polo 2008

[kimopops]

السلام عليكم ياجماعة وكل سنة وانتم طيبين
ممكن تقرير عن بولو 2008 واكون شاكر جداااااا

[CryptonX]

معرفش غير ان تمنها 125 الف جنيه
و ان موتورها 1400 85 حصان
و انها تفقيل برازيلي بالكامل

و انها اصبحت من اندر الهاتشباك في مصر :)

في راي الشخصي وفر ال 25 الف جنيه

و هات سيات ابيزا ( نفس الشاسيه - نفس الموتور - اشيك بكتير و تقفيل اسباني ) و ارخص طبعا .

[kimopops]

شكراا علي الرد CryptonX

[kimopops]

بس انا رايي انها مش تقفيل برازيلي لانها لو تقفيل برازيلي كانت هتبقي رخيصة زي الباراتي والبوينتر

[dr_3eshoo]

برازيلي و ايه سبب انها ب 125 مش عارف
بجد خليك في اابيزا ارخص سعرا و هيا هياها مافيش فرق

[hazem_khidr]

فعلا الابيزا و البولو من اول 94 و هما نفس الشي
باختلاف الشكل الخارجي
حتي كان موديل 94 نفس التابلوه مشترك في الاتنين!!!
خليك في الابيزا افضل

[Nader]

معرفش غير ان تمنها 125 الف جنيه
و ان موتورها 1400 85 حصان
و انها تفقيل برازيلي بالكامل

و انها اصبحت من اندر الهاتشباك في مصر :)

في راي الشخصي وفر ال 25 الف جنيه

و هات سيات ابيزا ( نفس الشاسيه - نفس الموتور - اشيك بكتير و تقفيل اسباني ) و ارخص طبعا .

فعلاً الابيزا نفس الموتور والشاسية وتقفيل اوربي وارخص اكثر من 25 الف جنية.

[kimopops]

شكراااا ياجماعة علي الردود وان شاء الله اجيب الابيزا

[CryptonX]

شكراااا ياجماعة علي الردود وان شاء الله اجيب الابيزا

مبروك مقدما و متستعجلش برده :)

لو عايز محركات اعلي عندك السكودا فابيا ميني الجديدة و هي هي برده نفس الفكرة
شاسيه و محركات فولكسفاجن بولو و تصميم خارجي من سكودا بس 1600 سي سي 108 حصان كاملة اعتقد ب 100 الف فقط .

و لو عايز تعلي شوية لفوق بس طبعا دي ملهاش علاقة بالالمان :)

جراند بونتو Tjet COUPE
سيارة من فيات بابين بمحرك 1400 سي سي بتربو شارجر يولد 122 حصان و 155 عزم
تمنها اعتقد 135 او في الحدود دي .

--------

البولو البرازيلي غالية لسبب واحد انها " تفقيل " البرازيل فقط انما البوينتر و البارتي تصميم و تصنيع و تفقيل كامل برازيلي يعني VW في المانيا لا تتدخل نهائي تصميمهم او حتى تغيير شكلها بعكس البولو .

[kimopops]

شكرااا CryptonX وان شاء الله اعيد التفكير بس اعتقد الجراند بونتو هاتكون طلبي عشان قوة موتورها بس انا كنت بفضل الالماني وبالمناسبة انا كان عندي بولو 97 1300سي سي عشان كدة انا مقتع تماما بالالماني وشكراا مرة تانية

[CryptonX]

طبعا البولو سيارة اعتمادية و جميلة جدا بس للأسف التوكيل قضى تماما علي 2008 منها .

انصحك تروح ArtocAuto تشوق السكودا فابيا .. هي اقل شكلا و مضمونا من الجراند بونتو و الابيزا و لكنها اقوى من الابيزا و ارخص من البونتو التربو .

الجراند بونتو التيجيت كوبيه لو عايز تشوفها يبفى في معرض Omatra في شارع الزراعة بالمهندسين .

ابيزا برده في SMG في المهندسي ( شارع جامعة الدول العربية )

لازم تعد فيهم ال 3 علي الاقل علشان ممكن حتى لو البونتو اقواهم ممكن مترتحلهاش .. فروح و شوف وقلنا :)

[Ahmed Anwer]

كريم الميني فابيا غالية جدا

و مش بمائة الف خالص

اغلي من كده بتبدي ب 120 الف تقريبا

اتاكد بس كلم الوكيل ،، اسعار كونتكت غلط تقريبا علي الفابيا القديمة