مشكلة في علبة الباور - باسات 2000

[minabiko]

عندي مشكلة في علبة الباور باسات موديل 2000 1600 cc أتوماتيك .. المشكلة أن العلبة بتجيب زيت من كل حته ومغرقه الحوض ومش عارف امشي بيها ... لما سألت قالولي أني افك العلبة واعملها طقم إصلاح ( جوانات وجلب والكلام ده ) مع العلم أن العربية ماشيه 187 الف كيلو ... فمش عارف أعمل الكلام ده ولا اجيبها استيراد ولا جديد وهيبقي سعرها كام وايه الأفضل .. وهل فعلا أني علشان افك العلبة لازم أحل المكنه ؟

وفي مشكله تانية أن العربية من فترة كده بدأت احس انها مفكوكه من قدام في المطبات وعرفت أنها ممكن تكون جلب المقصات وأني لازم أغير المقصات ( الـ 8 مقصات ) فعايز اعرف اسعرهم ايه وايه الحل

ومتشكر جدا لكل الاعضاء اللي هتحاول تفيدني

[eng.salama93]

8 مقصات ... ازاي بس ممكن توضيح ؟

[dedo_ryo]

8 مقصات ... ازاي بس ممكن توضيح ؟

لان الباسات دي الماتور بالطول و الجر أمامي فليها افتكاسه في العفشه الاماميه و هنا تيجي مشكله لما تحتاج صيانه فيها ال8 مقصات بيتغيروا مع بعض علشان تاخد افضل نتيجه من الاصلاح اللي انت عملته و يبان الشغل فيها

[eng.salama93]

يعني انتا متأكد من حكاية 8 مقصات دي ؟

[iBiZa]

العربيه فيها 8 مقصات بس لازم تفك و تشوف مين فيهم اللى محتاج تغيير.
انا مش فاهم انت قصدك على طرمبه الباور ولا الخزان اللى فوق ؟؟

[saddam]

صديقي المواطن
قولا واحدا لو مش عايز تفتح حتجيب علب زيوت باور إما جنك اﻷمريكية أو بارز ستوب ليك بخاصية القضاء على ترشيح البور ستوب ليك وتجيب بتاع 3 علب الوحده بحدود 50 جنيه تحطها بس لازم تستعمل العربية وهو إن شاء الله حيقفل معاك ولا تحل مكنة ولا طقم إصلاح ولا هم يحزنون حتحط واحد وحتستعمل العربية عادي وتقعد كل يوم تزود لغاية ما كل الترشيحات تقفل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[eraser]

العربيه فيها 8 مقصات بس لازم تفك و تشوف مين فيهم اللى محتاج تغيير.
انا مش فاهم انت قصدك على طرمبه الباور ولا الخزان اللى فوق ؟؟

قصده عالاسكاترا تقريبا عشان انا عندى نفس المشكلة بس انا لسه محلتهاش
زودت الزيت مرة ومنقصش تانى قولت اسيبها زى مهيا
على فكرة انا لقيت زيت كويس للباور febi المانى وتخليقي ومطابق لمواصفات vw

[minabiko]

انا آسف يا جماعه علي عدم التوضيح >> المشكلة في علبة الدركسيون ( ضربت زيت من ناحية البارات من جوه كدا الزيت علي الكرتيرة من الناحيتين ) يعني طرمبة زيت الباور سليمة بس الزيت بيخرج من علبة الدركيسون من عند الكبالن كدا
والمشكلة اللي في المقصات من الجزء اليمين اللي قاعد جنب السواق تحس العربية مفكوكة في المطبات من الناحية اليمين ...
ولكم جزيل الشكر علي محاولاتكم لمساعدتي

[minabiko]

ياريت يا جماعه حد يفيدني أعمل ايه في الاسكاترا دي "علبة الدركسيون" لاني بجد مش عارف امشي بالعربية نهائي لانها مش بترشح زيت دي بتصفي الزيت تماما وطبعا علشان اصلح لازم عربية انقاذ وتروح الحرفيين >> بس انا عايز اعرف اعمل ايه بالضبط " أفك واشوف الاويل سيل والجوانات اللي في العلبة " ولا اجيب إستيراد ولا جديد ومتوسط الاسعار هتبقي ايه علشان اعمل حسابي

[iBiZa]

انا من رأيي انك تغير علبه الدركسيون و تجيب استيراد من الشهاب عشان انضفهم بس غالى. و علبه الدركسيون لو بايظه بتبان علاطول اول ما تركب.

الاسعار مش عارف دلوقتى بس لفه حلوه فى ساعه هتلم الدنيا.

الجديده هتخش فى كذا الف.

[minabiko]

متشكر جدا علي ردك السريع واهتمامك
انا كنت سألت عليها جديدة قبل كدا في شارع دمشق قالولي الالماني الأصلي بتاعها عامل 5000 جنيه بس مش فاكر اسم المحل
عندي بقي سؤالين ( معلش بقي انا عارف ان طلباتي كتيره ) هو فعلا لازم المكنة تتحل علشان يفك العلبة ؟
ولو العلبة دي اتصلحت هتنفع ؟ لان واحد في شارع شمبيليون قالي هتهالي لو فيها عفريت هصلحهالك بـ 500 جنية .... رأيك ايه
وآسف علي إستفسارتي الكتيرة

[iBiZa]

انا مش مع التصليح لان ضغط الباور جامد فا مش بضمن هيعمل تيه و على المدى الطويل هيستحمل الضغط ده + ان اللى بيتفك فى مصر عمره ما بيرجع زى ما كان.

هسألك فى موضوع حل المكنه ده بس معتقدش.

[minabiko]

متشكر جدا علي المتابعة والرد السريع وانا بإذن الله اول ما ابدء اصلح هكتب اسعار قطع الغيار واسماء المحلات

[mmahdy90]

ممكن اعرف بتتعامل مع اى مركز صيانة؟ و هل هناك ميزانية معينة للاصلاح؟

[alzelafy]

المقصات روح لعفشجى عايز يشتغل و خليه يقك الجنبين و يطلعلك المقص اللى بايظ و تاخدة و تروح الحرفيين تجيب زيه و تركب و على فكرة هما اسمهم شدادات مش مقصات زى ما معظم الناس بتقول و انتا ممكن تعرف اللى بايظ فيهم بنفسك فك فردة الكاوتش و امسك الشداد واجد واحد بايدك و هزهم بقوة ايدك و اللى تلاقيه بيتهز معاك يبقى هو دة اللى بايظ و عاوز يتحل و هما باينين قدامك جدا اتنين فوق و اتنين تحت و اللى تحت هما اللى بيبوظو دايما و بيخلو العربيه تعوم جامد .... موضوع حل الموتور عشان علبه الدريكسيون دا صنايعى عويل و ياما مر علينا ناس كدة لكن لو حافظ العربيه مش هيقول كدة