أفيدوني في شراء جولف 4 2001

[مروان]

السلام عليكم و رحمة الله و بركاته
احيكم جميعا يا اهل الألماني
انا شخصيا حابب العربيات الالماني
انا معايا عربيه بيجو 504 حاليا و ركبت عربية اخويا شويه و هيا هوندا سيفيك 88
و هما عربيتين بكل أمانه كفائه لاكن بالنسبه للي معايا حاليا و هيا البيجو العربيه جباره لاكن مش سني
و عاوز اجيب عربيه اعتماديه و كويسه و شبابي و يبان عليها التظبيط و في حدود امكانياتي اللي هيا في حدود من 60 ل 75

انا عاوز مشورتكم انا اخر 3 اختيارات قدامي و ركزت عليهم هما

جولف 4 2001
بورا 2002

هيونداي نيو اكسن 2010

طبعا الهيونداي لا تقارن بالعملاقتين جولف و بوراا لاكن انا بشوف فلوسي تجيب ايه و بقرر

انا من المنصوره
قدامي جولف 4 فبريكه بره و جوه مكنه 1400 سي سي فضي ماشيه تقريبا 180000

عاوز مشورتكم العربيه دي كويسه مريحه في الركوبه هيا مانيول علي فكره قطع غيارها حنينه
انا سألت عند مكاوي اللي في المنصوره قالي جولف 4 و بورا لحد 2004 حنينيين جدا في قطع الغيار و قطع غيارهم موجوده بس انا بتأكد منكم و عاوز حد مجرب يفيدني بجد

جولف 2001 فابريكة بالكامل....حالة شاذة - فولكسفاغن سيارات في المنصورة الدقهلية | دوبيزل مصر

دا مكان الاعلان و عاوز بردو ترجيحكم انا فكرت في بورا اتوماتيك 2002 لاكن فيه ناس قالتلي الاوتوماتيك في الالماني مش حلو و له مشاكل هل دا كلام صحيح

افيدوني افادكم الله

[iBiZa]

الجولف و البورا هما الاتنين حاجتهم بقت عند كل الناس و اسعارها معقوله و معمره.

الاوتوماتيك القديم مفيهوش مشاكل زى الاوتوماتيك الجديد.

180 الف كيلو على ال1400 ممكن تحتاج عمره قريب بس حسب الرجل اللى بتسوقها.

[fares_311]

بص هي الجولف 4 احسن اختيار بس بلاش ال1400 دي
مبلغ ال75 الف اللي معاك يجيبلك جولف 1600 بجنط 17 وفتحه سقف واخر دلع وبلاش ال1400 دي ....دور ومتستعجلش لحد ما تلاقي وحده نظيفه

[مروان]

دي صاجها نضيف جدا و فرش نضيف بتاع الفبريكه و مكنتها جربتها رايقه مش عارف بقه 1600 اه هتبقي حلوه لاكن هيا فين دي

[مروان]

اه و بالحق هيا في الاساس بعد مشوفتها و اطقست استخدام سيده يعني ممكن متحتجش عمره في الوقت الحالي

[مروان]

طيب سؤال لو عاوزه عمره كارتونه العمره بتاعتها بكام لو حد عارف ؟؟

[Honda_lover]

اكشف عليها كويس جدا جدا عشان موضوع النصين فالجولف منتشر اوي خصوصا انها فبريكة بالكامل وموديل 2001

[Honda_lover]

طيب سؤال لو عاوزه عمره كارتونه العمره بتاعتها بكام لو حد عارف ؟؟

لو الموتور ضغيف امشي بيه لغاية متخلص عليه خالص وهات واحد 1600 sr هيفرق معاك اوي فالقوة وقطع غيارة متوفرة وارخص من ال 1400لانه مشترك مبين الجولف والاوكتافيا a4 والبورا وهيكون بنفس تكاليف العمرة

[مروان]

بجد بشكركم جدا علي الإفادة دي لاكن السؤال دلوقتي قطع غيار المكنه ال 1400 علي كده شحه ولا ايه اصل حضرتك بتقول ال 1600 احسن و كمان قطع غياره متوفره ؟؟؟؟

السؤال المهم جدا جدا جدا بالنسبالي حاليا قطع الغيار الجديده مش الاستيراد موجوده ؟؟ انا عارف ان الاستيراد احسن لاكن مسيرو في يوم يشح من السوق و انا مش عاوز العربيه تتبط تحت البيت علشان خاطر قطعة غيار حضرتكم فاهمني ؟؟؟

[Honda_lover]

بجد بشكركم جدا علي الإفادة دي لاكن السؤال دلوقتي قطع غيار المكنه ال 1400 علي كده شحه ولا ايه اصل حضرتك بتقول ال 1600 احسن و كمان قطع غياره متوفره ؟؟؟؟

السؤال المهم جدا جدا جدا بالنسبالي حاليا قطع الغيار الجديده مش الاستيراد موجوده ؟؟ انا عارف ان الاستيراد احسن لاكن مسيرو في يوم يشح من السوق و انا مش عاوز العربيه تتبط تحت البيت علشان خاطر قطعة غيار حضرتكم فاهمني ؟؟؟

متقلقش كله موجود جديد واستيراد سواء ال 1400 او 1600 ومحدش هيبطل يشتغل فيها لانها من انجح الموديلات اللي صنعتها فولكس ومطلوبة بشدة من فئة الشباب لانها عربية بيليق عليها التظبيط تقدر تقول عاملة زي الهوندا ال 92 كده محبوبة ولسه مطلوبة وليها سوق وقطع غيار وشوف دي موديل كام والجولف موديل كام وبالتوفيق ان شاء الله

[iBiZa]

بالظبط كده و لما بتوع قطع الغيار لقوا ان العربيه مطلوبه اوى من الشباب بقى كله بجيب حاجتها حتى اللى مش شغال فى الvw

[مروان]

طيب انا عندي سؤال مهم جدا جدا جدا و ارجوكم الرد في اسرع وقت

العربيه مبطوطه في المعرض بقالها اسبوعين تقريبا مفيش حد راضي يحن عليها غيري
انا عن نفسي جربتها فرشها لوكس اللوكس و الشنطه بأمانه الله ريحة الفبريكه طالعه من فرشها و الصاج الله اكبر نضيف زيرو مفيش غير العتب اللي فيه تقشير و عاوز يترش نضافه

و زي ما الدعوه اللي بتدعيهالي امي يارب يوقفلك ولاد الحلال زي حضرتك انا اتفرجت علي العربيه 3 مرات لحد دلوقتي و ولحدي في انتظار تكرم ابن عمي اللي بقالو 20 سنه في السوق و يعرف يفصص العربيات كويس جدا من نحية الصاج

في المره الرابعه لما كنت بتفرج علي العربيه صادفني ميكانيكي اللي بتعامل معاه الميكانيكي معاه عربيه بيتل 2005 يعني ما شاء الله بيفهم في الالماني كويس فطلبت منو يبص علي الرعبيه جرب المكنه و قالي كلمتين
قالي البوابه عاوزه تتغير و المكنه يجيلها طقم سيرفز كامل يعني اعمل حسابك علي 1000 ل 1500 بالمصنعيه تقريبا المهم بعد اما قالي كده قالي يا كده يتسقطلها مكنه 1600 و انا لما سالت علي المكن لأيت المكنه ال 1600 لوحدها ب 3500 ل 4000 و لو بفتيس اوتو هتبقي ب 7000 بالضفاير و الكلام بتاع تظبيط المكن لو هيجي من اليابان لان المكن هناك مقلوب و فيه واحد حبيبي بيقولي هتفتح معاك ل 10000 او 11000 كمان بالمصنعيه

الراجل دا لو العربيه زي مبيقول زيرو صاج و زيرو صالون و العفشه ممكن نديها 70% كويسه مثلا
و المكنه زي منتو شايفين محتاجه يا تظبيطه ب 1000 ل 1500 ومع العلم العربيه ماشيه 200000 يعني نص عمر مع ان المكنه بتنزل ميه من الشكمان يعني ممكن تكون لسه فيها شويه او مش عارف اقدرلها السراحه بس هبوطها مع تشغيل التكييف زعلني اوي لاني كان نفس في عربيه مبتتأسرش بالمكيف فعامتا شكلها لو جت هفحتها شغل لحد مجيب اخرها و انزل بال 1600 و لو حتي مكنه بس من غير فتيس مع العلم ان العربيه منول

الراجل دا طالب 70000 طبعا الكل بيقولي كتيييييييييييير

فانا عاوز حد يقولي تقريبا لو العربيه دي بكام تبقي كويسه بالحاله دي

انا من وجهة نظري بخبرتي البسيطه جدا عاوز انزلها من 70000 ل 63 مثلا عاوز اعمل حساب تمن المكنه و التظابيط اللي هظبطها قبلها لل 1400 و امشي بيها شويه هل كده هبقي ظالمو ولا عادل و والدي بيقولي نزلها ل 60000 و اعمل حسابك علي مكنه و فتيس معانو باصص اني مجبش حاجه اشتغل فيها و تبقي علي الركوب علي طول بس انا شايفها لو صاج و صالون لقطه كده اجيها

ارجوكم افيدوني بالتفصيل و عاوز كلام نهائي لاني هبقي كده بتعولء انا يوم السبت اللي هوا بكره هروح مع ابن عمي نكشف عليها كشف نهائي عاوز اراء كامله منكم علشان اعرف اخلص فيها و لا ابعد

[tareksakr]

خلاصة الموضوع العربية دي لو فبريكة برة وجوة اخرها 65000 جنيه وانت وشطارتك مع البائع وحكاية المكنة دي سهلة اهم حاجة متكونش خفيفة أو بتبخر زيت من خرطوم الفايظ والموتور ال 1400 في الجولف 4 موتور حلو واقتصادي جدا و 180000 في عربية الماني ما يعتبرش كتير انا كنت مسقط في عربيتي موتور استيراد من 4 سنين وكان عامل ساعتها 145000 كيلو والي الان بحالة ممتازة العربية لو متصانة كويس والموتور بيتعمله الصيانة بتاعته في مواعيدها ممكن يقفل معاك 500000 كيلو بدون مشاكل