ما رأيكم فى باسات 1999-2000 أوتوماتيك

[mostafaomran]

كنت بفكر أشترى باسات 1999-2000 أوتوماتيك 1600 سى سى ، بس عايز أعرف من حد جربها إيه ظروفها فى الآتى:

- معدل إستهلاك البنزين
- توافر قطع الغيار سواء الجديدة أو الإستيراد وأسعارها هل هى غالية ولا عادية
- أداءها من حيث السحب "التسارع" والثبات وسهولة القيادة "النعومة" والتكييف، إلخ
- هل فيه منها إصدارات مختلفة فى الأوبشنز؟ وما هى؟
- متوسط سعرها فى السوق لو راشة بره أو فابريكة

أفيدونى من فضلكم

[mostafaomran]

ويا ريت كمان نقطة بالإضافة للى للى فوق وهى:
- سهولة الصيانة خارج التوكيل (يعنى توافر الناس اللى بتفهم فيها من غير عك) لأنى أعرف إن الأوروبى مش أى حد يمد إيده فيه زى اليابانى والكورى

مع العلم إنى دلوقتى معايا نيسان صنى 2003 أوتوماتيك، برضه علشان لما حد يرد على أسئلتى يبقى عارف أنا معايا إيه لأن المواضيع كلها نسبية طبعاً

[iBiZa]

- معدل إستهلاك البنزين

المعدل العادى حوالى 200 فى الصفيحه.

- توافر قطع الغيار سواء الجديدة أو الإستيراد وأسعارها هل هى غالية ولا عادية

موجود جديد و استيراد و هى مش غاليه اوى ولا رخيصه و ممكن تطلع قريبه من الnissan بس الحاجه الوحيده الغاليه هى طقم المقصات عشان فيها 8 مقصات قدام.

- أداءها من حيث السحب "التسارع" والثبات وسهولة القيادة "النعومة" والتكييف، إلخ

العربيه ناعمه اوى و التسارع تحت ال100 مش حلو اوى بس فوق ال100 بتفتح عشان العربيه حوالى 1.5 طن و التكييف ملوش تأثير على الموتور.

- هل فيه منها إصدارات مختلفة فى الأوبشنز؟ وما هى؟

اغلب الى نزل مصر كان full options مانيوال او اوتوماتيك.

- متوسط سعرها فى السوق لو راشة بره أو فابريكة

متوسط السعر من 50 الى 70 حسب الحاله بس و انت بتشترى حات حاجه نضيفه عشان لو متبهدله هتصرف معاك كتير.

[iBiZa]

ويا ريت كمان نقطة بالإضافة للى للى فوق وهى:
- سهولة الصيانة خارج التوكيل (يعنى توافر الناس اللى بتفهم فيها من غير عك)

موجود كتير

[SPY123]

انا عن نفسى ان شاء الله التغير الى جاى هجبها وهقولك الى عرفته عنها من الناس الى معاها ان العربيه ثباتها ممتاز وكمان فى السرعات العاليه بعد ال 120 صث بعد 140 وفى ناس بتقول كمان ثابته فى ال180 وال200 والله اعلم الموتور ال 1600 اتوماتك بيقولو بطيئ شويه فى الاول وبعد ال100 بيتحول ده كان الوصف بتاعهم والمانوال فى ال1600 بيقولو جميل مش معنى كده ان الاتوماتك وحش بس العربيه وزنها كبير حبتين وفى ناس معاهم العربيه بيقولو 2 طن الا شويه وبيقولو ان قطه الغيار اسعارها معقوله جدا بالنسبه لعربيه المانى بالاداء ده والمقصات هيه المشكله 8 مقصات امامى وفى عيب فى اير ماس وحاجه تانيه مش فاكرها بس وانا شايف ان دى عيوب بسيطه جدا نيجيى للمواصفات انا متابع فتره على كونتاكت ودوبيزل المواصفات الى نزلت مصر كامله كانت 1600 اتوماتك-فتحه سقف-جنوط سبور-فوجات-abs-abd
اما المواصفات الاوروبى ودى موديل 2004 وديه اعلانها موجود دلوقتى على دوبيزل موتور 1800 تربو الموتور ده عالمى جدا طياره وفتحه سقف-زجاج كهرباء جنوط-زجاج ملون-طاره ملتى فانكشن -abs-ebd وهنا بقى الزياده الفظيعه والاوبشن الرائع ان الموديل ده فيه esp يعنى electronic satpilty programe موجود فى bmw and mercedes والحاجات العالميه دى وده بيتحكم فى ثبات العربيه زرار طول ما انت مشغله العربيه لو عومت هوا بيتحكم فى انه يظبطها تانى اتوماتك من غير ما تعمل حاجه وانا شايف انه يبقى مفيد جدا فى حاله ان فرده كاوتش فرقعت وانت على سرعه وكمان فيها 10 ايرباجس المهم طبعا المواصفات دى رائعه جدا وانا لو معاياي العربيه مش هبعها المهم صاحب العربيه بيتكلم فى سعر خرافى جدا بيتكلم فى 115000
يعنى ممكن تجيب باسات 2006 تقريبا بالسعر ده الشكل الجديد فهو واهم بصراحه ياريت تكوت استفدت من كلامى ده

[alzelafy]

بص يا باشا متفكرش فى اى حاجه فى العربيه دى انتا تنزل تدور على طول على الحاله و تشترى ................................... الموديل دة الوحيد فى مجموعه فولكس اللى صيانته سهله جدا جدا و و الله و الله و الله العظيم فى حاجات فيها ارخص من البولو فى قطع الغيار ....... انا كان معايا ابيزا اللى هى نفس موتور البولو مكنتش بعرف اضبطها زى ما بظبط العربيه دى .... اسعار قطع غيارها الموضوع اتفه انى اكتبه فى العادى يعنى و الغالى موجود و المضروب موجود حسب حالتك الماديه ..... لو اشتغلنت عند صنايعى فاهم العربيه تقريبا مش هتحتاج صيانات منك ..... العربيه لو جبتها وحشه هتفضل وحشه معاك مهما صرفت و لو جبتها حلوة هتفضل حلوة معاك طول العمر مهما بخلت عليها و للامانه العربيه دى اغلى حاجه فيها العفشه طقم المقصات ب 2200 المانى الكلام دة من 4 شهور مش عارف الوقتى ايه و فى الصينى تقريبا ب 1200 و الاستيراد ب 1000 و العفشه كامله استيراد ب 2500 جنيه كامله متكامله بس انا توصلت لحل جميل جدا فى موضوع المقصات دة ... تحل اللى بايظ و تروح تجيب زيه بدل ما تجيب الطقم كامل الحوار مش هيكلفك 200 جنيه للمقص الواحد استيراد و دة احسن من الجديد .... طبعا العفشه دى مالتى لينك تقولى يعنى ايه اقولك معرفش بس حاجه عاليه و موجودة فى الزلموكه و العيون ..... تانى حاجه الفتيس غالى شويه 3500 جنيه و 500 تركيبه دى اغلى حاجات للعربيه غير كدة انسى و موتورها بيتعملو عمرة و بتنجح و عن تجربه ....و من مميزات العربيه دى الفرامل مش هقولك الا لما تركب و تشوف ..... و العربيه قبل ال 100 تحس انها تقيله بس هى بتجرى و انتا مش حاسس بس بعد ال 100 اعوذ بالله بتتحول ل تنين ... قوة جامحه .... و متنساش اى العربيه تقيله بردو و بالله التوفيق

[Anxs111]

العربيه دي جميلة جدا ....أنا معايا موديل ٩٩ الموتور 1.8t ....فتيس مانوال ...

العربية قويه وليها مقام علي الطريق ....صالون واسع وقعدة من جوا كويسة جدا ...

مع العلم أني مجرب بي أم ومرسيدس موديلات كتير من ٢٠٠٣ لحاد ٢٠١٣ ....
العربية دي رغم أنها مش نفس مستوا هم بس ماتحسش أبدا أنك معاك ركوبة تعبانه عند المقارنة بيهم ...وأعلي من الأوبل فيكترا ....
الفرق بنها وبين الجيتا كبير جدا ...من حيث الوسع والراحة والقوة والتبات ...

أحلي بكتير من كل الياباني اللي ركبته ...سيفيك واكورد وكورولا وكامري ...

[crazy_mada]

معايا بسات 2000 لمبه البنزين بتنور وترجع علي الفول تاني غيرت الطلمبه وبقت تمام لحد مرجعت فولت التنك عملت نفس المشكله ايه السسب