طرمبةً بنزين ولا فلتر

[ghost_hamdi]

العربيةً عندي مرةً واحدة لاقيتها مش عايزةً تسحب اخرها ٦٠ كم في الساعة وشويهً القيها عادية وترجع تانية
متسحبش
انا كنت غيرت كل الفلاتر والبوجيهات وعملت سرفيس للمكنه ولما جيت اغير فلتر البنزين
الميكانيكي قال انهً كان لسه متغير قريب وممفيش داعي انه يتغير دلوقتي
ممكن يكون عدم سحب العربية ده فلتر البنزين - ولا ممكن تكون طرمبة البنزين
ولو فلتر لما اغيره اجيب معه سائل تنظيف الرشاشات
ولو طرمبة في حد بيقولي طرمبة الانجيكشن واحدة ، ممكن تركب واحدة بتاعت هيواندي فيها هل الكلامًً ده صح ولا غلط
ولو غلط الطرمبة الالماني تعمل كام

العربية جولف ٤ موديل ٢٠٠٠

[mr_green]

مبدئيا غير الفلتر و جرب مش هاتخسر حاجة

فرق يبقى خلاص - بشرط إن لما تغيره تشوف لو كان مسدود ولا لأ لو سليم يبقة طرمبة و على حد علمى ماينفعش أى طرمبة لأى عربية

[Silent~Dream]

الاول جرب فلتر البنزين وشوف ولو مفيش جديد توديها مركز صيانه متخصص ونضيف هيكشفولك عليها

[ghost_hamdi]

طيب حد يعرف موضوع اي طرمبة انجيكشن بتنفع ولو لا الطرمبة. الالماني بكام ؟

[ra3d]

انا جبت طرمبة بنزين للبولو الماني من شارع دمشق ب 650 و مضروبة
احسنلك جبها استيراد

[mido_antouhh]

انصحك اكشف على البوابه

[Ahmed pico]

يا عم هات الطلمبه استيراد دا الجولف 4 مافيش اكتر من حاجتها فى مصر وبلاش اوعى تشترليها حاجه جديده حاجتها موجوده استيراد وبلاش

[AHMADALY1999]

هو فى اعراض تقطيع ؟
اصل لو فلتر او مضخة كانت العربية تنتش و تقط طع لكن لو ادائها ناعم يبقى فعلا تشك فى البوابة عامة كحساس tps او غيره ................. هل البوابة عندك على واير و لا كهربا ؟
هل فى لمبة check صفرا منورة ؟

[ghost_hamdi]

مش عارف وير ولا كهرباء و ولا مفيش اي لمبه صفرة منورة
هو اداء العربية ناعم بس مش عايز تسحب واخرها 60 كم
والنبي حد يفيدني

[AHMADALY1999]

اهم سؤال هى اتوماتيك ؟
ال rpm بيبقى كام لما بتحصل المشكلة و اخرها 60 كم / س

لازم تتاكد الاول دواسة البنزين على واير بيحرك بكرة فى البوابة و لا كهربا


لو كهربا يبقى لازم تتاكد ان الاكتيويتر بتاع البوابة بيتحرك طبيعى لاخر المشوار و بيفتح البوابة على الاخر
لما العربية تعملها تانى اركن و بطل و فك خرطوم الهوا بتاع الفلتر اللى داخل البوابة و حد يدوس بنزين على الاخر و انت تبص تشوف البوابة بتفتح للاخر و لا لأ

لو واير فمفيش شك فيها لان مش حينفع و هى على واير مرة تعمل مشكلة و مرة لأ

[ghost_hamdi]

هي مانيوال 1800

[ghost_hamdi]

الحمد لله طلعت البوابة واتنظفت والحمد لله العربية زي الفل دلوقتي

[AHMADALY1999]

طيب الحمد لله
الف مبروك

[ghost_hamdi]

المشكلة ظهرت تاني ، انا كنت راكن العربية قبل ايام المطر والبرد ،ولما خلصت المطر كنت بسخن العربية
امبارح نزلت بيها لقيتها مكتومة تاني ، في واحد كهربائي ساق معايا وقال ان البوجيهات ممكن تكون رطبت من المطر
خدها علي طريق واقرص عليها شوية هاتفتح معاك ،
انتوا اية رايكو ان لازم اسافر بيها بعد ٦ ساعات
اعمل ايه البوابة لسه منظفة وكل الفلاتر متغيره معاد البنزين هو مش مسدود
ايه المشكلة اللي ممكن تعمل كدةً