محتاج اعرف محمد سمير كويس

[Honda_lover]

بسال عن محمد سمير اللي فالنزهة فاهم وكويس ولا بيعك ?وسمعت انه عندو قطع غيار اجبها من بره احسن وهو يركبهالي? ولا اجبها من عنده? اخيرا مصنعيته مبالغ فيها ولا عادية ? ولا غالية بس متناسبة مع الخدمة اللي بيقدمهالي ? وياريت رقم تليفونه وعنوانه بالتفصيل ? وشكرا مقدما

[loshabih]

كويس جدا بس غالي في مصنعيته والحاجه تجبها من بره ..
الطريق وانت رايح علي الحرفيين من جوزيف تيتو هتاخد تاني ملف وتلف وترجع هتلاقي طريق جديد علي اليمين اسمه محور طه حسين هتدخل فيه هتلاقيه علي ايدك اليمين

[حماده المصري]

هو ده سمير الي معروف في الفولكس ولا حد تاني

وهو مش مكانه عند ديقه بدر

هو نقل ولا ايه؟؟

[iBiZa]

بسال عن محمد سمير اللي فالنزهة فاهم وكويس ولا بيعك ?

احسن واحد بره التوكيل فاهم فى العربيات ديه.

وسمعت انه عندو قطع غيار اجبها من بره احسن وهو يركبهالي? ولا اجبها من عنده?

اللى يريحك الاتنين عادى. بس زى ما انت ترتاح.

اخيرا مصنعيته مبالغ فيها ولا عادية ? ولا غالية بس متناسبة مع الخدمة اللي بيقدمهالي ?

اغلى من الميكانيكى العادى بس ارخص من التوكيل.

وياريت رقم تليفونه وعنوانه بالتفصيل ?

هتلاقى عنوانه الجديد فى الرابط ده.

http://www.nilemotors.net/Nile/3874300491-post37.html

وشكرا مقدما

عفوا مقدما.

[ra3d]

تالت ملف و انت جاي من مصر الجديدة شارع اسمه محور طه حسين

و بالنسبة للفرع اللي في النزهة اقل حاجة بيشتغل فيها خولف 4
روحت عنده بالبولو قالي روح فرع شارع الاربعين

[Honda_lover]

روحت النهاردة الحمد لله لمحمد سمير هو فاهم كويس طبعا زي متفضلتوا وقولتوا بس للاسف مبالغ جدا جدا جدا جدا جدا فالمصنعية بتاعته انا معملتش حاجة غير تغيير سير الكاتينة وسير المجموعة اخد مني 350 جنيه بتهيالي لو كنت غيرتهم فالتوكيل كان اخد اقل من كده وبناء علي التجربة دي ساذهب للتوكيل فالمرات القادمة باذن الله تعالي الف شكر ليكم جميعا

[eraser]

شوف المهندس خالد اسماعيل
مكانه:مدينة نصر-الحى العاشر-مدينة الواحة
تليفونه:01002970564
انا ما اتعاملتش معاه بس الناس هنا بتشكر فيه