عاير اجيب بولو

[hamisa08]

إن شاء الله يا جماعه عايز اجيب بولو 2001 او فيما بعدها فكنت عايز اعرف اسعار قطع غيارها كام مثلا تيل الفرامل فوانيس فلاتر وسيور بكام ؟؟؟

وموجودة جديد ولا عليك وعلى الحرفيين استيراد اكتر ,, انا معايا قبلها اكسيل موضوع قطع الغيار دة بنسبالى كان عادى جدااا بلاقيها فى سورماركت اللى تحت البيت

بس ال 1000 سى سى بتبقى ضعيفة فى الجرى والسحب وتشغيل التكييف ولا عاادى

[برنس الليالي]

انا جربت بولو 2003 بتاعت واحد صاحبي لمدة اسبوعين كنا بنركبها مع بعض وهي بالـ1000 سي سي والسحبة بتاعتها كانت ممتازة لدرجة انها كانت بتحدفني لورا :)

[hamisa08]

طب مشاء الله بس بخصوص قطع الغيار عايز اعرف اسعار لو حد عندة خلفية او اشترى حاجة قريب حتى لو حاجة صغيرة منين وبكام ؟؟

[hamisa08]

متاااابع

[Ahmed pico]

البولو من 1995 الى 2005 قطع غيارها عند البقال مش السوبر ماركت جديد واستيراد بالنسبه لقطع الغيار الميكانيكيه حسب حجم وكود المكنه يعنى لما تجى تشترى اسال هنا عن قطع غيار المكنه اللى راكبه فى العربيه اللى بتشتريها بس فى الغالب ال 2001 يا 1000 يا 1400 ودول قطع غيارهم مافيش اكتر منهم اما بالنسبه للعفشه والصاج والصالون فى الحرفين والوكاله وبورسعيد واسكندريه بى بلاش الا ربع. واريح حاجه فى الفولكس اى حاجه تبوظ او تتخبط لا تسمكر ولا تدهن انزل هات زيها نفس اللون

[hamisa08]

طب كويس اووى وشكرا على سرعه ردك

بس حضرتك اخر حاجة غيرتها مثلا كانت ايه وبكام ؟؟

[look344]

متقلقش من قطع غيارها
بولو 99
اكس وكبالن داخلية وخارجية يمين وشمال استيراد عند سلطان فى الحرفيين 350-400 جنيه
فتيس استيراد لمكنة 1000 cc من 550-650 جنيه
جوز مرايات كهربا 220 جنيه حرفيين