قلب حاله كده.. :)

[Sharky]

الحمد الله إنك إستلمتهم و هو فعلا السنة دى نظامهم وحش قوى

[OldVic]

يا جماعة انا مش باجيب الكلام ده من عندي و مش اجتهاد شخصي....
دي صفحة الباسات في وكيبيديا..و فيها كل المعلومات من يوم ما قالوا يا باسات


http://en.wikipedia.org/wiki/Volkswagen_Passat

حاجة ثانية كمان، يمكن التأكد عن طريق ال VIN

[Ahmad Allawy]

حاجة ثانية كمان، يمكن التأكد عن طريق ال VIN

بيتهيألي مش شرط لسبب..
ان الكود ده بيبين مين المصنع بتاع العربية..
و المصنع المانيا.. دي تقريبا بلد المنشأ مش العربية متقفلة فين..
يعني لو في حد معاه كورسا التقفيل المصري او اللانوس المصري..
هل هيلاقي اول الvin عنده الكود بتاع شمال افريقيا او مصر ولا كوريا..؟؟
بيتهيألي كوريا..

[OldVic]

بيتهيألي مش شرط لسبب..
ان الكود ده بيبين مين المصنع بتاع العربية..
و المصنع المانيا.. دي تقريبا بلد المنشأ مش العربية متقفلة فين..
يعني لو في حد معاه كورسا التقفيل المصري او اللانوس المصري..
هل هيلاقي اول الvin عنده الكود بتاع شمال افريقيا او مصر ولا كوريا..؟؟
بيتهيألي كوريا..

بلد المنشأ وفق الأعراف القانونية و الجمركية هى الدولة التى تم فيها إنتاج المنتج النهائى، يعنى مثلا فى حالة الجيتا تكون المكسيك.

أما مسألة "التقفيل" فهى لفظ ابتدعناه نحن المصريين لتحلية البضاعة، ما فيش حاجة اسمها ألمانى تقفيل كذا، اذا كانت السيارة تنتج فى دولة أخرى اذن نسبة كبيرة من المكونات ستكون من انتاج تلك الدولة. لا تنسى أن شحن السيارة فى صورة CKD kit (Complete Knock-down) ثم تجميعها مكلف أكثر من شحن السيارة كمنتج نهائى مهما كانت الوفورات الناتجة من رخص العماله.