دردره والعربيه واقفه

[hamada_elzayat]

بقالى كام يوم العربيه صوت الموتور عالى وفيها رجرجه وهيا واقفه والار بى ام بيلعب كده لوحده بدون اى مقدمات
ولما اجى اهدى عشان اقف او بركن العربيه احس انها عاوزه تبطل وكمان لمبه الزيت بتنور بسيط كده لما اجى افرمل عشان اقف فى اشاره مع ان مقياس الزيت كويس جدا
على السرعات مفيش اى مشكله خالص وبتسحب وبتجرى لكن المشكله كلها عالهادى والطلعه والركنه
دى مشكله ايه بقى ؟
انا شاكك يا كهربا يا بنزين مضروب عشان انا فولت من بنزينه مجهوله كده 92
اصحاب الخبره افيدونا

[Silent~Dream]

استنى شويه لما التانك يقرب يفضى ونضف البوابه و حساس الايدل و ابقى مون من بنزينه نضيفه و مضمونه

[Mecha]

sort the fuel story first and fit new filter
how is u r plugs and coil

if all of those ok

it is either map sensor or crankshaft sensor
normally in german complicated cars

[أحمد جودة]

كدة كهربا ماخرة وضعيفة .......... معرفش شكل منظمة الاشعا عندك عبارة عن اية

لو عندك إسبراتير قدم الكهربا منه وزود مسمار البنزين لحد ما عداد الــ rpm يبقي ثابت وصوت الموتور منتظم


فك الاسبراتير ولفة حوالي .5 سم ( نصف سم ) فى إتجاة عقارب الساعة وبالتوفيق

[hamada_elzayat]

شكرا جزيلا يا شباب على الاهتمام وان شاء الله رايح بيها النهارده للميكانيكى وربنا يسهل وان شاء الله اقولكم على الاخبار عشان نستفيد

[Amr_Azab]

انا عندي تقريبا نفس المشكلة وهي اتحلت نوعا ما لما نضفت البوابة بس برده اوقات عداد الـ rpm بيلعب شوية علي السلانسيه واوقات لا
فا الميكانيكي قالي املا نص التنك بنزين 95 والنص التاني 92 وحيتظبط الموضوع ده
فحجرب واشوف

[hamada_elzayat]

كاااااااااااااااااوتشه سيرفو
الكاوتشه مقطوعه وطالعه من مكانها وكانت بتسرب هوا ومع الفرامل وضغط الهوا بتاع الفرامل وعالسلانسيه كانت بتبان الدردره لما الكاوتشه تتهز وبالمره نظفت البوابه وغيرت فلتر البنزين
والحمد لله