بورا 2000 كاملة اتوماتيك

[hoka]

السلام عليكم ورحمه الله وبركاتة

معروض عليا عربية بورا كاملة اتوماتيك هي حالتها كويسه عامله 200 الف كم وفيها شويه خربيش في الجوانب والموتور حالته كويسه ... معروضة بسعر 65000 الف ج الرجاء عاوز اعرف سعرها حلو ولا لا و قطع الغيار غاليه ولا ف العادى مع الشكر

[mohamedbook]

اعتقد سعرها حلو
بس قطع غيارها غالية حبتين ياريت قبل متشتريها تكشف عليها كويس عشان لو محتاجة شغل هتصرف منك كتيير
يعني يتل الفرامل الامامي يعمل حوالي 350ج تيل خلفي اغلي منة شوية 385 ج فلتر زيت 60ج فلتر بنزين 85 ج بوجيهات تعملها 230ج
بس حاجتها متوفرة استيراد بس انت ونصيبك في الاسعار

[hoka]

اعتقد سعرها حلو
بس قطع غيارها غالية حبتين ياريت قبل متشتريها تكشف عليها كويس عشان لو محتاجة شغل هتصرف منك كتيير
يعني يتل الفرامل الامامي يعمل حوالي 350ج تيل خلفي اغلي منة شوية 385 ج فلتر زيت 60ج فلتر بنزين 85 ج بوجيهات تعملها 230ج
بس حاجتها متوفرة استيراد بس انت ونصيبك في الاسعار

بلاش منها لانها فعلا قطع غيارها غالية بعد سؤالي واشكرك للافادة والرد

[mzkader]

بلاش منها لانها فعلا قطع غيارها غالية بعد سؤالي واشكرك للافادة والرد

قطع الغيار ممكن تكون غالية بس معمرة و تستاهل غير ان ركوبتها أفضل من كل اليابانى و الكورى اللى فى نفس سعرها يعنى الفرق يستاهل

[ahmed azaizy]

انا كان معايا بورا اوتوماتيك موديل 2000 كامله وبعتها
وكانت اكبر غلطه فى حياتى انى بعتها
العربيه دى لو سليمه والله هتتمتع بيها اووووووووى
لو عاوز اى سؤال بخصوصها انا تحت امرك
السعر ده ينزل على الاقل 5 الاف او اكتر .. يعنى انت وشطارتك

[mohamedbook]

ياباشا العربية لو حالتها حلوة متنزلش عن كده سعرها كده كويس

[فنان]

ارى ان البورا تماما مثل ال bmw الدبانة وكأنها نسخة اصغر همسة منها بل افضل لان الموتور ال 1600 الاتوماتيك مناسب عليها اكتر من ال 1600 الاتوماتيك فى ال bm ولذلك فالبورا عملية اكتر كأنك راكب bmw مع فارق السعر لصالح البورا وخاصة اسعار البنزين اللى هتكون غير مدعمة للمواتير اللى اعلى من 1600