نصايح خبراء الفولكس بوينتر

[thescorpion2]

السلام عليكم يا رجالة المنتدي

انا متابع المنتدي من زمان بمعظم اقسامه طبعا علشان طمعان استفيد ولو بجزء بسيط منكم

طبعا دي اول مشاركة ليا ومحتاج نصايحكم لأول عربية ليا

نوع العربية : فولكس بوينتر 2004
الكماليات: كاملة (سنتر وتكييف وباور)
العداد: 80 الف كيلو
المكان: الإسكندرية
العربية حالتها العامة كويسة جدا وده كلام الميكانيكي اللي اخدته معايا هي راشة الجزء الخلفي من الجنب الشمال، غير كدة العربية مش متهانة.

إستعمال حريمي

انا سمعت كتير عن العربية ديه وفيه ناس بتنصح بيها وفيه ناس قالت لي ابعد عنها
وسمعت كتير عن قطع الغيار القليلة في السوق والغالية وبرضة سمعت انك بتجيب قطع الغيار وتنساها

بس انا حابب اسمع رأيكم في العربية بوجه عام وياريت الناس اللي راكبة بوينتر من اسكندرية تقولي اماكن قطع الغيار والميكانيكية اللي ايديهم في البوينتر

وبرضه احب اسمع رأي الخبراء في تسعير العربية بالمواصفات ديه

وشكرا مقدما يا رجالة :)

[hossamalsadik]

صديقنا المهندس شريف عضو معنا ومعاه نفس العربيه متهيقلى الأفضل تسمع منه
ان شاء الله يشوف موضوعك ويرد عليك

[eraser]

العربية كويسة ثابتة واعتمادية جدا زى باقى الفولكس وان كانت فيها شوية عيوب بسيطة زى الابواب تقيلة شوية والفتيس مش سلس بالمقارنة بالجولف اللى كانت معايا مثلا
يعنى العربية كويسة بس فولكس الالمانى وسيات انا شايفهم احسن
انا معايا 1600cc وسحبها معقول مش زى الجولف بردو بالنسبة لموديل 2004 اعتقد هيكون 1000cc حاسس انه قليل (حسب سواقتك)
بالنسبة لقطع الغيار الاستهلاكية زى العفشة والتيل موجودين و سعرهم زى باقى فولكس اغلى من الكورى بشوية بس معمرين اما بالنسبة للصاج اسمع انه قليل وغالى بس ما احتجتوش الحمد لله
الصيانة بعملها عند بتوع فولكس بس مش كلهم بيشتغلوا فيها
الخلاصة عشان ما اتوهكش العربية لو حالتها كويسة وانت مش هتضايق من الموتور ال1000 (على فكرة هو موفر جدا فى البنزين) هاتها وهتبقى كسبت موديل عالى وعربية اعطالها قليلة
موضوع الصيانة وقطع الغيار هتلف عليهم شوية فى الاول بس زمايلنا هنا فى اسكندرية هيساعدوك وممكن تبص على مواضيع قطع الغيار واسعارها فى قسم فولكس وسيات (الاتنين نفس الاجزاء الميكانيكية مع اختلاف الشكل فقط) عشان تاخد فكرة
السعر انا بقالى فترة مش متابع
بالتوفيق وابقا طمنا

[thescorpion2]

العربية كويسة ثابتة واعتمادية جدا زى باقى الفولكس وان كانت فيها شوية عيوب بسيطة زى الابواب تقيلة شوية والفتيس مش سلس بالمقارنة بالجولف اللى كانت معايا مثلا
يعنى العربية كويسة بس فولكس الالمانى وسيات انا شايفهم احسن
انا معايا 1600cc وسحبها معقول مش زى الجولف بردو بالنسبة لموديل 2004 اعتقد هيكون 1000cc حاسس انه قليل (حسب سواقتك)
بالنسبة لقطع الغيار الاستهلاكية زى العفشة والتيل موجودين و سعرهم زى باقى فولكس اغلى من الكورى بشوية بس معمرين اما بالنسبة للصاج اسمع انه قليل وغالى بس ما احتجتوش الحمد لله
الصيانة بعملها عند بتوع فولكس بس مش كلهم بيشتغلوا فيها
الخلاصة عشان ما اتوهكش العربية لو حالتها كويسة وانت مش هتضايق من الموتور ال1000 (على فكرة هو موفر جدا فى البنزين) هاتها وهتبقى كسبت موديل عالى وعربية اعطالها قليلة
موضوع الصيانة وقطع الغيار هتلف عليهم شوية فى الاول بس زمايلنا هنا فى اسكندرية هيساعدوك وممكن تبص على مواضيع قطع الغيار واسعارها فى قسم فولكس وسيات (الاتنين نفس الاجزاء الميكانيكية مع اختلاف الشكل فقط) عشان تاخد فكرة
السعر انا بقالى فترة مش متابع
بالتوفيق وابقا طمنا

اولا انا متشكر جدا يا باشمهندس شريف علي ردك وعلي وقتك :)
احب بس اوضح لك ان العربية 1400 مش 1000 سي سي
ثانيا بالنسبة للاكسسوارات من فوانيس وكدا هدوخ عليها ولا الموضوع مش زي ما انا متصور ?
بخصوص السعر هي صاحبة العربية كاتت طالبة 40 الف ومن هنا لهنا ماسكة غلي 39 الف وحجتها انها لسة مغيرة التيل وللسيور وعاملة لها صيانة وعلي كلامها لو اخدتها مش هصرف عليها.

الكلام دة مناسب ولا ايه راي حضرتك ?!

[thescorpion2]

ايه يا شباب محدش ليه رأي في الموضوع ده ولا ايه ؟

[eraser]

علي حد علمي البوينتر نزلت مصر 1000 او. 1600
حتي بره منزلتش 1400 خالص
نزلت 1800 و2000
هوا دا موتورها الاصلي ولا بتاع بولو
لو بتاع بولو يبقغ عك وسيبك منها

[eraser]

بالنسبة للفوانيس موجودة تايواني ب 250 الواحد
انا اسمع ان الصاج قليل وغال
الميكانيكا والعفشة موجودين

[thescorpion2]

الف شكر يا باشمهندس تعبتك معايا .

طيب بالنسبة للسعر المطلوب ايه رايك فيه ??

[eraser]

معلش انا مش متابع الاسعار اليومين دول

[thescorpion2]

الف شكر يا باشمهندس
تاعبينك معانا والله
ربنا يجازيك خير

[eraser]

ولا يهمك يا باشا
امين