تسعيير بوينتر 2006

[Mido Pasha]

السلام عليكم

انا معروض عليا عربية بوينتر 2006 و عاملة 47 الف كيلو ... هى طبعا مانيول و جميع الكماليات

صاحبها طالب فيها 54 الف جنية ... ممكن حد يساعد و يفهمنى ايه السعر المناسب؟

و متشكر مقدما

[Mido Pasha]

هو انا قلت كلام مش كويس و لا ايه d:
حد يساعد لو سمحتم

[import]

أنا حرد عليك ، 47 الف كيلو بس من سنة 2006 أشك ان العداد ملعوب فية ، أكشف عليها و لو كلة تمام أشتريها و على ضمانتى انا راكبها ال1600 سى سى و عامل بيها لحد دلوقتى 92 الف كيلو ، بالتوفيق

[Mido Pasha]

متشكر جدا لردك

الاعلان كان مكتوب فيه ال 47 الف كيلو بالغلط , لما شوفتها لقيتها 58 الف كيلو و اللى هوا بردوا تشك فيه

انا كشفت عليها و الميكانيكى بتاع فولكس قالى انها نضيفة و صوت الموتور كويس ... هل كده السعر مناسب ؟

[eraser]

السعر غالى بس لو حالتها كويسة وعجباك توكل على الله بس نزل شوية

[Mido Pasha]

الحمد لله جبتها من كام يوم كده و نزلت في سعرها بردوا ... الجديد بقى انى عملت بيها حادثة امبارح و الاكسدام اتدمر !!

انا دخلت و شفت اسامى الميكانيكيين اللى ممكن اروحلهم و هروح ان شاء الله لـ أحمد عزت اللى فى جسر السويس

لو سمحت يا بشمهندس شريف قولى اجيب اشترى الاكسدام الامامى منين و بكام عشان لسه هدور على سمكرى كويس

[eraser]

ياااااه انت لحقت !!!!!
عموما معلش فداك ولا يهمك
بصراحة انا ما احتجتش اكصدام قبل كدا بس انا لما كنت عند احمد عزت اخر مرة قاللى انه جايب عربيتين بوينتر استيراد فممكن يكون عنده اكصدام
ولما تروح لاحمد قله انك تبع الجروب بتاع نايل موتورز عشان ياخد باله منك زيادة ويعرف ان شغله هيسمع ولو عايز اكلمهولك واساله عالى انت عايزه
لو مش كده شوف فى الحرفيين يتوع الاستيراد وابدا بدول
الشيخ حسن اسم المحل (حسن النوبى) ت-26976388 موبايل: 01001664681


الحرمين (ظاظا جولف )العنوان -شارع الدكتور احمد ممدوح بلوك 9 محل8امام الكوثر - مبيل 0122914868 مشهور (مدحت ظاظا)

ولينا صديقنا فى قسم سيات ا/حسام الصادق خبرة فى محلات الحرفيين ممكن يفيدك اكتر
وعندك كمان محلات الجديد فى دمشق والتوفيقية
بالتوفيق

[Mido Pasha]

الف شكر يا هندسة , هنزل انهاردة و اعرفك حصل ايه