استفسار بخصوص تزويد مياه الريداتير بولو 96

[أحمدكونت]

السلام عليكم ورحمه الله وبركاته

كنت عايز اعرف افضل طرق لتزويد مياه الريداتير هل وهى مطفيه الصبح حتى والجو حار فى الصيف ولا الصبح وهى بارده ادورها الاول وبعدين ازود مع العلم انى بزودها وهى بارده تماماً الصبح وهى مطفيه بس بعدها ب3 ايام بلاقى الميه نقصت وقريت انى الالمانى لازم ازود والموتور داير ؟؟؟؟؟؟؟؟؟؟؟ كنت عايز اعرف بقى لو فى الصيف تزويد المياه الصبح وهى مطفيه عاادى ولا لازم ادورها ؟؟؟؟؟؟؟؟

[akmm]

متفرقش ولكن المهم الموتور يكون بارد والمياه بالرادياتير اثناء التزويد تكون بارده ............... ولكن استعمل دائما الماء المعالج الملون افضل كثيرا .

[lidosasa]

أهم حاجة إنك تزود والموتور بارد ولو الموتور سخن يبقى تدور العربية ونقص المياه ممكن يكون فيه تسريب فى الدورة وملهوش علاقة بإنك بتزود مياه إزاى . الأهم هو حضرتك بتزود مياه مخصصة للتبريد ونوعها أيه ؟ ولا بتحط مياه حنفية

[saddam]

صديقي المواطن
أولا المياه العادية حتتبخر في درجة حرارة أقل من الماء اﻷلوان المعالج اﻷنتفريز ولكن يضاف ﻷسباب نقصان المياه عندك هو غطاء القربة أو غطاء الراديتير ﻷنه بيطرد الماء لبره ومش بيرجع يشفطه تاتي فلذلك إقتضى التنويه فغيرهم بنوع نظيف وبالتوفيق
ودمتم للنضال

[أحمدكونت]

أهم حاجة إنك تزود والموتور بارد ولو الموتور سخن يبقى تدور العربية ونقص المياه ممكن يكون فيه تسريب فى الدورة وملهوش علاقة بإنك بتزود مياه إزاى . الأهم هو حضرتك بتزود مياه مخصصة للتبريد ونوعها أيه ؟ ولا بتحط مياه حنفية

انا بحط ميه خضرا iada 5% علشان العربيه جبتها فيها ميه خضرا ..

[أحمدكونت]

يعنى افضل طريقه للتزويد وهيا برده الصبح ازود الميه وبعد كده ادور ولا العكس ؟؟ معلش اصل دى اللى محيرانى لان كل واحد بيقولى رأى انا فهمت انو مفيش فرق طالما الموتور بارد بس هما بيتكلمو فى فكره تقليب الميه عن طريق الطرمبه ؟؟؟؟؟؟؟؟؟؟؟؟؟؟؟!!!!!!!!!!!!!!!!!!

[iBiZa]

انا بحط ميه خضرا iada 5% علشان العربيه جبتها فيها ميه خضرا ..

هو مبدئيا المياه الخضرا غلط على العربيه انت المفروض تحط مياه خمرا و تزودها بمياه مقطره بتاعه البنزينه.

يعنى افضل طريقه للتزويد وهيا برده الصبح ازود الميه وبعد كده ادور ولا العكس ؟؟ معلش اصل دى اللى محيرانى لان كل واحد بيقولى رأى انا فهمت انو مفيش فرق طالما الموتور بارد بس هما بيتكلمو فى فكره تقليب الميه عن طريق الطرمبه ؟؟؟؟؟؟؟؟؟؟؟؟؟؟؟!!!!!!!!!!!!!!!!!!

افضل طريقه للتزويد وهيا برده الصبح تزود الميه وبعد كده تدور بس المياه لو بتنقص يبقى عندك حاجه بتعمل leackage لان لو العربيه صح ممكن تقعد سنه من غير ما تزود مياه.

الصح تعرف ايه اللى بيسرب المياه و تصلحه و تجرب العربيه اسبوع. لو اليام منقصتش يبقى تغسل دوره و تحط مياه حمرا و تزود بالمقطره.

[lidosasa]

اللى قريته قبل كده من خبراء الفولكس على ما أتذكر إن المياه الموصى بها فى الكتالوج هى المياه الحمرا تركيز 50 % وبتشترى العلبة بتبقى لتر وبتزود الباقى مياه مقطره

[أحمدكونت]

هو مبدئيا المياه الخضرا غلط على العربيه انت المفروض تحط مياه خمرا و تزودها بمياه مقطره بتاعه البنزينه.



افضل طريقه للتزويد وهيا برده الصبح تزود الميه وبعد كده تدور بس المياه لو بتنقص يبقى عندك حاجه بتعمل leackage لان لو العربيه صح ممكن تقعد سنه من غير ما تزود مياه.

الصح تعرف ايه اللى بيسرب المياه و تصلحه و تجرب العربيه اسبوع. لو اليام منقصتش يبقى تغسل دوره و تحط مياه حمرا و تزود بالمقطره.

الف شكر ليك ياباشا .. انت كلامك فعلاً مضبوط سئلت اكتر من واحد قالى ميه حمرا فعلاً شكراً لاهتمامك جداً

[eraser]

مبدئيا كده الاخوه هنا قامو معاك بالواجب وقالولك انك المفروض تحط ميه حمرة تحديدا g12
انا هلخصلك الموضوع
روح اعمل دورة غسيل للرادياتير من جوه (فى البنزينة او عند بتاع رادياتير كويس) واعمل كبس للدورة عشان لو فيه تسريب يبان
هات ازازة ميه حمرا مركزة هيبو g12 هتلاقيها لتر ونص وزود عليها مية مقطرة طبعا بعد ما تعالج التسريب لو موجود
لو محتاج اماكن قطع غيار او بنزينة كويسة قوللى