جولف موديل 86

[a_s_a_o]

السلام عليكم
امامى سيارة جولف 1 موديل 86 - فابريقة دواخل رشة برة- تكيف - سنتر - 2 كهرباء امامى - جنوط سيور - كاوتش عريض - عدة صوت محترمة - الدهان الخارجى جيد - فيها ماتور 1600 استيراد - مثبت على الرخصة 1100 مش عارف ازاى ؟؟؟؟ - حالة الكاوتش متوسطة - العربية مطلوب فيها 25 الف - العربية دى تسوى كام

عشان ناوى اخلصها بكرة ان شاء الله

[iBiZa]

السعر كويس بالنسبه للحاله اللى انت ذكرتها.
الموتور عادى يتثبت فى المرور اقل من الcc بتاعه عشان الضريبه.

[tareksakr]

مافيش جولف 1 موديل 86 الجولف 1 اخر موديل لها 83 وبعد كده من 84 ل 90 جولف 2

[a_s_a_o]

السعر كويس بالنسبه للحاله اللى انت ذكرتها.
الموتور عادى يتثبت فى المرور اقل من الcc بتاعه عشان الضريبه.

مفهاش يعنى مشكلة النقطة دى تلاعب او كده

مافيش جولف 1 موديل 86 الجولف 1 اخر موديل لها 83 وبعد كده من 84 ل 90 جولف 2

هو ده نفس شكل العربية بالظبط

[chiko]

السعر الكويس ليها في حدود 20 الف لانك ممكن تجيب 2 بي 25 .. و بالنسبه للماتور عادي يتكتب اقل من ال سي سي .. و فعلآ الجولف 1 مفيهاش 86 لكن برتك عادي انا عربيتي 88 و مكتوبه 81 ...

[tareksakr]

دي جولف 1 مش 2 وسعرها غالي جدا ب 25000 انت ممكن تزود 5 كمان وتركب جولف 2 نضيفة او ابيزا 94

[a_s_a_o]

شكرا ليكوا يا جماعة

[M!D0]

بص يامعلم اولا ربنا يوفقك فى العربية دى او غيرها وتلاقى اللى يناسبك ثانيا الجولف 1 جميلة وانا بعشقها بصراحة لانها عربيتى والسعر ده على حسب حالتها لو حالتها حلوة اوى اتكل على الله وخدها بس عشان تبقى عارف هى حاجتها قليلة فى السوق وهتلاقيها غالية شوية اينعم ممكن تركلبها حاجات كتير من جولف 2 بس مش كلها طبعا واكشف عليها كويس اوى وتكون كل حاجة فيها شغالة انت مش هتجيب عربية كل يوم وده تاريخ الجولف 1
Volkswagen Golf Mk1 - Wikipedia, the free encyclopedia

[mzkader]

زى ما الشباب موضحة العربية جولف 1 و أخر موديل ليها 1983 لكن ممكن صاحبها يكون مسقط موتور جولف 2 سنة الصنع 1986 لكن من وجهة نظرى خليك فى الجولف 2 أفضل فى كل حاجة و بيركب عليها حاجات كثيرة من الجولف 3.