اول تقرير عن الجولف 7

[Anxs111]

there is a new A3 , shouldnt it be a good competitor...
thanks for the report very nice work...

[ehab_mansour]

رائع ربنا يباركلك فيها و يحفظهالك
الجولف لا نقاش عليها

[corolladestroyer]

there is a new A3 , shouldnt it be a good competitor...
thanks for the report very nice work...

It will be a good competitor but not for the new golf as the price range in egypt is a dominant factor makes Audi A3 compete with Mercedes A SERIES and BMW 1 SERIES unlike europe
thanks....

[corolladestroyer]

رائع ربنا يباركلك فيها و يحفظهالك
الجولف لا نقاش عليها

الله يبارك فيك ويباركلك

[noodile]

على فكره انا كنت محتار نفس الحيره بص الاودي زايده زينون ومرايه صالون تعتيم وتكييف 2 زون
والجولف 7 شاسيه جديد وموتور افضل 140 حصان وشاشه تاتش وميموري وتابلوها في رايي احلى بكتيير والصراحه كفايه الموتور الاودي a3 قدمت اوي والتابلوه بتاعها باين عليه انه ستايله قديم هات الجولف ومش هتندم ابدا وهرفعلك الصور في اقرب فرصه..

شكرا

[Muhammed 123]

اخبار العربية ايه و اخبار الفتيس و حضرتك عامل كام كيلو و بتستخدم بنزين ايه و حضرتك هل التوكيل محترم ولا سيء زي ما بنسمع من ناس كتير و اسعار قطع الغيار ؟ انا اسف طولت عليك بس انا محتار ما بينها هي و الليون ..

[corolladestroyer]

اخبار العربية ايه و اخبار الفتيس و حضرتك عامل كام كيلو و بتستخدم بنزين ايه و حضرتك هل التوكيل محترم ولا سيء زي ما بنسمع من ناس كتير و اسعار قطع الغيار ؟ انا اسف طولت عليك بس انا محتار ما بينها هي و الليون ..

العربيه حتى الان ممتازة ك فتيس وموتور سحب ولا اروع ماشاء الله بستخدم 92 باستمرار ماشي 37 الف كيلو..
مفيش كركرة نهائي استهلاك البنزين
التنك حوالي 55 لتر
بالنسبه لنمط القيادة المتوسط...
داخل البلد حوالي 650 كيلو
السفر من 750 ل 900 حسب سرعتك
ومرة عملت 980 كيلو بالضبط....
الفتيس زيرو مشاكل حتى الان ماشاء الله ممتاز...

مشكلة وحيدة خلال هذه الفتره ظهور صوت من قدام عل اليمين في المطبات حاجه في العفشه وجاري حل المشكلة..

اسعار قطع الغيار
950 تيل فرامل امامي
فلتر هوا 180 جنيه وكذلك التكييف..
السيور 1700 جنيه..
فلتر الزيت 155 جنيه..
الصيانه العاديه بتكلف 700 جنيه..
بتزيد في بعض الصيانات فلاتر توصل 1000 او 1300 جنيه...
اكبر صيانه كل 65 الف 4800 جنيه
بوجيهات وسيور وفلاتر وكله..

والله التوكيل تقدر تقول سيء كمية خناقات هناك للصبح بس بريحو اللي بيتخانق في الآخر وخلاص المهندسين الصراحه مؤدبين
اي نعم بيضحكو عل الناس بس عمري ما شوفت حد فيهم بيزعق ولا بيقل ادبو....
بيحاولو على قد مايقدرو يهربو من مشاكل اي سيارة وتلزيقها للعميل باي شكل من الاشكال...
قطع الغيارة الاساسيه هي المتوفرة
تيل فرامل فوانيس ابواب رفارف مساعدين مقصات قواعد كده يعني...
في حجات صعبه شويه ممكن تطول تقعد 50 يوم لحد ماتيجي....

[22mazagangy]

السلام عليكم, انا قريت الموضوع و انا نفسى بصراحة اجيب الجولف 7 هاى لاين عند حضرتك فكرة هى موجودة ولا لا و ايه حوار صوت الشخللة و الكلام ده لان الحاجات دى بتضايق اوى بالذات لو العربية جديدة و فى ضمان اد ايه على العربية و على الفتيس و لو فى اى حد تعرفه حصله مشكلة فى العربية و اتحلت.. معلش طولت عليك بس انت اكيد عارف الحيرة اللى انا فيها :) شكرا مقدما و ياريت اى ملحوظات عندك على العربية او حاجة شايف المهم نعرفها و يا ريت وسيلة تواصل مباشرة

[corolladestroyer]

العربيه عامة ممتازة وصفقه رائعة في السعر ده لو انت بالذات غاوي جري...
لانها من ارخص اسرع العربيات في مصر
عشان تجيب حاجه تاني بتجري زيها هتحتاج تكسر ال 300 الف برقم حلو...
ثبات ممتاز جدا. فعلا ماشاء الله حاجه اسطوريه...
عفشه ناشفه الى حد ما...
سواقتها ممتعه جدا جدا..
صوت الشخلله اللي مكنتش فاهمه ان ده صوت بيطلع من الفتيس و صوت طبيعي لاسباب ميكانيكيه, بيظهر لو انت فاتح الشباك والطريق مكسر شويه او في شارع ضيق من صدى الصوت....
العربيه في صوت دبدبه شويه من ورا...
عزل الهوا جيد جدا تسمع صوت الهوا بيخبط فوق 120 لو مركز معاه...

[corolladestroyer]

الهاي لاين حاليا موجودة اعتقد...
ضمان العربيه سنتين كيلوات مفتوحة...
طالما بتعمل صيانتك كلها في التوكيل محدش يقدر يتكلم معاك ربع كلمه في الفتيس واعتقد انك مش هتحتاج ان شاء الله

[ahmed.Elashy]

الهاي لاين حاليا موجودة اعتقد...
ضمان العربيه سنتين كيلوات مفتوحة...
طالما بتعمل صيانتك كلها في التوكيل محدش يقدر يتكلم معاك ربع كلمه في الفتيس واعتقد انك مش هتحتاج ان شاء الله

لو حبيت اغير الاضاءه او ازود ليدات او زينون او بارك سنسور
هل بيخرج من الضمان
ولا بخرج من ضمان الكهربا بس ؟

[NaderNabil]

كنت في بي أوتو أول إمبارح و سألت على الجولف الهايلاين...هاتبقى موجودة في شهر 5 أو 6 و سعرها هايكون 260000.....زيادة عن البيزلاين سقف بانوراما و زينون ببخاخات و مثبت سرعة و فرش جلد

عندهم واحدة هايلاين عاملة 10000كم مطلوب فيها 210000 و أعتقد دي صفقة ممتازة للي حابب

[igneous]

انت بصراحة قلقتيني من العزل بتاعها , ممكن تقول ايه اخباره
و الحاجة التانية صوت الهبد اللي ورا طلع ايه سببه علشان بصراحة حاجة تضايق تبقي عربية جديدة و تسمع شخلللة او هبد
و اخيرا الفتيس ايه اخباره
معلش اسألة كتيرة بس انا فعلا نفسي اجيب الهاي لاين بس خايف من الفتيس
و شكرا لمجهودك معانا

[igneous]

هو احنا مش ممكن نثبت الموضوع ده بخصوص جولف 7

[corolladestroyer]

عزل السيارة ممتاز لحد 120 كم
بعد كده الضوضاء بتزيد صوت الهوا بتبدأ تسمعه...
و بعدال 180 بتبقه الدنيا مزعجه نوعا ما بس ده العادي في رينج السعر ده بالعكس هيا افضل من سيارات كتيير جدا واغلى زي الفولفو اس 60 مثلا..
غير كده بقه انت محتاج تركب 5 series او E Class عشان يبقه معاك عزل محترم...
الفتيس الحمدلله ماشاء الله لاحول ولاقوة الابالله تمام عامل الى الآن 40 الف كيلو صفر مشاكل...
العربيه كتسارع وثبات وقيادة رياضيه اديها الدرجه الكامله...

عيوبها بالنسبالي:-
العفشه ناشفه شويه..الهبد مش بسمعه حاليا مش عارف بقه تعود ولا ايه...
صوت الكاسيت نص ونص هما 8 سماعات و surroundings وكل حاجه بس مش عاجبني اوي...الهاي لاين المفروض الصوت افضل...لانها بتنزل ب media تاني اصلا انضف بكتيييييير...
وانا شايفه الصراحه اختيار موفق جدا بالذات الهاي لاين الزينون والبانوراما والكاسيت الجديد اكيد هيعملوا فرق برضو..