معروض عليا jetta 2009 جيتا

[EngAhmed13]

بسم الله الرحمن الرحيم
معروض عليه جيتا 2009 هاي لاين خليجي فتيس 6 سرعات 1600 سي سي كانت بتاعه مديري كان دافعلها 7500 ج.م عشان الصيانه في الوكيل
زينون - مثبت سرعه - 8 ايرباج - 103000كم - جنط 17 - فتحة سقف
كانت اتخبطت منه في الجنب الشمال ورش بابين
وديتها لفني سمكري شاطر قالي مافيهاش حاجه مسمعه جوه في القوايم او الشاسيه
الباب اليمين ورا في مفصله مريحه بس مفيهوش حاجه تانيه
كليبس الاكصدام الامامي سايب
تحكم هوايات فتحات التكييف للسائق مش موجوده
لسه عاملها صيانة ال 100000 كم ومغير زيت فتيس وتيل خلفي والامامي كويس وطقم كاتينه وسيور كامله في الوكيل
العربيه ممتازه في الغيار مفيهاش غلطه غير كده.


ازاي اتأكد من جوده الموتور والفيتيس والعفشه فين وبكام؟؟
والسعر 115000 ج.م
وكمان الجنط ال 17 بيبوظ الكاوتش زي الكيا ولا لأه؟؟
وكمان ازاي اعرف اذا كان الايرباج فتح ولا لأه؟؟

ارجو الافاده والتفاعل

[EngAhmed13]

هل الايرباج بيطلع من فتحه التكييف؟؟
اعرف ازاي اذا كانت زينون ولا عدسات؟؟
جدول الصيانه بعد ال 100000 اخباره ايه؟؟

[Maghraby1987]

اكشف عليها في التوكيل طبعا، هتدفع مبلغ محترم اه بس هيجيبولك كل كبيرة و صغيرة فيها
و ربنا يوفقك للي فيه الخير

[Amr_tika88]

انا كشفت في توكيل العبور بس هوا ملهوش دعوه بالسمكره هوا بيكشف ميكانيكا وكهربا بس

[Amr_tika88]

الكشف كان بحوالي ٣٥٠ جنيه

[EngAhmed13]

ايه رأيكم يعني
لو الوكيل قالي مفيهاش حاجه ؟
اتوكل على الله؟
الصيانات اللي بعد كده نظامها ايه؟؟
اللي يعرف حاجه يفيدني

[EngAhmed13]

اكشف عليها في التوكيل طبعا، هتدفع مبلغ محترم اه بس هيجيبولك كل كبيرة و صغيرة فيها
و ربنا يوفقك للي فيه الخير

حجزت يوم. الجمعه الجايه انشاء الله في ابو رواش

[EngAhmed13]

الكشف كان بحوالي ٣٥٠ جنيه

بيقولو ب 500

[EngAhmed13]

فين المشاركات عايزين اراءكم يا اعضاءنا الكرام

[EngAhmed13]

طب هي كده غاليه ولا كويسه ولا ايه النظام
هو الاعضاء هاجرو من المنتدى ولا ايه
ارجو الافاده

[moumen_shafik]

انا رائيي 100 الف كيلو كتير قوى على 2009 وعلى كلامك فتحه التكييف مش موجوده والكلام ده
يعنى اكيد الى كان راكبها مكنش محافظ عليها
استخير ربنا كده وان شاء الله يوفقك للى فيه الخير

[just_magdy1]

انا رأيي حضرتك ها تدفع مبلغ فوق ال ١٠٠ الف جم فحاول تجيب حاجه مش متهانه او ماشيه كتير انا بغير كتير بس بحب اشترى كسر الزيرو لان العربيه لما بتعمل ١٠٠ الف بيكون بالبلدى أتاخد خيرها ... وربنا يوفقك

[eleanor]

العربيه شكلها متهانه وصاحبها مهمل فيها حبتين استنى شويه وهاتلاقى حاله احسن

[EngAhmed13]

انا رأيي حضرتك ها تدفع مبلغ فوق ال ١٠٠ الف جم فحاول تجيب حاجه مش متهانه او ماشيه كتير انا بغير كتير بس بحب اشترى كسر الزيرو لان العربيه لما بتعمل ١٠٠ الف بيكون بالبلدى أتاخد خيرها ... وربنا يوفقك

السيارة اللي ماشيه اقل من 100000 فتيس قديم عامله 130000
طب ممكن اركب ايه بالميه دول

[EngAhmed13]

العربيه شكلها متهانه وصاحبها مهمل فيها حبتين استنى شويه وهاتلاقى حاله احسن

هستخير ربنا وربنا يوفقنا للخير شكرا لوقتك