الحمد لله الموتور فوت

[mahmoudfawzypr]

العربية كانت "تلتت " و بقت بتطلع دخان ابيض من خرطوم الفايظ من قبل العيد وكنت كتبت المشكلة هنا

http://www.nilemotors.net/Nile/382654-a.html

النهاردة رحت لورشة البشمهندس محمد سمير في جسر السويس بس هو مكانش موجود وكان فيه اتنين تانين موجودين مش فاكر اساميهم ......اول واحد شاف العربية قالي جابت موتور ......السبب ايه طيب ...قالي سخنت منك ...قلتله هي بس العداد عدا ال 90 "بملي " مش بشرطة من الشرط اللي في العداد ووقفت فورا (الفيووز بتاع الماروح البلاستيك اللي عليه ساح ومعرفش ليه ) وغيرت الفيوز وساعتها والمراوح اشتغلت علىطول وسبت العربية تهدا .....قالي هو ده السبب ...قلتله يعني تعدي ال 90 بملي الموتور يبوظ ...قالي ااه

المهندس التاني كان بيجرب عربية وجه بعد ربع ساعة وبص وعلاطول قالي موتور انتهي .....وفتح غطا تزويد الزيت نفورة بخار طالعة ...وشال مقياس الزيت لقا دخان طالع برضه

انا معنديش حل غير اني اصلح وصعب ابيع لان انا مبشتغلش و حستلف من اخويا علشان اصلح ولو بعت العربية مش حجيب حاجة كويسة فحلي الوحيد اني اصلحها وتقعد معايا لغاية لما ربنا يكرمني بشغل وابيعها وجيب حاجة احسن

دلوقتي انا مش عارف ايه اللي يتعمل ..هل اجيب موتور كامل مقفول على بعضه ولا شورت بلوك ولا ايه ؟
ومين احسن حد اجيب من عنده والاسعار في حدود كام ؟

[chiko]

للاسف فعلآ الماتور راح . وممكن يتصلح يتعمر يعني ..لكن غالبآ مش هيرجع زي ما كان لانه محتاج واحد فاهم اوي خصوصآ في البورا .. و التكلفه هتكون نفس تكلفة ماتور استراد .. و للاسف ماتور العربيه ده غالي .. هتلقيه في الحرافين عند اكتر من واحد .. و ابعد عن الوكاله .. مش هتلقيه فيها حاجه كويسه .. الوكاله مفهاش غير للموديلات القديمه

[grumby78]

نصيحه من مجرب وفي العربيات الالماني بالذات اوعى تعمل عمره . حتلاقي مشاكل كتير وعمر موتورك ماحيرجع ادائه زي ماكان وحتصرف كتير . جيب موتور استيراد بس لازم يكون مع مختص وفاهم وتحت التجربه . ربنا يوفقك

[eraser]

معلش ربنا يعينك
للاسف انا معرفش تاجر ثقة فى الحرفيين بس فيه ميكانيكى كويس فى جسر السويس ممكن تروحله وهوا ينزل معاك تجيبوا ماتور

[mo3tazanas]

قدر الله وما شاء فعل
بص بسيطة ان شاء اللة هو الحكاية كلها هتتكلف حوالى من 5الف الى 5.5الف هتغير بلوك كامل وهيعمل حوالى 4000الف +مصنعيات +حبشتكنات هتعمل من الف الى الف ونص

[amrelsaqqa]

شوف الموضوع ده هيفيدك جدا

http://www.nilemotors.net/Nile/384516-a4.html

وكمان الموضوع ده

http://www.nilemotors.net/Nile/343150-a4-6.html

بس انا ملاحظ ان الموتور ده مش معمر نهائى على طول اشوف عربيات اسكودا ايه فور وجولف جايبين مواتير .. !


ربنا يعينك ، وبسيطة ان شاء الله :)

[mahmoudfawzypr]

نصيحه من مجرب وفي العربيات الالماني بالذات اوعى تعمل عمره . حتلاقي مشاكل كتير وعمر موتورك ماحيرجع ادائه زي ماكان وحتصرف كتير . جيب موتور استيراد بس لازم يكون مع مختص وفاهم وتحت التجربه . ربنا يوفقك

انا قاري كتير الحمد لله ولاحظت ان فعلا العمرة متنفعش في المواتير دي ...وشكرا على رد حضرتك

[mahmoudfawzypr]

معلش ربنا يعينك
للاسف انا معرفش تاجر ثقة فى الحرفيين بس فيه ميكانيكى كويس فى جسر السويس ممكن تروحله وهوا ينزل معاك تجيبوا ماتور

انا انشاء الله حجيب ميكانيكي كويس يشوف موتور معايا .......شكرا لرد حضرتك

[mahmoudfawzypr]

قدر الله وما شاء فعل
بص بسيطة ان شاء الله هو الحكاية كلها هتتكلف حوالى من 5الف الى 5.5الف هتغير بلوك كامل وهيعمل حوالى 4000الف +مصنعيات +حبشتكنات هتعمل من الف الى الف ونص

فعلا الحكاية شكلها حتتكلف فعلا المبلغ ده ....انا اخدت ارقام بتوع مواتير من عند محمد سمير واتصلت بيهم والساعار كانت 4500 للبلوك والموتور كامل ب 5500 على ما اتذكر ...شكرا لرد حضرتك

[mahmoudfawzypr]

شوف الموضوع ده هيفيدك جدا

http://www.nilemotors.net/nile/384516-a4.html

وكمان الموضوع ده

http://www.nilemotors.net/nile/343150-a4-6.html

بس انا ملاحظ ان الموتور ده مش معمر نهائى على طول اشوف عربيات اسكودا ايه فور وجولف جايبين مواتير .. !


ربنا يعينك ، وبسيطة ان شاء الله :)

شكرا جدا لحضرتك .......بس المواتير كويسة بس مشكلتها حاجة واحدة عايزة واحد يحافظ على العربية جدا وده مش موجود في مصر ... هنا في مصر طول ما العربية بتتحرك تبقى سليمة ولو وقفت يبقى فيها حاجة غلط

[mahmoudfawzypr]

انا بس اللي مجنني انا عايز اعرف الموتور باظ ليه ....... المهندس بيقولي العربية سخنت جدا وده محصلش واللي اعرفه ان العربية لما تسخن المفروض اللي يضرب هو جوان وش السلندر والميا تخش على الزيت والعكس وده محصلش ..... كون العربية بتطلع دخان فده طقم شنبر ايه بقا اللي يخليها تجيب شنبر في خلال 4 ساعات و العربية كان فيها زيت لاني قبل ما باشغل العربية دايما ابص على مستوى الزيت ........وبعدين العربية لما رجعت امبارح وركنت تحت البيت قعدت اقرص على الموتور وجبت ال rpm على 6 وبصيت وراي ملاقيتش دخان يقول ان العربية دي موتورها مفوت .....انا قدامي اسبوع وابدا اشوف حعمل ايه في العربيا بس عايز اعرف الموتور اللي فيها ده باظ ليه علشان اتفادى السبب مستقبلا