استفسار فى بولو 99 !

[waterpolo]

انا لسة شارى بولو 99 و رحت غيرت سيور و فلاتر و زيوت يعنى سرفيس كاملة
العربية طول ما هى واقفى كاتبة فى التابلوة service inspec و فى صفارة كدة ......ممكن اصفر عداد ال سيرفس ولا اية ؟

[طارق _عبد السلام]

فيه زرار على اليمين فى العدادات بتاع التصفير الكيلو اضغط عليه او لفه وانت ظاغط حط المفتاح فى الكونتاك
ولفه بدون ماتدور العربيه ولما تلاقى الرساله راحت دور العربيه

[waterpolo]

شكرا على الرد ......

[atvi1000]

انا مهتم جدا بالسياره ديه ويا ريت افهم هو العداد ده بتاع ايه بالظبط هل بيبق مظبطوط علي ميعاد كل سيرافيس وهي بيتغير لها سيرفيس كل قد ايه بالظبط وشكرا

[iBiZa]

ده بيبقى مظبوط على الجهاز من اخر service

على حسب انت عامل كام كيلو بيبقى فيه حاجات معينه بتتغير بس المهم هو التالى:
فلتر بنزين و هواء و بوجيهات كل 20000
زيت و فلتر زيت كل 10000
كاتينه كل 50000

[atvi1000]

هو مش الموديل ده 99 كاتينه بتاعته حديد يعني المفروض مش بتتغير

[SYD]

هو مش الموديل ده 99 كاتينه بتاعته حديد يعني المفروض مش بتتغير

مفيش اي موديل في البولو كاتينة جنزير ومتهيألي في فولكس كلها

[atvi1000]

شكرا للمعلومات المهمه ديه يا فندم واكيد هستفيد منها
بس يا ترا هو سعر سير الكتينه كم وهل لازم افك القديم واخده اجيب زيه ولا هو معروف

[SYD]

سير الكاتينة سعره بيتراوح بين 75 - 90 علي حسب نوعه
افضل الأنواع كونتيننتال الألماني - أتأكد انه الألماني لأن في منه صيني مضروب
يستحسن تجيبه من حد ثقة او حد معروف - ارشحلك اشرف الشهابي في شارع دمشق او فولكس هاوس بردو في دمشق
اما لو انت ساكن في الجيزة والهرم يبقي تروح لفتح الباب وامرك إلي الله
ممكن تروح للصفوة في وسط البلد

الكاتينة ليها مقاس
اعتقد مقاسك 135 عقلة لو مكنتك 1.0 او 1.4
الأحسن - فكه وهات زيه

تحياتي

[atvi1000]

في نوع سيور اسمه طوبران الماني ده عند فتح الباب يا ترا ده افضل ولا الكونتيننتال افضل وهل الشهابي عنده كونتننال ولا في افضل من الاثنني
وهل لابد من تغيير البليه مع الكتينه ولا مش شرط
سؤال كمان علي شان تغيير السيور ينفع ميكانيكي نظيف ولا لازم توكيل او مركز معتمد

بخصوص الفلاتر في اتواع محدده ولا اجيب من الشهابي اي حاجه وخلاص

وشكرا

[mostafagaber]

يا جماعه انا بدور بقالي فتره علي وبولو 99 تكون نظيفه فقلت مش هلائي غير هنا انشاء الله فلو حد ليه حد صحبه معاه وحده كويسه ياريت يبعتلي او يكلمني 01009965222 لائني دورت كتير وحسات ان دي ممكن تكون افضل عربيه بالنسبا ليا

[atvi1000]

[QUOTE=atvi1000;3875394888]في نوع سيور اسمه طوبران الماني ده عند فتح الباب يا ترا ده افضل ولا الكونتيننتال افضل وهل الشهابي عنده كونتننال ولا في افضل من الاثنني
وهل لابد من تغيير البليه مع الكتينه ولا مش شرط
سؤال كمان علي شان تغيير السيور ينفع ميكانيكي نظيف ولا لازم توكيل او مركز معتمد

بخصوص الفلاتر في اتواع محدده ولا اجيب من الشهابي اي حاجه وخلاص

وشكرا[/QUOTE


ايه يا جماعه مفيش تعليقات ليه

[eraser]

في نوع سيور اسمه طوبران الماني ده عند فتح الباب يا ترا ده افضل ولا الكونتيننتال افضل وهل الشهابي عنده كونتننال ولا في افضل من الاثنني
وهل لابد من تغيير البليه مع الكتينه ولا مش شرط
سؤال كمان علي شان تغيير السيور ينفع ميكانيكي نظيف ولا لازم توكيل او مركز معتمد

بخصوص الفلاتر في اتواع محدده ولا اجيب من الشهابي اي حاجه وخلاص

وشكرا

عندك كمان سير الكاتينة بوش المانى ممكن تجيبه من الوكيل a-part هيلاقى عنوانه هنا

http://www.nilemotors.net/Nile/391032-a.html

والاضمن تغير البلية مع السير
واى حد متخصص vw يعملك الصيانة قول انت ساكن فين واحنا نقولك او شوف الموضوع دا

http://www.nilemotors.net/Nile/365867-a.html

الفلاتر حاول تجبها من محل ثقة

[Honda_lover]

فيه زرار على اليمين فى العدادات بتاع التصفير الكيلو اضغط عليه او لفه وانت ظاغط حط المفتاح فى الكونتاك
ولفه بدون ماتدور العربيه ولما تلاقى الرساله راحت دور العربيه

+1111111

[atvi1000]

طيب ايه اخبار الطنابير يا جماعه لاني عندي تعبانين قوي وعوزين يتغيروا وبالمره التيل كمان الامامي
انا لقيت انواع في السوق زي توبران بيقولوا الماني وفي كمان نوع اسمه رمسا بيقولوا اسباني
يا ترا ايه الافضل وبجيبه منين علما بان الشهابي معندهوش

كمان بخصوص سير كاتينه البوش هل هو افضل ولا الكونتنينتل افضل ويا رترا بيتغير علي كم كيلو


سؤال كمان بخصوص البوجيهات اجيب كم شمعه وانا سمعت ان في بوجيهات بوش هل بردو عند نفس الشركه اللي بتبيع السيور a-part ممكن اجيب منها بوجيهات واجيب كم شمعه