استفسار عن جيتا 2011

[fathifathi]

السلام عليكم ورحمة الله
انا ليا عندكم استفسار بسيط.انا معروض عليا عربية جيتا 2011 اوتو من غير فتحة سقف ولاجنوط فبريكة بالكامل وماشية 42000كم وبيتكلم ف 150000جم ,ايه رايكم ف العربية كعربية عشان انا معرفش عنها اى حاجة خالص وايه مشاكل الفتيس ال موجود ف الفولكس وهو موجود ف العربية دية كمان ولا لاء والسعر كده كويس ولا اوفر.
سورى ع الاطالة بس انا معنديش اى خلفية خالص عن العربية ديه

[د.عماد صلاح]

الفتيس ال dsg كله مشاكل ابعد عنه

[fathifathi]

هو الفتيس dsg هو ال موجود ف الجيتا ولانوع تانى؟

[fathifathi]

انا متابع.ايه رايكم ياجماعة ف السعر ده ع العربية؟كويس ولا كتير ولو كتير يكون سهرها ف حدود كام؟

[TeMoON]

السلام عليكم ورحمة الله
انا ليا عندكم استفسار بسيط.انا معروض عليا عربية جيتا 2011 اوتو من غير فتحة سقف ولاجنوط فبريكة بالكامل وماشية 42000كم وبيتكلم ف 150000جم ,ايه رايكم ف العربية كعربية عشان انا معرفش عنها اى حاجة خالص وايه مشاكل الفتيس ال موجود ف الفولكس وهو موجود ف العربية دية كمان ولا لاء والسعر كده كويس ولا اوفر.
سورى ع الاطالة بس انا معنديش اى خلفية خالص عن العربية ديه

استاذ فتحى العربيه الى انت شفتها دى لو التابلوه اضائته بيضاء ابعد عنها لانها فتيس دى اس جى والفتيس دا مشاكله كتير

ثانيا العربيه غاليه جدا على كلامك لان كدا لو على كلامك معنى كدا انها اول فئه فيها فا طبعا غاليه جدا لانها كدا تعتبر فاضيه والعربيه الى حضرتك شفتها ممكن تكون كالاتى
فرش السياره قماش مخملى
مفيش فيها حساسات للباركنج
المرايات مش ضم ( مش متاكد من الحوار دا )
الكاسيت الى فيها عادى الصغير مش التاتش
اضاءه الفوانيس الاماميه هالوجين وليست زينون
كرسى السائق كله عادى مفيش فيه كهربه
طبعا غير مثبت السرعه وغير كماليات كتير انا ممكن اقول لحضرتك عليها فى الهاى لاين فا نصيحه ابعد عنها لانها غاليه وفتيسها مش حلو
حاول تشوف 2009 هى افضل موديل لان الموديل ما شاء الله مفيش فيه عيوب كتير والهاى لاين 2009 2010 الكامله الفابريكه الى بالزجاج الفاميه ومرايه التعتيم والحساسات الاماميه والخلفيه للباركنج والابانوس بتتكلم فى 140 او 150 الى حد ما لان انا عربيتى 2010 هاى لاين من فتره قلت اعرف سعر بيعها كانت بتتكلم فى حدود 130000 هاين لاين كامله بس مش فابريكه وانا مبهدلها ومرشوشه قبل كدا فا خليك فى 2009 2010 الى هى التابلوة بتاعها اضائته لونها ازرق والفتيس بتاعها 6 نقلات