كنت حموت لولا ستر ربنا

[mahmoudfawzypr]

ماشي امبارح و راجع من اكتوبر للمهندسين وقبل المطبل اللي قبل مطلع المحور بدوس فرامل لقيت الدواسة بتنزل لغاية الاض والعربية مبتقفش قعدت ارفع وادوس تاني وايدي على فامل اليد براحة الحمد لله العربية هديت ووقفت على جنب نزلت بصيت على كل عجلة علشان انا وطالع من الجراج العربية اتحكت من ورا جامد ملقتش تسريب زيت بصيت على خزنة الزيت لقيتها مليانة

قفلت العربية وكركت الفرامل نشفت وبقت حجر مجرد ما اشغل العربية وادوس فرامل الدواسة تنزل للارض رحت لميكانيكي في اكتوبر قالي الماستر باظ

هل كلامه صح ...وهل تغيير الماستر اي حد يعمله ولا لازم حد مخصوص فولكس


شكرا مقدما وربنا ما يوري حد احساس انك تدوس فرامل وانت بتجري ومتلقيش

[eraser]

للاسف مش هقدر افيدك بس روح لميكانيكي فولكس طبعا

[mahmoudfawzypr]

امبارح غيرت ماستر الفرامل والزيت بتاع الفرامل والميكانيكي اخد هوا وتمام وطلع جربت العربية اكتر من اربع مرات والفرامل كانت تمام وال abs بيشتغل وخدتها من اكتوبر لغاااية نص المحور بدوس فرامل مفيش خاااالص زي المرة الاولى العربية بمبتفرملش غيير في اخر الدواسة خالص وبتهدي بس مش توقف العربية

دلوقتي انا شاكك في خراطيم الفرامل ..لان الحكاية دي محصلتش غير لما العربية اتحكت جامد وانا نازل جراج مع ان الزيت مبينقصش ومفيش اي تسريب زيت على اي ماستر من مساتر العجل

حد عنده فكره ممكن يكون ايه السبب خصوصا ان مفيش زيت بيتقص

[dr.hazem]

امبارح غيرت ماستر الفرامل والزيت بتاع الفرامل والميكانيكي اخد هوا وتمام وطلع جربت العربية اكتر من اربع مرات والفرامل كانت تمام وال abs بيشتغل وخدتها من اكتوبر لغاااية نص المحور بدوس فرامل مفيش خاااالص زي المرة الاولى العربية بمبتفرملش غيير في اخر الدواسة خالص وبتهدي بس مش توقف العربية

دلوقتي انا شاكك في خراطيم الفرامل ..لان الحكاية دي محصلتش غير لما العربية اتحكت جامد وانا نازل جراج مع ان الزيت مبينقصش ومفيش اي تسريب زيت على اي ماستر من مساتر العجل

حد عنده فكره ممكن يكون ايه السبب خصوصا ان مفيش زيت بيتقص

انت غالبا من كتر ما دست الزيت سخن وغلي وطلع فيه فقاعات هوا ومحتاج تاخد هوا من تاني،،،
كونك تدوس لحد اما الABS يشتغل يبقى كنت بتدوس جامد ومليون الميه الزيت غلي....

تحياتي

Sent from my Xperia Arc S using Forum Runner

[mahmoudfawzypr]

ماعتقدش ان الزيت غلي لان المسافة من المكيانيكي لغاية نص المحور حوالي 10 كيلو على الاقل وطول المسافة دي كنت بفرمل فرامل عادية خالص وبعدين الدنيا كانت برد جدا بالليل

هو فيه حاجة بتحصل بس مش عارف ليها علاقة ولا لا ..لما بدوس على الفرامل بسمع صوت هوا كاني بدوس على اسفنجة والصوت بيبقا جاي من عند الدواسة من تحت

[eraser]

ممكن تكون المشكلة فى السيرفو او خراطيم الفاكيوم
خلى الميكانيكي يبص عليهم ويراجع على كل دورة الفرامل يمكن حاجة مهوية او مش مربوطة كويس اوخرطوم مجروح وبيدخل هوا

[eraser]

واتاكد من نوع زيت الفرامل كمان dot 5 ولا المفروض يكون ايه

[محمد الليبي]

بسم الله..والله يا أخوي أنا سجلت المنتدى عشانك فلا تنساني من دعواتك الصالحة..وأتمنى أن أفيدك..
المشكلة ممكن تكون هواء يعني افتح على الفرامل الأربع وخرج الهواء منها..

وممكن تكون سيرفا..لأن حدث معي مرة...الفرامل لما اكبس عليا الاقيها مكبوسة عالأخر وما تنضغط ابدا..
ولما كشفت عليها ضنيتها سيرفا...لقيت انبوب الهواء اللي بين السيرفا والمحرك مخلوع..
وأتمنى أفدتك..
والسلام عليكم.

[mahmoudfawzypr]

بسم الله..والله يا أخوي أنا سجلت المنتدى عشانك فلا تنساني من دعواتك الصالحة..وأتمنى أن أفيدك..
المشكلة ممكن تكون هواء يعني افتح على الفرامل الأربع وخرج الهواء منها..

وممكن تكون سيرفا..لأن حدث معي مرة...الفرامل لما اكبس عليا الاقيها مكبوسة عالأخر وما تنضغط ابدا..
ولما كشفت عليها ضنيتها سيرفا...لقيت انبوب الهواء اللي بين السيرفا والمحرك مخلوع..
وأتمنى أفدتك..
والسلام عليكم.

شكرا استاذ محمد على اهتمامك

والله انا مش عارف ماستر ولا سرفوا ولا ايه .....انا غيرت الماستر والمشكلة اختفت لغاية لما طلعت على طريق سريع وقامت رجعت وتاني يوم لقيت الفرامل شغالة ومشيت بيها في المهندسين كانت تمام مع الزحمة ... تاني يوم رحت لمحمد سمير اخد هوا ولقينا العجلة اليمين ورا فيها هوا كتيير شوية وقالي لو رجعت تاني يبقى نغير السيرفو والماستر وطول الطريق في الزحمة الفرامل كويسة ....طلعت من عند محمد سمير والفرامل كويسة لغاية لما وصلت للحتة المرصوفة جديد على كوبري اكتوبر وانت رايح المهندسين والطريق فتح فجيت شوية لقيت الفرامل بتخف وكل ما تدوس دوسة الدوسة التانية يبقى مشوارها اطول من الاولانية لغاية لما الفامل توح خالص

وصلت البيت وركنت العربية وقبل ما اقفل سمعت صوت زي حاجة بتسرب هوا من تحت الدركسيون قعدت احاول جاي منين بالضبط ماعرفتش للاسف


انا احترت وزهقت و مش عارف ايه السبب

[megaman]

البوظان فى السيرفو انشاء الله والله اعلم حصلت معايا قبل كده نفس الاغراض

[mahmoudfawzypr]

البوظان فى السيرفو إن شاء الله والله اعلم حصلت معايا قبل كده نفس الاغراض

يا رب يطلع هو الماستر ...انشاء الله الجو يتعدل واروح اغيره

[Mahmoudelsayed]

الحمد لله على سلامتك

فى ميكانيكى فولكس فى الهرم اسمه عصام

1- ورشة أصلاح وميكانيكا سيارات فولكس
اسم الميكانيكي : عصام
العنوان : شارع الأشول - اخر الهرم - محطة مشعل
التليفون : 01001739512
الماركات : عائلة فولكس

محترم اوى اوى اوى يا رب يفيدك تقريبا انا شاكك فى السيرفو لانه هوا اللى خلف الدركسيون على طول

روح لعصام وهوا هيظبطلك كله

اسهل طريق تروح له من اكتوبر انك تاخد طريق حازم حسن وطلع على الرمايه وتدخل شارع الهرم وتاخد اول ملف وترجع الشارع اللى على ناصية جاد تخله تمشى شوية تلاقى الورشة على شمالك معلق علامة الفولكس

[eleanor]

المشكله في السيرفو هو اللى بيلغى من جوه ومش بيخرج الهواء مظبوط من الخرطوم اللى واصل ليه من الموتور اكشف على الخرطوم ده هو والسيرفو وان شاء الله خير
وربنا يستر طريقك